啟德輕軌預留延伸往油塘站

kay 發表於 2025-9-15 06:41
https://news.mingpao.com/pns/%e8%a7%80%e9%bb%9e/article/20250915/s00012/1757867795215/%e8%81%9e%e9%a ...

係香港起鐵路，單靠經營收入回報率有存定期咁高都偷笑了

差在政府係貼錢定係貼地

Quanta 發表於 2025-9-15 21:31
嗰兩塊地已經算幾值錢 嫌跑道區海景地唔夠仲俾多埋邊一大塊地佢
政府仲已經幫手掟埋上城規 叫佢哋批咗提 ...

突然插棟簡約公屋落CBD2又唔拆跑道尾方艙，令人唔知究竟啟德發展佈局想點樣玩落去，肯定打擊投資者信心
分分鐘過咗簡約公屋5年使用期先有人有興趣入標

另外，啟德站周邊起商業大廈先可以為輕軌提供穩定嘅通勤客流，因為跑道住宅區嘅人會去輕軌起點站啟德站周圍嘅寫字樓返工
如果啟德站冇商業大廈，體育園同郵輪碼頭提供嘅就業機會好有限，咁跑道住宅區居民絕大部分要喺啟德以外返工
離開啟德，輕軌不能直達，咁不如坐巴士算啦。
喺啟德站周圍起任何類型嘅住宅，都無辦法吸引咁多通勤客流。

山陽岡山 發表於 2025-9-16 15:18
突然插棟簡約公屋落CBD2又唔拆跑道尾方艙，令人唔知究竟啟德發展佈局想點樣玩落去，肯定打擊投資者信心
分 ...

跑道區又限高又限地積比，有寫字樓都無用，一開始有劃商厦時，單軌都預左做唔住
而啟德站附近已經有工業貿易署，有airside，但作用唔會大，都係密度問題

本來有條路就夠，通到觀塘就100% 夠，差在政府昆左發展商，宜家發展商扭計Ｏ者
老老實實，起條路過觀塘，上面順便行掛智軌名既巴士算把啦

Toz 發表於 2025-9-15 21:57
係香港起鐵路，單靠經營收入回報率有存定期咁高都偷笑了

差在政府係貼錢定係貼地

成個世界，有邊度搞集體運輸可以單靠車票回本？反而係九龍如果好似輕鐵咁有成網絡嘅區內服務，真係好過等巴士。

依家最大問題係兩套系統唔連貫同無服務中心區（觀塘/九龍灣/新蒲崗。除咗耳熟能詳嘅油塘、彩虹閉環，都可以考慮到加返橫穿舊區嘅可能，例如直接由啟德橋過河，經過偉業街，左轉將軍澳道直接爬上馬油塘之類或其他更深入市區嘅方案俾入標公司諗。有更多路軌，就可以好似電車、輕鐵咁開唔同路線。

巴士的膠 發表於 2025-9-16 22:45
成個世界，有邊度搞集體運輸可以單靠車票回本？反而係九龍如果好似輕鐵咁有成網絡嘅區內服務，真係好過等 ...

佢而家整條咁短嘅啟德輕軌只會變gadgetbahn，對於跑道區出啟德以外嘅地方毫無競爭力
要連埋啟德輕軌同東九龍線，我諗到三個方案：

1. 最多人提過嘅啟德站之後跨過彩虹邨重建用地直去彩虹東
2. 啟德輕軌按當年環保連接系統路線經九龍灣商貿區去九龍灣站，再從九龍灣站經彩德、坪石遊樂場上彩雲（呢個方案裡面唔會有彩虹東，變咗九龍灣駁觀塘線）（主要回應路軌跨過彩虹交匯處嘅潛在技術困難）
3. 啟德輕軌跑道尾延伸到油塘同東九龍線連接（做到站內轉乘但列車直通要switch back，日常營運上不便直通，但對唔重視直通運行嘅香港鐵路冇問題）（而且幾乎可以肯定彩雲四順居民唔會咁樣兜油塘落啟德）

不單要連通兩條路線，仲要預留延伸東至康盛寶琳科大、南至土瓜灣、北至慈雲山，真正建立東九龍輕軌網絡
如果有財團有興趣，應鼓勵入標時一併提出

Toz 發表於 2025-8-30 13:36
再多卡啟德幾個站未必夠位
宜家Ｄ預留點都做唔到重鐵
繁時兩分一班一個鐘兩三萬人，足夠補足過海需求

如果做埋油塘，唔爭在延到132區到137區，有效分流將軍澳線

ryumew 發表於 2025-9-18 04:47
如果做埋油塘，唔爭在延到132區到137區，有效分流將軍澳線

你睇吓132區係咩用途先，除非轉用途/增加填海面積起車廠。

山陽岡山 發表於 2025-9-17 13:03
佢而家整條咁短嘅啟德輕軌只會變gadgetbahn，對於跑道區出啟德以外嘅地方毫無競爭力
要連埋啟德輕軌同東 ...

如果只係一個站駁觀塘線，我會傾向揀牛頭角，路軌可以同觀塘線做到L形轉車距離短，可以直穿花園大廈上樂華，再經康寧道上順天/秀茂坪。

反而如果目標係去慈雲山，可以慈雲山-富山-豐盛街-彩雲-彩福-樂華-牛頭角-觀塘道油站/裕民坊。

巴士的膠 發表於 2025-9-18 09:26
如果只係一個站駁觀塘線，我會傾向揀牛頭角，路軌可以同觀塘線做到L形轉車距離短，可以直穿花園大廈上樂 ...

咁嘅話呢條線應該係啟德跑道分叉出去兒童醫院、觀濱經勵業街出牛頭角站

花園大廈準備重建，可以考慮

巴士的膠 發表於 2025-9-18 09:26
如果只係一個站駁觀塘線，我會傾向揀牛頭角，路軌可以同觀塘線做到L形轉車距離短，可以直穿花園大廈上樂 ...

問題係上山既線撇除左啟德都唔係好大分別，山上既客個個都係牛頭角站轉晒車，頂多係假日去下都會公園
啟德果邊去牛頭角效益肯定不及油塘
從山上起鐵路落山，經郵輪碼頭然後直接過海就差唔多，唔係真係無乜意義

另外就係啟德預留既空間非常有限，運量做唔做到南港島線咁高都唔樂觀，條線越有用將來越比人媽到飛起，想像下西北鐵路用輕鐵去荃灣？