承豐道跑道尾隧道預留位

DIH 發表於 2025-8-4 17:46
就算無方艙，以該處的交通需求，使唔使特登有條隧道去「旅遊中心」？地面道路無理由負荷唔到。

我寧願善用 ...

起條天橋駁去觀塘實際D，不論係鐵好係道路都好，油塘經跑道區去啟德既巴士線都有得做，隧道要拉到茶果嶺成本高得黎效益又差

宜家啟德條掘頭鐵真係等死，一開始都知要駁過去觀塘油塘果邊，但一開始就知道回唔到本，宜家發展商扭計焗起，又唔起埋過去

" 好在＂啟德宜家個碼頭位置唔好，唔係真係搭船都會快過搭鐵

成個啟德交通規劃只能用天才去形容

規劃令到公共交通只能靠鐵路駁通啟德站同觀塘／油塘，但一開始都知條鐵做唔掂又唔補鑊，政府內部究竟係邊個跟呢件事，可唔可以降級或扣長俸？

Toz 發表於 2025-8-7 07:42
起條天橋駁去觀塘實際D，不論係鐵好係道路都好，油塘經跑道區去啟德既巴士線都有得做，隧道要拉到茶果嶺成 ...

「啟德智慧綠色集體運輸系統」算係啟德發展規劃一部分，所以交畀土木工程拓展署；而山上「東九龍智慧綠色集體運輸系統」則由路政署負責。

兩者都係「智慧綠色集體運輸系統」，但由不同部門負責，兩者之間有無可能作出適當協調整合？交通迷會諗，但兩個部門未必會諗。

如果跑道直接連到觀塘，同觀塘工貿區可以產生協同效應，為觀塘注入新活力。我唔知跑道區居民主要工作區域為何，但即使有啟德智慧綠色集體運輸系統，去大部分地方都慢過由鑽石山此等舊區出發，人係住九龍但交通成本同將軍澳差唔多，附近又冇大商場，去邊都要駁腳，無敵海景又如何。