無天理的一件事

琴晚我叫我家姐還$100,呢條數已經欠左幾個月,佢琴晚就話:「無錢還wor唔好意思!   」
跟住我就聽佢傾緊電話宣傳一個出海活動,每位$150,我就問佢:「你唔係無錢咩 ? 有錢出海無錢還 ?」
跟住佢就答:「係呀!我有錢出海無錢還,吹咩 ,再嘈唔駛子意我還 !」
呢d無天理的事天地不容,不過都係未解決,大家認為應該點做好?
p.s.話比dad&mum知/搵人打佢/搶/自己打佢
以上的野唔係無用就係自己有失

[ 本帖最後由 mk6971 於 2007-7-21 11:05 編輯 ]

算啦...樓主嗰一百蚊都係凍過水ga la

小弟有個fd都係咁
成日都話冇錢,就問人借$$
二百蚊,足足還咗兩年
(仲要每次都係夾硬要佢還住d先還)

重點係...佢一個星期落街場打n次機
暑假又去旅行,又買iPod nano/NDSL
為咗溝女,仲使成千蚊買禮物俾佢
次次話佢佢都話:就係用哂D錢,所以咪冇錢囉依家

以後都唔會再借錢俾佢喇...

一百蚊就可以買到個人格 ..
點解家姐會咁對自己細佬？
樓主果一百蚊唔駛旨意拎返架喇 ..

可以樓主搵爸爸媽媽主持公道啦 ...

所以借錢真係唔好借俾ｄ冇信用既人 ...

最慘就係我$1都好難得番黎,$100係我存咁奈的70%錢

搵阿爹娘親篤灰閂佢水喉啦...

不過斷估樓主都係唔係好大,
趁細個唔洗點用錢就儲返兩個錢啦

p.s小心你家姐唔俾你用機上網

[ 本帖最後由 DW8306 於 2007-7-22 01:11 編輯 ]

樓主一定要做o既係.....以後唔好再借俾佢
如果你仲係小學生, 咪同家長講呢件事囉

問題就係話比家長知家長會鬧番轉頭,我不嬲都有諸錢,我利是錢係mum到,唔計佢地其他果d得百幾蚊,$100無左已經大損害.......
p.s.我家姐有另一部腦,因為佢要做特別的功課要用勁機,不過佢就「霸」住部腦當係佢自己,我全家就迫係呢部腦玩 ,搞到慢曬,又賴我,仲要全屋電腦最勁係我,點會係我呢 (呢部腦我3個家姐有2個家姐有acc同埋我都有,我某家姐有時唔憤氣又唔講道理就lock我電腦,不過我識解,但佢朋友係電腦人黎 )

原帖由 mk6971 於 2007-7-22 21:00 發表
問題就係話比家長知家長會鬧番轉頭,我不嬲都有諸錢,我利是錢係mum到,唔計佢地其他果d得百幾蚊,$100無左已經大損害.......
p.s.我家姐有另一部腦,因為佢要做特別的功課要用勁機,不過佢就「霸」住部腦當係佢自己,我 ...

咁呀...冇計咯...一舊水當跌左囉...
鬼叫阿爹娘親唔幫你...

佢咁寸?拎舊磁力勁少少既磁石.趁屋企冇人嘅時間開部"勁"機機箱
再磁一磁個HDD,斷估佢HDD d野都好難救得返...
呢招焦土政策,用唔用自便.亦自行承擔一切後果
不過就唔好俾人知係你做囉...

電腦人?識少少IT知識都可以叫電腦人啦....

要問嘅移玉至A3,謝謝!

事實上，您正陷入兩難局面，
小弟尊重您的身份，
故不會猜度閣下的年齡。

首先，一百元對一些收入比較低的家庭的人來說，
是十分珍貴，因此我不認同樓上某會員的說法。

現在的問題是您要面對金錢及電腦之間的一個抉擇。
從對您好的角度來說，一百元的問題必須跟家長匯報，
雖然家長某程度上必定會先罵您一頓，
加上姊姊會封鎖您的電腦，
可是要取回一百元是正確的事，
您應該義不容辭的去做。

一百元不會因為您不對而不能拿回，
因為一百元是您實實在在的金錢，
家長不能因貧窮借故拿回。
您可以跟他說是透過家長拿回，
並非要家長給您。

其次，姊姊都一定會給家長罵，
如果您的家長是公平對待的話，
如果不幸不是，應對家長匯報時表現冷靜和認真的態度，
那樣能夠取回的機會便大大提高。

非常重要的是，跟家長匯報要先有充分的準備。
首先是改變向姊姊的態度（但是也不要盲從，否則只會墮進她的陷阱中）
第二是要用一週的時間在做一些文書（切記不要作遊戲，要忍）的工作，
並故意在電腦前詢問家長一些關於文書的問題，
讓家長感到您使用電腦是正確和合他們意的，
直至家長相信您真的使用電腦作正當用途為止，
（因小弟相信家長初時會質疑為何您會突然轉性）
再提出取回一百元。
如果姊姊真的封鎖您的電腦，
您此時可安心向家長匯報姊姊的惡行，
順道向父母盡訴姊姊用電腦的不當之處，
使姊姊無話可說。

我明白利市錢在家長是一個收入較低的家庭的一個象徵，
小弟教您此法並非要您以後都要用這些計劃去應付萬事，
因小弟明白對與錯的分別，
這篇文章只是一個另類的解決辦法，
請您無論採用任何一個方法前都要有耐性和三思，
雖然這是一個婉轉的方法，
可令您一箭雙鵰，
但記住以後凡事要小心，
勿胡亂相信別人。
這個方法是需要您的配合的，
因此，如有需要，
歡迎閣下提問。

原帖由 4437 於 2007-7-22 23:29 發表
事實上，您正陷入兩難局面，
小弟尊重您的身份，
故不會猜度閣下的年齡。

首先，一百元對一些收入比較低的家庭的人來說，
是十分珍貴，因此我不認同樓上某會員的說法。

現在的問題是您要面對金錢及電腦之間的一個抉擇。
從對您 ...

我唔係太同意您將樓主同貧窮家庭劃上等號
因為佢如上文所講,家中有兩部機.一新一舊
佢家姐去遊船河要百五蚊,試問要睇菜食飯嘅貧窮家庭
會俾銀兩去遊船河麼?

但係樓上未答我,雖然會俾阿爹娘親鬧,但係呢一舊水會唔會
係佢家姐果份度俾返你先?

會嘅,咪去做囉.俾人電腦封鎖
康文署香港公共圖書館幫到你...(12歲以下免問)

唔會嘅,咁只好自嘆倒楣,到時偷雞唔成蝕炸米盞仲衰

[ 本帖最後由 DW8306 於 2007-7-23 08:58 編輯 ]