極多問題...感謝幫忙..

其實..我有好多野想問...
最主要關於引擎同底盤方面

早前睇左個post 就話而家9巴就統1配件(唔知有冇錯),咁就用同1種引擎(係嗎?)咁但係點解用同1種引擎又會令唔同車種有唔同行駛表現,係底盤影響嗎?我想問底盤會影響邊方面呢?而什麼底盤設計又影響咩?可以用現時香港有既種類解說一下...?而引擎方面,扭力又係咩黎嫁?而現在行緊既巴士用緊邊d引擎,有咩分別?


另外點解城巴既39x-42x比後期46x好力,佢地有咩分別?9xx果批車原意行走途經山路 路線 ,但點解佢地上斜能力比39x-42x還弱?

我都知問題比較煩...而且我有d唔知到我問都唔知點問...希望可以解答得詳細d...多d...

感謝各位幫忙...請恕我見識小...

[ 本帖最後由 金剛 於 2007-7-26 11:00 編輯 ]

同一引擎在不同車款有不同表現，主要原因是傳動系統有所不同。

傳動系統可以以Dennis的2代車款Dragon和Trident為例，前者引擎橫放，後者引擎直放，效果已經有所不同，後者動力轉換次數較少，因此較為有效率，引擎會發揮得比較好，加上不同波箱，行車就已經有很大分別。

扭力即是引擎的轉動力，對車輛的加速和上斜有重要影響，當然要有大馬力配合。
一部引擎的扭力，大致上是越高轉越大，但到最高轉數時就會下降，但不同的引擎，對於不同的轉數有不同的扭力表現，有些引擎的扭力在低轉時表現較好，有些引擎在高轉時表現較好。
以都城巴士為例，有吉偈有康偈，大家會覺得康都一定快過吉都，但事實上，吉都在起步一刻是快過康都，其原因在於吉偈在起動轉數時的扭力高過康偈，康偈的高扭力要在稍高轉才出現，這也可能造成吉偈上斜雖然不快，但總能夠有合理速度的原因。
豪偈就較為特別，扭力表現在高轉數較好，因此起步一定會比較慢，要keep轉數才會有較佳效果，但遇上公路，豪偈的表現明顯好過康偈(較高轉數行車)。可是豪偈特別怕熱，一熱就會無力，但高轉時的引擎又是會比較熱，所以夏日豪偈車會慢下來。
早期九巴超豪的調校是一高轉就轉波，引擎轉數難以提高，故此行車無力，後來就校到高轉才轉波，效果好好多。

以本人所知只能解答到這部份，有錯請指。

原帖由 superay 於 2007-7-26 09:44 發表
同一引擎在不同車款有不同表現，主要原因是傳動系統有所不同。

傳動系統可以以Dennis的2代車款Dragon和Trident為例，前者引擎橫放，後者引擎直放，效果已經有所不同，後者動力轉換次數較少，因此較為有效率，引擎會發揮得比較好，加 ...

咁傳動系統又包括咩?

波箱又係點嫁?

另問前置引擎同後置引擎又各有咩好處壤處?
唔該哂..

另同一款底盤有至少兩種唔同o既波箱,
行車表現就有好明顯o既唔同.

ZF Ecomat 波箱o既特點係行快公比較
有利, 賣點係慳油; Voith DIWA 就比較
適合爬山, 上落斜路, 同埋經常停站. 另
外齒輪公司會因應引擎製造商提供o既
引擎資料(包括馬力, 扭力), 生產符合
引擎馬力同扭力輸出o既波箱, 仲有要
符合當時o既歐盟廢氣排放標準.

以一部 B9TL 底盤o既尾部為例 :



呢幅係 B9TL o既引擎排列相, 我地唔難
發現, 相中引擎右下角o既銀色物體, 係
Voith 全自動波箱. 當引擎運轉o既時候,
會經過波箱, 帶動直濕, 然後傳到驅動軸.
B9TL o既尾軸就係驅動軸. 正如樓上果
位板友所講, 橫放引擎o既效率冇直放引
擎好,所以 B9TL o既引擎擺放, o係動力
流失方面比較大.

仲有一點我唔可以唔提o既係, 好多雙
層冷車o既冷氣, 同樣由主引擎帶動, 如
果果架車係配 ZF 波箱, 就會經 Power
take-off (PTO) 皮餅, 傳動冷氣機. 冷氣
機佔o左主引擎大約 30 - 40 hp o既馬力.

[ 本帖最後由 a396 於 2007-7-26 18:02 編輯 ]