有狗巴工會投訴颱風後車長工作安排混亂

主要係沙廠，當中疑似有車務管理人員要求早開頭班車，但冇正式通知車長。

我哋收到沙田廠站長同車長投訴，8號風球轉3號風球當日，公司安排員工接送車載車長返工，但並無講到明要幾點返到車廠。好多車長就根據公司員工網嘅員工接送車嘅指定班次時間上車，有車長選擇搭11:45開出嘅員工接送車。

結果有好多車長返到廠已經過哂公司對外宣佈頭班車開出嘅時間。車長仲要係車廠搵車，搵到車再拎車揸出所屬總站。

公司要求早更收13:00嘅車長就唔駛返，特別車上段又唔駛返，L車車長又返廠候命，夜更車長又未夠鐘返工，咁到底公司剩低有幾多個車長要返工呢？

更好笑嘅係，有車務組人員擅自要求區內線同城隧線開12:00，比公司對外公佈足足早咗30分鐘。結果站長係WhatsApp群組收到通知，不斷瘋狂打電話問車長去到邊。

81K 新田圍總站勉強開出12:30頭班車。相反280X麼地道就無咁幸運啦，要等到13:25先有頭班車返沙田。

49X 青衣碼頭開出12:05頭班車後，之後就12:20，12:35，12:50，13:05以及13:20分開出。車長表示頭兩班車載空氣，因為市民根本就唔知道頭班車改12:00，反而一改3號風球之後，市民紛紛返工，但因為唔夠車長之下，點樣服務市民呢？

https://www.threads.com/@sra_kmb/post/DOasexiE7-R

對家開1200頭車！某巴未朝令夕改囉

驚死蝕底，急急忙忙，踢人出街跑，有d就遲半個鐘先開頭車！所以我都o曬嘴！

8號星期一打風當日？咁難怪開咗頭班車、成個馬鞍山啲線9成跟返時間表開車、普遍站頭排成4/50人以上照開20分1架。

提早開車唔單止無通知車長，仲無通知乘客，白白搞到條條都載幾班空氣燒油。

個個卡佬諗住唔使返放一日 到發現原來落波要返工就亂晒籠返唔到工。唔怪之得嗰日唔止冇加班 好多線都疏過正常非繁班次

900又識開到1300尾班喎

Quanta 發表於 2025-9-10 20:29
個個卡佬諗住唔使返放一日 到發現原來落波要返工就亂晒籠返唔到工。唔怪之得嗰日唔止冇加班 好多線都疏過正 ...

其實落中午落波都預咗亂，嗰班返早嘅唔通揸半個鐘收工咩，九巴擺明唔想畀ot錢

九成係有啲博上位嘅高層，又無視前線人手情況，為咗領功就將頭車時間朝令夕改，打亂站長部署出事（不過呢間嘢都睇班站長唔順眼好耐啦，上年俾工會反對搞到玩唔到中央屠宰真係可惜，否則應該可以更加精采~）

Quanta 發表於 2025-9-10 20:29
個個卡佬諗住唔使返放一日 到發現原來落波要返工就亂晒籠返唔到工。唔怪之得嗰日唔止冇加班 好多線都疏過正 ...

無咗蛇佬，而早更正字軌個班又未返齊出車，
夜更就更加未夠鐘開工，真係有車你搭都好偷笑