深圳北至武漢商務座

測試一下自己可以頂唔頂得順中國高鐵長途旅程，先試商務座。

深圳北至武漢主力由武漢局運作，主力用CRH400BF-Z，有時會重聯拼結運轉。
是日列車由武漢到達深圳北大約延誤咗15分，所以候車室放人落去果時同離站人潮對撞，然後亦省略咗清潔時間


CRH400BF-Z商務座車廂同座位



即使去到商務座，依然有望柱問題，呢樣我唔明白點解抄唔到新幹線每排一隻窗設計


中國高鐵最出名嘅飯同杯麵，商務座乘客始發站上車係包埋，而且飲料亦任飲



廁所好嚇人，基本上係零清潔，然後洗手水龍頭唔係自動感應，係傳統按壓，太智能了

普通等明明gangway有門，但比乘務員override晒，全部門常開，只有一等同商務座嘅gangway門係門常關。
然後普通等乘車環境真係幾一般，電話外放聲音無停過。


Bullet


長沙南停5分，扯返一飛先


到達武漢




論ride quality，車廂隔音係有下個功夫，但氣密性就一般，同埋我果卡商務座有d煙味，反而行過去普通位就無煙味。
深圳北去武漢商務座賣19xx人仔，老實真係試一次就夠，個位唔算好舒服，最大問題係呢隻位係成組識得郁去配合行車方向，有時你會feel到成組野係自己郁。
有d行車班次唔係用呢隻位就更加唔值價

然後唔熟中國高鐵行車調動係點安排，來回都係韶關段延誤，時間表上好似無buffer去處理

商務座有煙味，很大可能是某些工作人員在駕駛室進行了
不合法的吸入問題囉。我坐過好多次都冇。

至於外放聲音，南方問題好嚴重，北方好好多，而北京機場
快線，更會有乘警捉外放聲音的人下車處理的。

其實上海和北京地鐵，因為管理較嚴，所以外放聲音的case少好多。

cx838 發表於 2025-6-30 14:29
商務座有煙味，很大可能是某些工作人員在駕駛室進行了
不合法的吸入問題囉。我坐過好多次都冇。

無錯，我都估係有人喺cab吸煙

智能動車商務座位都有好幾款,
某喲車型更係車頭同車尾唔同款,
喺12306買票每次都係隨機派位,
其實有無咩技巧或者方法, 可以更加確定買到呢款包廂座位呢?

MH4138 發表於 2025-7-1 01:06
智能動車商務座位都有好幾款,
某喲車型更係車頭同車尾唔同款,
喺12306買票每次都係隨機派位,

智能動車就可以係魚骨位或樓主個種位。而智能動車行400B，一般就係樓主個種，400A就係魚骨，其他的就係1+2紅色座椅

cx838 發表於 2025-7-1 21:58
智能動車就可以係魚骨位或樓主個種位。而智能動車行400B，一般就係樓主個種，400A就係魚骨，其他的就係1+ ...

400A 應該有部份都改左頭尾唔同, 一邊魚骨一邊係 2+1, 聽聞原因係內地唔少乘客意見反而比較鍾意舊式 2+1 座位

MH4138 發表於 2025-7-2 00:57
400A 應該有部份都改左頭尾唔同, 一邊魚骨一邊係 2+1, 聽聞原因係內地唔少乘客意見反而比較鍾意舊式 2+1  ...

係魚骨位的安排最差，成日隻腳頂左出黎通道。2+1位我都唔鐘意坐，要坐商務只會選400B的智能動車。
有400A係用2+1的，那些冇智能動車標誌架，仲要係舊版400A，冇車一邊係魚骨，一邊係2+1的。

cx838 發表於 2025-7-3 09:37
係魚骨位的安排最差，成日隻腳頂左出黎通道。2+1位我都唔鐘意坐，要坐商務只會選400B的智能動車。
有400A ...

但400B呢隻商務位，我係嫌無位放行李。

反之日本東記Gran Class依然有overhead bin

rickywk 發表於 2025-7-3 20:03
但400B呢隻商務位，我係嫌無位放行李。

反之日本東記Gran Class依然有overhead bin

咁就乘務員失職啦。這種商務座，是有locker放行李的，在近車門的位置。
乘務員在站台和車站接待員交接時，會把行李根據目的地放係locker的不同位置。

如果佢冇做的話，其實算係失職。上次我坐，佢都幫我安排好的。

追唔追得返延誤嗰15分鐘?