[2025/08] 九州行 鐵道篇

前言
今次九州行，搭 JR 九州嘅行程除咗下文所述或る列車之外，都係使用 JR 九州鐵路周遊券北部九州版 3 日券。北部九州版不論係 3 日還是 5 日券都係包 6 次免費劃指定席，劃位方法可以係買飛後上 JR 九州官網提前一個月內網上訂位（網上訂位於開車前 30 日日本時間 10:00 起開放），或者抵達日本攞飛之後去みどりの窓口（綠窗口）或者售票機劃位。網上訂位如果係 D＆S 列車的話每張收費 1,500 円，其他新幹線、特急等則收費 1,000 円，不過網上訂位唔會計入上述 6 次免費劃指定席 quota 之內。熱門列車例如 D＆S 列車等強烈建議事先網上訂位，如果去到日本先劃位好多時會劃唔到。

JR 九州於福岡空港國際線大樓 arrival hall 設有 counter 供領取已預訂的周遊券同埋網上訂位，不過服務時間係朝九晚五，而我因為去程 HKG > FUK 班機延誤所以趕唔切 counter 收工前抵達，所以係搭巴士去到博多駅之後先攞飛。今次 total 整個行程網上訂咗一程ゆふいんの森（由布院之森），另外喺日本劃咗三程特急指定席，分別係リレーかもめ（接力海鷗）、みどり（綠）、ソニック（音速）。

Part 1：或る列車
今次去九州其中一個重點行程係乘搭或る列車（ARU RESSHA）由博多前往由布院。或る列車車體由兩節 キハ 47 系改裝而成，設計由水戸岡鋭治負責，屬於團體專用列車，不設散賣車票，只能訂購連車上套餐嘅行程。或る列車只在指定日子運行，朝早由博多往由布院，下午由由布院往博多，而今次搭嘅行程係由博多往由布院，全程 3 小時 10 分鐘。

開車前先到博多駅 5 號月台同職員點名


此時上一班 885 系剛剛清客準備私走


旁邊係新幹線月台

咁啱見到 EF510-316 牽引貨物列車經過



813 系正在落客


開車前 15 分鐘左右，或る列車駛入月台準備上客


乘務員室

車身標誌


今次坐 1 號車，車廂內籠以淺色木色為主，設有開放式卡位


車內復古風格燈飾

車廂天花以浮雕裝飾

相反 2 號車內籠以深色木色為主，設有包廂卡位，另外洗手間都係位於此車


上車時枱面已經放好每人一套餐具

以及介紹單張、菜單以及乘車紀念卡各一人一張，乘車紀念卡可以稍後到車頭蓋章留念


是日菜單

乘車紀念卡


開車後先上每人一杯 welcome drink，可以揀橙汁或者氣泡酒，之後就上前菜薯仔凍湯，湯入面橙色係海膽

第二道菜係海鮮飯

第三道菜係番茄煎雞扒，雞扒煎得頗為香脆

頭段車窗風景，以市郊平原景色為主



一旁側線停泊的 EF510

811 系


中途會喺田主丸駅停車 19 分鐘，係全程唯一中途站；車站會安排當地居民歡迎乘客，同時售賣土產


田主丸駅以河童為主題，月台亦有河童雕塑









再次開車之後有芒果甜品

之後係甜點三款

呢段喺山區入面，沿途隧道亦都變多





途經著名景點慈恩の滝（慈恩瀑布），車上有廣播提示，乘務員亦都會通知乘客留意


車程尾聲可以填表向乘務員訂購商品，同時乘務員向每位乘客派發一包 10 週年紀念咖啡
由布院駅到著



往博多キハ 185 系特急ゆふ（由布）入站


兩車合照


由布院駅名牌

Part 2：ゆふいんの森
離開由布院時選乘特急ゆふいんの森（由布院之森）。ゆふいんの森相信是 JR 九州眾多 D＆S 列車之中最著名者，旅遊旺季經常一票難求。現時ゆふいんの森每日提供 3 入 3 出班次，其中一對 3／4 号延長至別府駅。通常情況下別府班次會使用キハ 71 系ゆふいんの森 I 世行走，由布院班次就會使用較新的キハ 72 系ゆふいんの森 III 世行走。值得留意係ゆふいんの森為咗方便乘客觀景，全列車上地台都有升高，所以車門設有梯級，同時行車會相對搖晃，行動不便者或容易暈車浪者要留意。

今次搭嘅係中午由由布院駅開出嘅ゆふいんの森 2 号，可能因為係平日中午，所以呢班車大概只係坐咗一半，但如果係下午返博多駅就會相對比較多人。

由布院駅沒有自動閘機，車站職員開車前十分鐘先會放人入月台，所以比較難影到列車全相

車身ゆふいんの森 logo

正值由布院駅開業 100 周年，車身有特別紀念 logo


今次劃到森林主題嘅第 4 車，全列 5 節車入面只有呢節係森林主題

車廂之間連接門同樣印有ゆふいんの森 logo

車廂之間設有行李架

車頭設有展望席，不過今次劃唔到

第 4 車洗手間外面另外設有觀景區，有道具供乘客打卡留念

由於全列車均升高地台，所以上落車門有梯級



開車後到第 3 車小賣部領取已訂購的便當，小賣部亦有出售精品、蛋糕、雪糕、小食、飲品等
ゆふいんの森共有 3 款便當，左至右依次為ゆふいんわっぱ弁当 （由布院輪箱飯）、ゆふいんの森弁当 （由布院之森便當）、ゆふいんの森 おおいた和牛弁当 （由布院之森大分和牛便當）

途中再次經過慈恩の滝（慈恩瀑布），車上同樣會有廣播提示乘客



路上風景





鳥栖駅落車後補影車頭

感謝分享，ARU 列車內飾望落真係好靚，其中有塊隔板有點 stained glass 幾何意象，設計出眾過歐洲絕大部份 "so called 特色列車"

睇得出餐點以西式為主，唔知樓主覺得成個體驗（列車環境 + 餐飲服務）對唔得住個價錢？
印象中 ARU 列車定價都相當進取，仲貴過我之前喺新潟縣搭嘅雪月花（都係單程、團體類 tour），而且售價對一人出行不太友善

Waiyin12 發表於 2025-9-17 07:35
感謝分享，ARU 列車內飾望落真係好靚，其中有塊隔板有點 stained glass 幾何意象，設計出眾過歐洲絕大部份  ...

或る列車如果唔係真係鍾意鐵道，可能真係會覺得唔抵；就算點好食都好，淨係計個餐並唔係真係咁特別到值得呢個價錢，我自己就覺得火車體驗先係重點

一人出行就真係冇計，由於唔會搭枱嘅關係一個人都會比張二人卡位你，個成本點都會高少少，收貴啲都冇辦法；不過當日所見起碼都有 3 枱客係一人出行

Part 3：武雄温泉
鳥栖駅轉乘特急リレーかもめ（接力海鷗）往武雄温泉駅，リレーかもめ一共有 783 系、787 系、885 系 3 款用車，今次搭鳥栖駅往武雄温泉駅一程係 787 系

鳥栖駅停泊的 811 系

787 系入站



武雄温泉駅可以過對面月台轉乘西九州新幹線かもめ（海鷗）往長崎



翌日由武雄温泉駅返博多駅就坐特急みどり（綠），今次坐到 885 系


回到博多駅

Part 4：門司港及九州鐵道紀念館
之後一日即日來回福岡同門司港，朝早去程先坐 883 系特急ソニック （音速）去小倉駅轉 415 系普通去門司港駅

門司港駅車站大樓早於 1914 年落成，2019 年完成復原工程，被指定為重要文化財


門司港駅外設有懷舊觀光列車潮風號，每逢周末及假期開行，前往關門大橋橋底的関門海峡めかり駅，該處可以經關門隧道步行前往對面本州

九州鐵道紀念館位於門司港駅旁邊，本館建築前身為建於 1891 年的九州鐵道總部，2003 年改建成博物館，室外另設有車輛展示場以及迷你鐵道公園

入口左邊展示 3 款車頭，左至右依次為クハ 481-246、ED76 1、EF30 3，三者都可以進入駕駛室參觀

展示車輛
59634


C59 1



EF10 35

ED72 1

キハ07 41，被指定為重要文化財

クハ481-603，車頭 headmark 係特急にちりん（日輪）

クハ481-603 車內

クハネ581-8，車頭 headmark 係寢台特急月光


スハネフ14 11，車頭 headmark 係寢台特急さくら（櫻）

スハネフ14 11 車內，每間房有 4 個臥鋪位

車輛展示區外面就係門司港駅留置線，停泊的 415 系

以及 811 系


本館室內展示的チブ37


883 系（前） ＆ 885 系（後）座椅展示

新在轉乘模型展示

館內設有鐵道模型場景，其中九州新幹線 800 系以及特急あそぼーい！（阿蘇男孩！）キハ183 系可以入錢自行操作
800 系模型，留意車頭裝咗 cam 可以實時投影去後面



キハ183 系模型



其他模型
N700 系 + 500 系

キハ 47 系いさぶろう・しんぺい（伊三郎・新平）


迷你鐵道公園一共有 5 款迷你列車（キハ 72 系、787 系、813 系、883 系、885 系）可供駕駛，到訪當日因為係平日，所以只有キハ 72 系、813 系、885 系有出
迷你列車每圈收費 300 円，可坐 3 人


鄰近的門司港懷舊展望室位於 31 樓，可以俯瞰門司港一帶


從展望室拍攝門司港駅


關門大橋


之後就行返去門司港駅搭車走

今次坐 817 系

Part 5：新幹線
離開門司港時，因為有同行家人反映在來線特急比較搖，所以決定坐普通去到小倉駅之後轉乘新幹線返博多駅
小倉駅 > 博多駅一段屬於 JR 西日本轄下的山陽新幹線，所以 JR 九州 pass 唔包而要另外課金，一個站自由席每人盛惠 2160 円

對面月台往新下關方向的 500 系 V7 編成



N700A 系 G12 編成



我哋坐嘅 N700S 系 J22 編成入站，車頭幾污糟吓


之後因為遇著放工時間自由席多人到要企（のぞみ只有車頭 2 卡係自由席），所以都冇乜再影相

鐵道篇 完