呢個Trip應該係大約舊年十月尾去,而家有啲時間寫埋佢.
記得舊年十月頭,ONT新增咗一條航線去Santa Rosa(STS),而呢間航空公司只成立三年,仲係算新,Avelo總部響德州,而加州有兩個hub
一個係Burbank而另一個響Santa Rosa.
見機票只賣usd$39,於是體驗一下.而三十九蚊只係一個Basic票價嚟,說白了,佢只不過係一間低成本航空,同Frontiner,Spirit一樣,所有嘢都要付費,例如寄艙,撰位等等.
咁我自己只係純體驗,所以只有一個袋,所以都只係$39 oneway.
XP881一個禮拜只飛三日,剛好星期日有一班機.執飛係一架二手737-700,註冊號係N701VL.其實Avelo只有兩款737,-700屬西岸Base(只有一兩架係東岸);而-800全歸東岸.
N701VL前身係西南航空,舊編號係N905WN,08年1月出廠,至今17年機.所以機身塗裝係Avelo,但入面佢沿用番Southwest既凳,無乜大改到.
航班畀原定遲三分鐘離開閘口(9:14am起飛),大約一個鐘頭多啲到Santa Rosa.
基本上美版廉航係無服務,佢只不過係由A點到B點既交通工具,唔會有派水(飲品)同零食服務.
而降落係幾硬著陸下,有感覺.
不過STS係Avelo為主,其他就只有Alaska同AA而己
而機場係屬細機場,無空橋,要行斜梯落機,再行入去客運大樓.
至於公交,星期日係零(平日有一條巴士入去),要行十幾廿分鐘先有Smart Train搭.
|
