建議5D、93K、297更改行車路線

93K走線迂迴，沿途又多替代路線，客量偏低，再加上班次疏落，所以冇乜人搭。

93K同297同樣行經寶琳、土瓜灣一帶，但297明顯被93K快，不過班次都好疏。

5D同297都係來往九龍灣、土瓜灣、紅磡嘅路線，不過5D班次疏落，又要兜麗晶啟業同啟晴邨，所以都冇乜人搭。

有見及此，以下為路線重組建議：
建議93K往九龍方向原線到達觀塘道迴旋處後，改經協和街、同仁街、裕民坊之後行牛頭角道、啟祥道去啟隧之後落新山道轉入馬頭角道、譚公道上返上路。來回程改經衛理道、染布房街。九龍方向染布房街後轉左（九龍總站搬去奧運站／柏景灣）。
回程跟16號走線到亞皆老街後右轉染布房街。不過都要好似其他單向使用啟隧嘅巴士（如11X）兜太子道東。觀塘道後路2A行支路去牛頭角道，行雅麗道落返觀塘道／跟14B走線後返回原線。
原有由土瓜灣去彌敦道的服務由提供與6C、6F的轉乘優惠取代（平治街→獲嘉道）。

297來回程可以經埋麗晶啟業一帶（去程可以加經啟晴邨，補償5D改為特快線），增加客源，之後行承啟道去返下路。

由於由麗晶啟業一帶去土瓜灣同埋紅磡已有297，5D線改為特快線。往紅磡方向可改經啟隧，減少行車時間。原線到達啟祥道後，改為繼續直行去啟隧，然後轉落新山道後返回原線。
回程因道路設計問題不能使用啟隧，原線到達「機電工程署總部」站後，改經啟成街、啟華街、宏光道及啟祥道後返回原線，受影響乘路段改為由297線提供雙向分段收費取代。

由於93K行車時間縮短，班次可先調至一至五非繁25分鐘一班，繁時20分鐘，星期六日全日25分鐘一班；297班次暫時維持不變；5D：一至五上下繁：20分鐘，一至五非繁、星期六、日全日：25分鐘。

收費方面93K可收貴啲：$10.5；297可收平啲：$11，往紅磡分段收費：九龍灣常悅道：$7.5，九龍灣運動場：$6.7；往寶琳：紅磡、5D沿線→九龍灣運動場：$6.7，→常悅道：$7.5；5D：$7.2

93K用途係執雞
297用途係10個幾九龍灣去紅土
唔行啟隧應該要減價(當然依家有22M)
5D一向過左上下繁唔夠客

297用全價做緊3段客
1. 將軍澳《》紅土
2. 將軍澳《》九龍灣
3. 九龍灣《》紅土

樓主改完之後1會走哂，3會嫌慢（唔值）
你估啟晴/ 德朗補唔補得番？
而且5D同297價錢差成倍咁滯，地區會唔會接受？