九巴13和213E開辦消息

1181174166 發表於 2025-8-16 10:11
懶起上嚟直接拉13D就算，係個價咸啲，一係全費加價寶達分段

但全世界無人受影響，仲要有車落觀塘 ...

或者13、13D繁忙時間分綫行，非繁忙時間同星期六日合併，可以減少受影響人士

13 同213E 既轉乘優惠如下 :

lucky_al 發表於 2025-8-16 14:18
13 同213E 既轉乘優惠如下 :

樂華終於有23M/28B以外嘅「觀塘道轉車站」線，可喜可賀

2076 發表於 2025-8-16 00:39
倒客落 6 6C 其實冇問題，反正美孚總站最就腳都係得 6C，本身同 2A 同價，唔見得會有乜損失。蘇屋落旺角 2 ...

班次方面，本身早繁係因為做密左 2A 東行 10 分鐘一班，2A 西行 12 分鐘一班，再加 2X 西行 20 分鐘一班。西行因為 2A 唔駛再照顧樂華需求可以 2A 2X 班次對調，呢度慳到的行車時間，加上 2A 東行減落去 15 分鐘一班，都已經足夠 2X 早繁東行開 15-20 分鐘一班。早繁東行蘇屋仲有 6E 6P 幫手，2A 唔算係必需品。

你打得出這段就知道你根本唔明點解2A東行要10分班


不論2A 793 返學時候一個九龍醫院 上繁一個醫管局就夠落半車客
叫佢地搭6E 6P ?????

1181174166 發表於 2025-8-16 10:11
懶起上嚟直接拉13D就算，係個價咸啲，一係全費加價寶達分段

但全世界無人受影響，仲要有車落觀塘 ...

13 唔招都招左，你覺得有可能招完之後唔開線然後求其拉條 13D 交差就算？

江湖傳聞十年前厹係想求其拉 13D 13X 上去安達泰就算，最後運吉話唔整條正常線就會招多兩條，佢地先用分支線名義整左 213D 213X。今次直頭就係一開波已經招標，你講呢套開倒頭車已經無可能

當然 13 增加左既目的地組合，安達臣往淘大、安達臣往九龍城、安達臣往旺角、安達臣往大角咀、安達臣往深水埗，仲有樂華往大角咀，主次程度一定有分別。但肯定唔會係招完標之後全部延長舊線蒙混過關就算，如果話拆開一兩組用其他方法做都仲有機會，但一定唔會係全部

當然我無排除過之後拉埋 13D 上山頂去做安達臣往來觀塘，情況根本同 11X 差唔多，但點都唔會係 13D 就解決到所有問題，條走線都唔開胃

反正一路都講緊 13 安達臣到淘大一段走線無問題，你當係搵左塞車機會最低方法上落山就得。但 13 淘大之後行法係問題

S3BL100 發表於 2025-8-16 21:13
13 唔招都招左，你覺得有可能招完之後唔開線然後求其拉條 13D 交差就算？

江湖傳聞十年前厹係想求其拉 1 ...

如果13招咗出嚟，咁13D比213D易改又如何？重點唔係我話改唔改13D

如果招標係咁強制開足20分一班，咁今日就唔係四班，你問我得到嘅都係啲罐頭答案，咩因應實際情況brabrabra…

現實係你覺得點改都好，2A永存就梗㗎啦，跌客都係咁話，特別係13搶錢價，加埋上車站位唔同

1181174166 發表於 2025-8-16 21:29
如果13招咗出嚟，咁13D比213D易改又如何？重點唔係我話改唔改13D

如果招標係咁強制開足20分一班，咁今日 ...

2A 當然一定永存，但係咪真係繼續用而家走線永存，我覺得就未必

你以為我好想亂改 2A？畫條 13 出來同 2A 攬炒固然係相當唔理想，但唔畫都畫左出來，為左唔好搞到本來班客，而搞到連標書基本要求都唔滿足，亦係脫離現實

反正而家只係開始入伙，今日開線做唔足全日，唔代表可以直頭線都唔開，或者 Day 1 就改到同標書走線差太遠，用其他方式取代招標線大部分功能。唔好將兩者混為一談

不如睇下，近年招標線入面，有邊條一開始未達到標書班次要求、之後再慢慢加？又有邊條一開始就改到同標書走線相比走晒樣？

而家有討論空間既，就只係得返之後可以點改，做好少少之餘亦合乎現實

如果你問我，我會認為短期內方案二（13 改跟 93P 行中九幹）雖然邊際效益最低，但亦大機會係最容易做。但如果短期內唔改，然後 13 真係做起左，2A 由老牌大線變成老牌線，就真係有可能拎來改，到時甚至會變左方案三（13 不變，2A 飛橋兼西行改太子道西）最易做。邊際效益最大既方案一（13D 拉上山頂兼改行中九幹，13 改跟 2X）就介乎兩者之間啦

1181174166 發表於 2025-8-16 21:29
如果13招咗出嚟，咁13D比213D易改又如何？重點唔係我話改唔改13D

如果招標係咁強制開足20分一班，咁今日 ...

都係果句 連條19都係30分鐘一班（除小量地盤返放工加班車），13真係好難一開始就全日

以厹除非班班爆或有城記，13都係最後15-20機會大

S3BL100 發表於 2025-8-16 22:21
2A 當然一定永存，但係咪真係繼續用而家走線永存，我覺得就未必

你以為我好想亂改 2A？畫條 13 出來同 2 ...

標書基本要求，將13D拉上去變成13試辦經協和街特別班次
淘大，有
大角咀，有
得個擺字嘅深水埗，有
係得聯合無
但有得落觀塘肯定如獲至寶

之後再慢慢加，呢個係我想講嘅重點
一開始20固然係標書要求，但係先半全日或全日30，唔係無可能
標書要追債嘅有條580

現實係2A唔改得係因為班次之外，已經多次提出嘅上車站位同價錢牌之餘，亞皆老街去荔枝角道又係問題
一般疏車所謂攬炒密車起碼有價錢優勢，13有啲乜?大角咀?
要泵到13去到現時2A嘅密度又用唔少資源，回程唔平得啲客又過返晒2A
就算13做得起，東九龍線呢個長遠隱憂呢

就算方案2行唔通，2A都唔會郁
方案4加返13行中九幹大角咀上深水埗，或者經新清、南昌街落返大角咀，可能先配合到13短期改唔到問題

1181174166 發表於 2025-8-16 22:54
標書基本要求，將13D拉上去變成13試辦經協和街特別班次
淘大，有
大角咀，有

雖然係個名，但咁玩根本就唔岩規矩

你可以話 13D 拉上去本質無乜分別，但用 13D 名義做安峯往來觀塘反而仲有唔少可能。當然 13D 已經太長，再拉就唔該改行中九幹，做多少少更有意義既野，之後 13 就有條件甩大角咀，跟方案一咁改，變深長荔半直通

同埋唔好咁老定，2A 一出總站已經同 13 由樂雅苑一路疊到旺角，除非個個客都睇價錢牌見到 13 唔上見到 2A 先上，否則 13 只要做到廿分班，已經會對 2A 客量有可以量度得到既影響，爭在係幾多，足唔足夠令 2A 由老牌大線變普通老牌線，呢一刻無人答到

但可以肯定既係，呢個問題拖愈耐，影響會愈大，最終拎埋 2A 去改既難度愈來愈細

我同意亞皆老街往荔枝角道係 2A 改道潛在問題，但 13 都做到一半（even 深旺道直接右轉欽州街都好），另一半可以考慮 RPP 以外時間出份文件諮詢 296C 旺角至海達邨之間改跟 118 咁行，仲有大把理由美化點解咁做。反而係厹有無誘因咁改 296C，又肯唔肯將亞皆老街往蘇屋全部倒落 793，先係關鍵

但以安達臣山頂人口規模，13 最後真係做大並唔係唔可能。雖然 2A 客量會跌幾多暫時無人答到，但 13 對 2A 甚至 13D 既影響係一個遲早要面對既問題，唔會因為你拒絕面對而唔存在。與此同時，任何改 13 方案都唔可能改到唔係行樂華落山或者導致山頂用另一條收費高太多非招標線取代，唔係基於呢個前設既討論亦唔見得有任何建設性，唔係你想保 2A 就可以唔理呢個前設

反正樂華自己都想要架快車去深長荔，爭在係有無可能藉呢個契機去做，同埋點做