|
大阪L4自動駕駛巴士體驗
今年5月之行再次嚟到關西，除咗大阪世博之外亦得知大阪正式開展自動駕駛巴士大規模上路試驗，比較多人知嘅會係大阪世博內嘅e-mover，但其實世博內e-mover算係封閉道路內運行，如果要真實喺城市內穿梭就要坐梅田來往大阪世博會場嘅巴士（限指定班次及需預約），又或者係比較少人提及嘅大阪地鐵森之宮至京橋駅呢條期間限定路線。
呢日由長崎趕返大阪，見有時間就決定走轉去試坐，搭JR嚟到京橋站，然後再步行去大阪地鐵京橋站，比較麻煩嘅係官方無好明確指出具體上車位置，需要預留時間。 實際上車位置Google Maps搜尋“京橋駅前の乗り場”，並唔係喺大阪地鐵京橋站而係京阪電車京橋站，57巴士同站。 https://autonomous.osakametro.co.jp/morinomiya/ 介紹返，聲稱日本公司開發並委託福建威馳騰生產嘅EV Motor Japan全電動巴士，巴士會提早好多到現場，留意返只有個別班次會用自動駕駛巴士行走，大部份時間會同同款普通電動巴士行，唔好上錯。 由於感覺上官方好少宣傳又或者係已過嘗鮮期，今次旅程係全程一人包車。 巴士內籠同普通版大致相同，分別係右則前輪後會少一個座位以安放電子設備，司機位後方有兩個顯示器分別展示實時鏡頭影像及自動駕駛系統。 關於呢程車，喺京橋站出發時會靠人手操作直到駛出大路後先會切換到自動駕駛模式，成程車喺市區內好難會快得起，整體表現非常日本巴士嘅感覺，加速減速轉彎非常之順𣈱，後期面對路面突發情況亦可以及時剎停，到森之宮站前亦有感受到速度感。 由於時間緊迫，臨時決定森之宮站落車折返梅田繼續原有行程。 由於被隔離版玻璃心標籤為中坑，做乜都要搭車先乎合呢個標籤，呢日喺世博場內搭e-mover穿梭巴士時站頭靚女姐姐問我有冇興趣試坐自動駕駛巴士，早上時間唔夠就放棄咗，稍後有時間就決定試一次。 每日每個時段嘅班次都會派一張紀念乘車證。 呢班車計埋我都係得三個人試坐，似乎有人同我一樣係交通迷。
| 
