歡迎光臨彩虹動物園

錯咗上次大水牛，今次3N24大駕光臨彩虹巴士總站再加上203E一日限定全線使用伏古塗裝行走，趁夾到假日就去影吓相。


活動時間係下午兩點開始，伏古色同新上廣告嘅V6P2已經一早喺彩虹總站，夏日賞童遊全廣未到。

站牌呢啲細節都有做返，但配203E就多少都有啲奇怪。

夏日賞童遊趕及開始前到。

遠距離見到主角到，揀好位好重要。

工作人員安排指示拖車進入點都會阻礙行家們影相，位就自己揀影唔到都唔使問候人哋屋企人。

見到巴士內着咗燈，聽到引擎有着嗰下真係好開心架車仲可以着到。

反正都着到車外行人唔係好理解點解會開引擎蓋檢查。

甩拖bar之後架車就自力行走泊返正個位，大家就蜂擁而至上前影相，影還影工作人員開到聲請大家畀條路拖車走大家都仲係唔肯走，荒死影唔到咁。不過大家霸咗靚位影完就讓畀其他人啦，唔係好明霸住唔走互相指罵有咩癮。

因為無打算攞打卡禮物所以早早離開，好高興可以見到細個坐嘅巴士仍然可以行得走得，不論黃公司定紅公司都有保育一定數目嘅古典巴士，期望兩巴可以多啲搞呢啲活動，亦希望政府可以放寬法例規定畀呢啲退役巴士有第二生命。BTW，其實現場有警察有交通督導員維持秩序，有行家都大聲提醒注意安全行返上行人路/月台，大家就醒水少少啦













伏古集

Old "Legend" meets "New Kid on the Block", what a brilliant concept for a festive gathering.