寶琳去鴻圖道三十號+香港都會（公開）/愛民邨大學去寶琳

請問搭鐵如果觀塘站落邊個出口？係咪唔會遠貴兩個幾嘅牛頭角站好多？
如果93A開源道落係咪會近啲？暫時唔考慮98A/10M


而香港都會（公開）/愛民邨大學去寶琳，計埋行都應該一定係98D/296D 796P 795X去將轉最快，別無他選？我平時山谷道十五分鐘就到寶琳，我諗冇其他方法做到

最接近: 牛頭角站A出口行番轉頭去95M總站後面過天橋, 穿過創紀二期創業街出, 睇車過對面轉左, 巧明街口轉右直行.

第二近: 93A開源道落向前行, 過馬路入鴻圖道直去.

比較遠: 觀塘站A出口入apm, 港貿中心出巧明街, 沿巧明街左邊行人路一直行.

唔想行或者天氣太熱/落雨, 何文田廣場搭17 18去何文田站, 經大堂去山谷道巴士站, 或者17落馬頭圍道轉小巴105, 否則都係行落山谷道, 愛民邨任何情況行忠義街入何文田站落山谷道最快.

牛頭角站明顯近過觀塘站
步行路線參考板友建議

搭93A的話不如坐98A好過
時間又快啲，落車後步程又近啲

去鴻圖道30號，98A(或者98/296A，如果你選擇將轉轉車) 搭到創紀之城落車，係美亞同創紀之城一期中間果條通道直行入去就係，你會經過一間七仔一間M記再一間七仔
至於地鐵，牛頭角站過白色條橋，一路直行穿過創紀之城二期篤到創業街（跟大隊就得，大把人咁行），轉左，然後見到M記，轉右，再直行

千萬唔好去開源道或觀塘站，行到你傻

不過果度某間餐廳唔係咁乾淨就真

Toz 發表於 2025-6-6 20:00
去鴻圖道30號，98A(或者98/296A，如果你選擇將轉轉車) 搭到創紀之城落車，係美亞同創紀之城一期中間果條通 ...

係咪XXX堂？