我發電郵查詢GTFS-RT實時資訊所獲之回覆

AndyCPH 發表於 2025-3-25 20:47
可能問題係無連接實時到站/實時資訊?

以我之前喺臺灣旅行嘅經驗

因為台灣有政府推動嘅平台，google做一次串接就已經可以駁通晒全部
https://tdx.transportdata.tw/

s3n370 發表於 2025-3-25 20:33
講開Google吹兩句
個人體驗係Google maps係最全面，但係又係最多古靈精怪野果個，有D位甚至無路捉。

Google Maps係每況愈下
除左地圖面配色搞到鬼五馬六
更新不及時估計係因為佢都係靠3rd party map data
Google係香港應該無專門team睇地圖
所以有咩封路請求都極有可能係外面其他分部幫手上
咁樣當然有快有慢
係英國經驗local road封左都起碼要半日時間先會出現禁止進入標記
唔係點解人人會用Waze，因為突發野只有crowdsource先較為及時

Google Maps公共交通規劃更加係佢弱項
以前係香港都唔會特別用佢
係英國有Apple Maps coverage都好用過Google

講返樓主個計劃，其實佢自己／公司開發個舊野
有無可能調整不同參數之後做到CityMapper嘅clone？

AndyCPH 發表於 2025-3-25 12:47
可能問題係無連接實時到站/實時資訊?

以我之前喺臺灣旅行嘅經驗

唔肯定背後點運作，亦唔係次次都係咁。
當刻睇Google map，佢嘅traffic data係有顯示封路/塞到拉手掣/停駛，都仲走去建議先至奇。

s3n370 發表於 2025-3-25 22:39
唔肯定背後點運作，亦唔係次次都係咁。
當刻睇Google map，佢嘅traffic data係有顯示封路/塞到拉手掣/停 ...

其實呢個亦都係盲點，因為營運商嘅時間都係基於過往嘅行車紀錄，暫時未有一家，可以實時整合到其他交通嘅狀況

herman15hk 發表於 2025-3-25 21:18
我諗樓主未搞清楚個GTFS格式資料有好多data field好多都係optional data
首先要安裝onboard unit之餘如果 ...

你所指最後嗰句係100%同我理念相反；如果我哋想傾生意，提供到可以改善顧客體驗嘅產品，我哋必然要配合開放數據，令到其它全世界都可以接通到呢啲數據，一齊改善顧客體驗。

至於時間表方面，人哋 TfL 同 Network Rail 等等已經係成個 working timetable 放晒出街，所以呢個根本唔係咩問題， TfL 收咗幾多車， National Rail 幾多班火車取消，大家一目了然，所以呢個根本唔係問題。

而家唔少AVL生意其中一個賣點係 standardised open data ，有咩顧客消息直通晒出 feed ，無論你用咩 app 都即刻睇到。

eternalflame 發表於 2025-3-25 13:38
Google Maps係每況愈下
除左地圖面配色搞到鬼五馬六
更新不及時估計係因為佢都係靠3rd party map data

真係要讚Google眾生平等
無論係香港定英國，由預先知會到突發封路，
到report條路應通不通，又或者調轉不通實通，
都一樣係咁無路捉，
幾個鐘內覆試過，石沉大海又有

miklcct 發表於 2025-3-25 21:46
你所指最後嗰句係100%同我理念相反；如果我哋想傾生意，提供到可以改善顧客體驗嘅產品，我哋必然要配合開 ...

香港交通行業絕對唔係靠理念食飯，要自負盈虧就一定會以自己生存而著想
如果open data令佢可以賺多左錢，佢地又點會noted with(out) thanks呢？
講白d係需要有business insight嘅人幫你去包裝你公司套產品
而唔係由一個developer(?)自己去approach唔同公司，要求人地開放data俾你去用
你連個business case加個narrative都無，其實講黎都side gas

herman15hk 發表於 2025-3-25 13:46
其實呢個亦都係盲點，因為營運商嘅時間都係基於過往嘅行車紀錄，暫時未有一家，可以實時整合到其他交通嘅 ...

當駕駛導航都有呢D bug先至弊

miklcct 發表於 2025-3-25 22:46
你所指最後嗰句係100%同我理念相反；如果我哋想傾生意，提供到可以改善顧客體驗嘅產品，我哋必然要配合開 ...

個人理念上我都認同係開放數據，但只能夠講你仲未明白點解你講唔掂生意，唔係生意，單方面嘅要求資料。

連巴士公司嘅pain point都未搵到，人哋後面有咩concern你完全唔理會完全只係會喺自己世界，空講理想

eternalflame 發表於 2025-3-25 22:56
香港交通行業絕對唔係靠理念食飯，要自負盈虧就一定會以自己生存而著想
如果open data令佢可以賺多左錢， ...

所以我先一路叫樓主不如俾大家睇吓佢send乜嘢嘢俾巴士公司，樓主成日講佢個application喺英國有幾成功，正路有個PDF/PPT 展示下你個product嘅成功嘅數據？可以點樣可以改善ridership，有冇辦法攞到用戶數據？針對公共營運商有乜嘢嘅好處。正常你想合作都唔會係劈頭第一句就take it for granted 問人哋攞資料