八達通國慶黃金周「隨意乘」超級通行證

「隨意乘」超級通行證
$198 全港首張2 日(實際一日半)5間主要交通工具都用得既日票(MTR/九巴/城巴/新渡輪/天星)
MTR 例排唔包頭等同機鐡,當然包過境
九巴就跟月票限10程+2程B1,唔包A車同大埔K巴
城巴就跟返Citybus+ 探索者既市區路線(當然唔計「觀光城巴」開篷巴士路線)
新渡輪反而唔包比較平既港內線
天星又係唔駛特登提有乜唔包

冇限遊客但除左柯士甸外本地居民難買
當然呢張卡定位好明顯

另外有交通聯合功能入左錢用唔完可以拎返內地用(八仔又賺匯率)

其實呢個係抗擊Ailpay+嘅88蚊「香港超級全日通」嘅，人哋適用嘅地方多，只要AilpayHK乘車碼做到嘅，佢都得「港鐵重鐵除機場快綫外全綫加巴士（可支援61元以內嘅東鐵綫頭等車資，若車資超咗61蚊，則全部自己畀）、港島電車、嶼巴、九巴、龍巴、城巴、新渡輪、天星小輪、港九小輪、富裕小輪、愉景灣航運」



但係 ，八達通呢個……噉鬼少，都打唔過人哋，

Danny.lin 發表於 2025-9-24 11:52
其實呢個係抗擊Ailpay+嘅88蚊「香港超級全日通」嘅，人哋適用嘅地方多，只要AilpayHK乘車碼做到嘅，佢 ...

的確
八逹通簡化用返現有月票/曰票條款
變左好多唔包(城巴連E車都唔包)
仲要當日朝早買

rickycheng 發表於 2025-9-24 13:15
的確
八逹通簡化用返現有月票/曰票條款
變左好多唔包(城巴連E車都唔包)

     反正呢次推只咭就係必須要迎戰旅客市場喇，上次五一黃金週羅湖、落馬洲單嘢，都證明上面啲旅客用腳投票，寧願用Ailpay個88超級全日通QR code，都唔去買旅遊八達通、旅客全日通，最後搞到一鑊泡，甚至宜家廣州正佳廣場已經有參與活動免費派單標旅遊八達通「內含港幣20蚊車資」，講明銷路都唔好。

       如果八達通公司再唔迎接旅客需求，呢個啤「pe5」下，嗰個啤「pe5」下，啤啤俘噉，唔使1年，就各方面上PK唔過Ailpay喇，畢竟從Ailpay HK 支持「公共交通費用補貼計劃」開始，到宜家連本港市民都用Ailpay HK QR code畀車資。

Danny.lin 發表於 2025-9-24 17:35
反正呢次推只咭就係必須要迎戰旅客市場喇，上次五一黃金週羅湖、落馬洲單嘢，都證明上面啲旅客用 ...

每次搭車/買野見人用QR 比錢一定拖慢成條比錢人龍, 我用八達通快好多
好彩唔係太多人掃QR, 否則日日都排長龍

HHHyyMM 發表於 2025-9-25 10:37
每次搭車/買野見人用QR 比錢一定拖慢成條比錢人龍, 我用八達通快好多
好彩唔係太多人掃QR, 否則日日都排 ...

冇計㗎，邊個叫八達通自己不求上進，坐食山空喇，只要23年嗰時整個同支付寶一個水平質素嘅超級全日通咭，就唔至於旅客層面被人哋阿里巴巴搶嗮市場喇，畢竟Ailpay個《香港出行超級全日通》連裝置咗QR code查驗設備嘅街渡、綠綫小巴都可以碌