過去周末深港陸路口岸單日客流均破百萬,各巴士公司怎樣部署B線發展？

TA7343@N241 發表於 2025-8-14 10:34
對打工仔講，大部分人出行時間就係冇得揀，一年就係得過年同復活節先穩定連續三日紅假。過年年三十年初一 ...

宜家跑狗都唔敢玩海鮮價，將來B線強勢入駐點可能

同埋, 當跑狗比高鐵貴時, 又會無左一大班客

TA7343@N241 發表於 2025-8-14 10:42
B線好似有不成文規定係唔出得市區，而青衣其實算係市區範圍。

拆做八鄉路起載可能可行少少。

點解青衣算市區, 大圍又唔算市區?咩不成文規定只係你9up出黎咋?

leefung 發表於 2025-8-14 09:40
唔係改,係加多一條B1A,由青衣站去福田,經大欖轉車站...
我估之後用車可能多過B1正線...
...

佢肯加多D車落去做當然最好, 同站轉乘一定比果D八鄉路垃圾建議好..
出埋青衣又唔洗好多時間, 左兜右兜上返公路D時間都係返度啦..

williamau 發表於 2025-8-14 21:23
點解青衣算市區, 大圍又唔算市區?咩不成文規定只係你9up出黎咋?

咁因荃葵青地理上近九龍多過沙田或屯元天。
如果開到青衣，實有人問點解唔出埋九龍。
同埋，市區 (包括荃葵青同將軍澳) 其實都係跑狗地盤，跑狗堆線基本上全部去油尖旺/荃灣/觀塘啲市區或周邊位。

Toz 發表於 2025-8-14 19:47
宜家跑狗都唔敢玩海鮮價，將來B線強勢入駐點可能

同埋, 當跑狗比高鐵貴時, 又會無左一大班客

我自己又唔覺就算跑狗比高鐵貴，都唔會冇一大班客（大前提係大時大節），因為高鐵飛好易搶唔到。同埋，有部分目的地（例如清遠、江門）未有直通高鐵到。

當然，海鮮到的士價去皇崗，又或者單程過千蚊上廣州佛山東莞就另計。

TA7343@N241 發表於 2025-8-15 01:01
咁因荃葵青地理上近九龍多過沙田或屯元天。
如果開到青衣，實有人問點解唔出埋九龍。
同埋，市區 (包括荃 ...

其實你係咪未聽過獅子山隧道同大埔道? 大圍同市區隔好遠咩?
而且大圍站已經有跑狗 但係青衣得星期六日有仲要得朝早兩班...