九巴13和213E開辦消息

1181174166 發表於 2025-8-17 01:04
唔係70？
不過咁肯定無淘大
搭流水都要行到奧運站有啲慘

70 都得，不過 46 東行經亞皆老街，70 來回都係太子道西

淘大一個站喺 13D 呢條線嚟講係咪咁緊要呢？大可以考慮東行兜入牛頭角總站，不過要考慮到打後乘客嘅影響。
又或者可以試下牛頭角街市小巴站位置加站，但係得寶呢啲就一定係踢返去 16 算啦。

流星☆雨 發表於 2025-8-17 11:35
70 都得，不過 46 東行經亞皆老街，70 來回都係太子道西

淘大一個站喺 13D 呢條線嚟講係咪咁緊要呢？大 ...

13X冇得停咪要靠13D，靠小巴又搞唔掂

tommy14D 發表於 2025-8-17 11:36
13X冇得停咪要靠13D，靠小巴又搞唔掂

又咁講，淘大行返出九龍灣站往觀塘方向，都算係合理步行距離？

但 13D 改快後，東行個別時段甚至全日繞經牛頭角總站，係可以考慮嘅。

流星☆雨 發表於 2025-8-17 11:35
70 都得，不過 46 東行經亞皆老街，70 來回都係太子道西

淘大一個站喺 13D 呢條線嚟講係咪咁緊要呢？大 ...

一個站唔緊要，不過就一堆綿乾碎濕

中短途流水都要長途線大區式行咁遠搭車就唔係咁好囉
不過一個大角咀就中九龍去東九，有無咁嘅客量？
中九龍出返旺角再去維港灣咁反智？

1181174166 發表於 2025-8-17 11:56
一個站唔緊要，不過就一堆綿乾碎濕

中短途流水都要長途線大區式行咁遠搭車就唔係咁好囉

如果可以玩大啲嘅，直頭最好係 16 改維港灣
13D 就可以順住深旺道做晒海字頭
不過 16 真係老牌大線，就算富榮有 20 都無謂搞住⋯⋯


回正題，
13D 改快後東行入牛頭角總站已經係底線，
叫做塞住「小巴搞唔掂」「行遠搭車唔係咁好」呢啲雜音同時，
等淘大回程都可以受惠於特快。

13D 呢個密度，又做到觀塘市中心、起碼單向淘大，大角咀本身除咗寫字樓都有奧海城，加埋擦邊九商，
同埋行車時間減少（單計寶達-大角咀段）行少咁多繁忙主幹道，條數起碼可以好過現時先。

最理想就係 13 拆個號碼做方案一嘅方向，儲到客就可以發大做，唔使搞到 2A

流星☆雨 發表於 2025-8-17 16:06
如果可以玩大啲嘅，直頭最好係 16 改維港灣
13D 就可以順住深旺道做晒海字頭
不過 16 真係老牌大線，就算 ...

問題係西邊大角咀係咪撐起
當班人行去搭16，流水都無得執，13D會唔會更難做？
旺角、大角咀、深水埗三揀二去做就好，喺樂華2A好地地之下，13應該中九龍出大角咀深水埗，旺角畀213D，而唔係為咗收貴樂華搞到流水線、價錢牌問題一鑊粥

13咁劃就話預九巴以外去做，九巴中標其實要撥亂反正而唔係一錯再錯，招標線都要因時制宜
就算錯而不改，2A老牌極都係有一定地位

1181174166 發表於 2025-8-17 11:20
13D無可比性，咁你提幫2A有乜用？
講可比，大角咀/旺角、樂華/安達臣同樂華/旺角更加無得比

我提 13D 有乜問題？的確有班人叫緊 2A 13D 兩飛（我以前都會），拎走 13D 改快的確可以幫到 2A。但 2A 13 重疊程度高一大截亦係事實。兩件事無矛盾，係你班友非黑即白，淨係 yes or no 而唔講程度

亞皆老街去荔枝角道我之前都講左，必要時可以考慮透過 RPP 以外程序將 296C 西行改到好似 118 咁行，都做到一半，再加埋 13 唔改做埋另外果半，基本上都齊晒

但再講多一次，呢個唔係我心目中最理想方案，我 #249 個表亦係因為亞皆老街往荔枝角道呢個原因扣左方案半分，令到整體評分比起其他三個方案低。但你亦唔可以因此而迴避拖得越耐，13 真係做起左而 2A 真係做低左，就唔到你唔考慮方案三，甚至可能得返方案三可行呢個事實

流星☆雨 發表於 2025-8-17 16:06
如果可以玩大啲嘅，直頭最好係 16 改維港灣
13D 就可以順住深旺道做晒海字頭
不過 16 真係老牌大線，就算 ...

16 係老牌大線但唔改維港灣唔係呢個原因，而係道路網令到唔可以同時做晒維港灣、富榮/柏景灣同埋亞皆老街/旺角道，而富榮柏景灣果邊遠比維港灣多客，入維港灣又兜多五分鐘，當然唔改

反正 13D 咁改並無令到維港灣/中匯街果邊少左條線。同埋維港灣咁少客又可以行出去坐車，講得維港灣其實地區睇得比較緊既係中匯街，但流水替代基本上都齊晒，包括條社區責任線 20。我評估依然係大角咀區會歡迎 13D 改快

同埋 13 之後生分支去做方案一固然係一個方向，但其實如果 13D 改快同時拉上山頂代到大角咀果段，13 直接拉直改去長沙灣，已經差唔多乜都填晒。當然咁做就真係要時機配合，首先唔可以太早，要等到有足夠聲音嘈山頂落觀塘先做得；但同時亦唔可以拖到樂華往大角咀、山頂落旺角做起左先搞，到時就太遲。如果本線同分支一齊全日又一樣係攬炒，又無乜意思。所以雖然我心目中長遠係想見到方案一，但亦不得不承認現階段方案二（13 改行東九廊油麻地）短期內會係最易做，而 13 真係做低左就變左方案三（2A 改快）最易做。好多時最理想方案真係唔會最易做到

1181174166 發表於 2025-8-17 16:48
問題係西邊大角咀係咪撐起
當班人行去搭16，流水都無得執，13D會唔會更難做？
旺角、大角咀、深水埗三揀二 ...

再講多一次，方案四即 13 改行中九幹、213D 上山頂，牌面睇落最靚，但最難落實

一來因為 13 咁改同招標走線比較係咁多方案入面差距最大，本身已經最難過關。另外就係 13 收得平過 213D，本身係招標線等同承諾左 $8.3 做生意，213D 時間差距同 13 唔係真係咁大，咁玩一定係出師無名。你話 2A 改快加價起碼都仲有理由講得通。但 213D 拉上山頂加價厹又制唔制？仲未計 213D 秀明道本身都 upgrade 緊 1A 13D 95 班客

呢樣野唔係得我一個提，早十幾版都有其他版友提過。唔好以為牌面靚就一定做得到先得架

你話 13 咁改同時拆多條振華道上落旺角循環都仲有機會，但拆到咁散要用多幾多資源？又一樣要考慮埋對 2A 影響

S3BL100 發表於 2025-8-17 20:48
我提 13D 有乜問題？的確有班人叫緊 2A 13D 兩飛（我以前都會），拎走 13D 改快的確可以幫到 2A。但 2A 1 ...

講程度？13D可比性咁低咪有限幫助囉，不過你咁易跳制都唔係第一日嘅

296C改
未到拖尚德海達無咗長沙灣道深水埗最靚站位，而改入汝洲街塞之前，拉落橋補返2A個位兼補返分段？覺唔覺更多問題？

現實係九巴作風陰2A但點都會留線，收手啦