我發電郵查詢GTFS-RT實時資訊所獲之回覆

九巴嘅回覆係 forwarded my suggestion to the relevant department

miklcct 發表於 2025-3-22 23:37
如果用我上面描述嘅方式，30X呢個結果會搵到（因為轉乘次數屬於最優），但係唔會出到嗰啲例如屯馬轉紅線等 ...

x0.98呢啲過於「仔細」，反正係斷秒計係無意義
另外係比重方面有無得用加減時間而唔係乘？
例如逆向天水圍北出旺角，鐵路大概50分鐘，265B 60分鐘左右，如果我唔想等超過15分鐘巴士，兩者最多相差25分鐘
另一方面屯馬多數要企，較多過1.5倍就好易出返265B

miklcct 發表於 2025-3-23 18:37
九巴嘅回覆係 forwarded my suggestion to the relevant department

其實九巴唔係好好多

1181174166 發表於 2025-3-23 18:51
x0.98呢啲過於「仔細」，反正係斷秒計係無意義
另外係比重方面有無得用加減時間而唔係乘？
例如逆向天水 ...

轉車次數係用加減計算，例如你唔鍾意轉車，咁可以每次轉車加5分鐘、10分鐘甚至更長落條公式度（注意，呢個同轉車加走盞時間係兩回事）。

如果你唔想等巴士，咁可以將等車時間加乘。目前 OpenTripPlanner 嘅假設係如果條線係每15分鐘一班（而非按照時間表運作），咁等車時間會等於15分鐘。呢個假設我覺得有改善空間，我已經開咗 issue ，將來有需要嗰陣會跟進；如果公式將呢個時間x2嘅話咁就會將15分鐘等車時間視作30分鐘去 optimise 。

至於0.98呢啲 factor 係短途當然無意義，但如果我嘅選擇係60分鐘地鐵 vs 60分鐘巴士，咁就有意義啦，當兩個方法用其它 criteria 都相若嗰陣可以做一個 tie break 。

miklcct 發表於 2025-3-22 15:37
如果用我上面描述嘅方式，30X呢個結果會搵到（因為轉乘次數屬於最優），但係唔會出到嗰啲例如屯馬轉紅線等 ...

好奇想知有幾多百分比嘅用戶，會咁仔細地調較呢D preference呢？

舉個例我嘅習慣係唔介意last mile遠D，只要夠快夠可靠。
反正我唔太怕行，甚至架單車會跟身。

但係遇著要拎好多野、唔太舒服、同埋其他人一齊等狀況，
我諗我未必figure out到要較到0.8 0.7定係0.5354先至啱，不如索性乜都唔較，而係會等trip planner出完結果再自己篩。

一般用家唔好計完全唔識路，總之去到就得之外，就算有要求，
應該都係簡單行少D/少梯級/少轉車，而唔會咁精準？

miklcct 發表於 2025-3-24 20:46
轉車次數係用加減計算，例如你唔鍾意轉車，咁可以每次轉車加5分鐘、10分鐘甚至更長落條公式度（注意，呢個 ...

60分鐘都係講緊1.2分鐘咁大把......一支燈都喺度
265B個case唔係轉車，而且係我唔係咁想搭鐵
但係轉投鐵路係因為走咗班車，下班15分鐘或以上而唔係不按時間表開出
我expect總時間係不多於75分鐘(60+15分鐘)而唔係將鐵路乘1.5當行程時間為75分鐘
就當1.5喺呢個case行得通，套落其他線如265M或者其他又未必啱數要計過比重
特別係長短途嘅10分鐘比重唔同

再多一個問題係巴士轉鐵計一部分定全程乘上去?

其實講多無謂，整到好似好周到咁，但係完全忽略咗上唔上到車呢個問題，俾你set到幾秒駁到咩車都無用

1181174166 發表於 2025-3-24 22:01
60分鐘都係講緊1.2分鐘咁大把......一支燈都喺度
265B個case唔係轉車，而且係我唔係咁想搭鐵
但係轉投鐵路 ...

巴士轉鐵路嘅話，咁你設定鐵路部分乘1.5，咁鐵路嗰程咪乘1.5。

例如官涌去天水圍，好明顯可以揀炮台街上269B或者落地底，咁後者嘅時間咪乘1.5；如果目的地係天水圍北，一係269B轉265M，一係地鐵轉K76，咁後者咪單單地鐵嗰段乘1.5。

你話下班車等15分鐘，唔想等，咁咪設定等車時間乘2甚至乘3；喺呢個位ETA就好有用啦；如果個系統計到去到轉車站唔會有排等，咁個時間就唔會變到好大。

s3n370 發表於 2025-3-24 21:07
好奇想知有幾多百分比嘅用戶，會咁仔細地調較呢D preference呢？

舉個例我嘅習慣係唔介意last mile遠D， ...

咁你想出啲唔正常嘅結果就梗係要入啲唔正常嘅 param ；例如佐敦去金鐘咁，一個正常合理嘅 journey planner 只會出地鐵一個選項（喺地鐵營運時間內），因為用正常嘅 criteria 無任何其它方法會比地鐵更好。咁如果你因為某啲特殊原因，需要用一啲正常人唔會用到嘅方法，咁就當然要入 preference 。

舉例，如果你唔想搭地鐵嘅原因係出入地鐵站上落樓梯有困難，咁你可以設置「避免行樓梯」（將行樓梯嘅時間倍大），咁個程式見到你出入地鐵月台要經過樓梯，就會倍大咗條數，從而會考慮其它方法，或者叫你搭升降機落月台（如有）。

如果你唔想搭地鐵嘅原因係唔鍾意地鐵嘅乘車體驗，咁就直接將地鐵嘅乘車時間倍大。

如果原因係唔想行太遠去地鐵站，咁就乘大步行時間。

cktse 發表於 2025-3-24 23:09
其實講多無謂，整到好似好周到咁，但係完全忽略咗上唔上到車呢個問題，俾你set到幾秒駁到咩車都無用 ...

GTFS-RT標準可以話你知部車頂咗閘，上唔到車，咁個程式可以考慮呢個情況。