碌碌碌，碌多半個鐘

我照如常一樣不是坐7:38am的那班962P，就是7:41am的那班，
正常而言8:30am-8:35am就到達港澳碼頭，
可是昨天在路面正常的情況底下，
7:41am的那班居然可以9:05am才到港澳碼頭。（遲左半個鐘頭！）
碌車都唔好碌到咁吖，仲有成車人都係趕9:00am返工啦，
點解要碌到咁先得？
仲有奇就奇在成車無一個人出車
只有見全部港澳碼頭落車的人（包括我）都黑哂口面。

請問可唔可以分享下
沿途0既碌車情況

原帖由 lauthomas 於 2007-7-24 12:41 發表
請問可唔可以分享下
沿途0既碌車情況

中途我和大部份人一樣都瞌眼訓，唔多清楚。
不過，其中一點細節我都有點印像：
1.在龍門路近湖山路口已被第一部962P追過，
之後去到兆山苑，禮讓身邊的259D及K52上客先。
2.在美樂啟豐燈前慢溜，溜到黃燈停落黎，
可知屯門碼頭區等得最耐係呢盞燈。
3.約8:10am才到屯門公路，已被3部962P過了。
4.小欖上斜（大富豪大家都明），但係無俾車頂住之下，
一波上斜。
5.青龍頭落斜聽唔到轉左三波，
6.上汀九橋居然由快線走去慢線，跟架田螺車後面，當時已8:35am，
正常我已在上環地鐵站，
7.西九龍公路竟然跟往尖沙咀車排隊，已經見兩部962P過埋。
印象得咁多。

碌得大離譜可以投訴喎．．嘩Ｄ人要返工嫁嘛
又冇塞車，點同老闆解釋

咁俾幾多架後車過左頭？

單係樓主的親眼目睹

已經被5部後車追過

根據樓主篇文, 最少 6 部 wo

真係可以投訴

實在太離譜

其 實 樓 主 可 以 記 低 ( 事 發 日 期 , 開 車 時 間  , 車 牌 ，車 隊 編 號 ) ,
  向 城 巴 投 訴 要 求 佢 地 作 出 合 理 解 釋 .
  另 外 假 設 樓 主 既 老 闆 欲 以 追 究 ，
  亦 都 可 要 求 城 巴 向 貴 老 闆 作 出 書 面 解 釋 。

原帖由 andrewyl 於 2007-7-24 14:25 發表
其 實 樓 主 可 以 記 低 ( 事 發 日 期 , 開 車 時 間  , 車 牌 ，車 隊 編 號 ) ,
  向 城 巴 投 訴 要 求 佢 地 作 出 合 理 解 釋 .
  另 外 假 設 樓 主 既 老 闆 欲 以 追 究 ，
  亦 都 可 要 求 城 巴 向 貴  ...

投訴!? 巴士公司咪以安全駕駛作為解釋囉!

我想問早一陣子既按章工作中  , 果日d 車長有冇今次咁碌?