［個人建議］城巴8,8P,8X,88X,780,780P重組建議

brianso198 發表於 2025-10-4 16:52
即係咁, 你估利舞臺一帶塞車真係好小事? 下下影響埋百德新街喎

到今時今日無東隧車 (講緊東區走廊直達灣 ...

1. 利舞臺塞死即係禮頓道都係塞，禮頓道塞死嗰陣就會倒塞返去高士威道，行邊都係死嗰陣根本無分別，但起碼去銅鑼灣北部影響無咁大先
然後由永興街落橋位計，永興街落橋快極都要9-11分鐘先去到希慎廣場，塞一塞車就12-15分鐘
經內告快則2-3分鐘到百德新街，5-7分鐘到利舞臺，慢則5-7分鐘到百德新街，11-14分鐘到利舞臺，平均嚟講比行永興街快，去銅鑼灣北部更咗快好多
如果係大塞車就行邊都死，無分別，先至諗住咁樣改8P
2. 嗰分別在於8P係做銅鑼灣，東隧特快係做灣仔+中上環，本身目標就唔同，更何況東隧慢線亦做到銅鑼灣，加停嘅意義唔大
就算好似307咁無銅鑼灣線，但佢因為要同地鐵鬥快，就算交通暢通都好，停銅鑼灣都可能有機會倒中環/灣仔客。（飛金鐘可能平衡到去中環車程，不過唔係依份建議討論嘅嘢，先略過）
就算係780 vs 780P都會有人死等780時候，東隧特快停係有倒客風險
但8P本身就係做銅鑼灣，西行灣仔落嘅基本上都係唔想行先搭8P，點改佢哋都係照搭
2. 東行係8P過咗銅鑼灣基本上已經企緊人，咁天后返柴灣要坐就只可以搭8X，算係各有分工，西行就單純重疊而已……
3. 5分鐘一班82，同聯合5分鐘一班82/8H除咗收費係無分別，前後腳一樣發生，分別係兩架82定係一架82+一架8H
反正依家班8H又無用，拉前啲去救82點都好過依家
82加班同8H聯合班次無衝突，可以一齊做，當然cut 8H還車比2A/82肯定更好……

4. 的確依篇重點建議係8/8X依組嘢，其他建議只係順水推舟，可以分開做/擱置

Dexter981 發表於 2025-10-4 18:01
1. 利舞臺塞死即係禮頓道都係塞，禮頓道塞死嗰陣就會倒塞返去高士威道，行邊都係死嗰陣根本無分別，但起 ...

問題係唔好下下簡單事複雜化

8H拉前少少幫82聽落好好, 但8H自己都無效率
咁點解唔直接加82班就算?

82返學時間開10-14分班本身就唔理想, 無8X「幫手」更加有問題
呢間野成日持住有82S幫手所以唔覺得搞82有問題, 但偏偏82S又係得一班車幫到手
耀東落完山之後直行鯉景灣又幫唔到82

同埋有樣野叫做觀感, 景隆街就算而家無咁塞班客都係會怕
因為禮頓道/利舞臺一塞車係會塞到停, 走都走唔到

brianso198 發表於 2025-10-4 19:04
問題係唔好下下簡單事複雜化

8H拉前少少幫82聽落好好, 但8H自己都無效率

1. 西行同8H聯合班次同82加班無衝突
8H係亳無效率，取消咗然後82加班大家都知係最好，嗰班區佬唔係
既然8H係唔係都要存在，執好啲係唯一方法
西行學生客基本上集中係07:00-07:30搭車，以8X一車約20-30學生+流水客，多1班82+8H肯定夠（三線聯合5分鐘一班即可）
2. 如果經利舞臺/內告觀感係咁差咁塞嘅話，108唔會經嗰度，晨早改咗跟112行
18/18P依組嘢晨早可以將其中一條搬出去唔入內告，但係無發生過……
以往東廊入內告塞到拉手制，8P行永興街即使塞少少都係最快，但係依家係內告+利舞臺有時會塞，永興街+高士威道都係有時會塞，唔明點解只有內告+ 利舞臺被無限放大塞車程度……
利舞臺/禮頓道塞到停嗰陣，基本上成個銅鑼灣都係塞死咗，至少未見過禮頓道塞死但怡和街可以暢通嘅……
都係嗰句，就算銅鑼灣塞到死晒嗰陣，行內告至少可以保住去銅鑼灣北比地鐵快先，行永興街+高士威道做唔到……
除非內告+利舞臺塞死同時怡和街暢通係一個常見情況，否則唔明點解行內告+利舞臺變咗禁忌咁……

Dexter981 發表於 2025-10-4 16:56
1. 789計單站係堅拿道西贏，但計晒灣仔道+譚臣道三站係同堅拿道西1:1，放工時間計單站都可以1:1，城巴先 ...

邊個話城巴唔會搞呢段路? 789唔喺收得特別貴...

789咁行喺因為果時城巴要搶新巴客，再用補8X為理由行灣仔道...

但喺佢唔夠車，所以只喺單邊做，因為反方向太慢...

喺，我知，788西行做灣仔內街客，東行唔肯行去入境，佢又唔學104咁停泳池，變相東行班客就8P/789...

所以東行冇789 8P會爆煲，灣仔內街客唔同方向搭唔同車我明，西筲一樣，所以2X東行明顯多客過西行...

咁但喺，同2X一樣，爆咪靠東行加班解決囉，所以東行789灣仔有冇客唔喺一個佢留789既理由，堅拿道西先喺...

不過講真，8P東行加停馬師道其實堅拿道西已經冇咩意義...

就算新城一家親後，車務依然喺分開，咁用城巴789處理新巴8P客可能喺好事...

移加直頭得翻城巴一間，用789去清8P客仲有冇車務優勢開始喺一個問號...

所以789就算好似客量ok，但其實佢喺高危系列...

Ravenclaw 發表於 2025-10-4 22:43
邊個話城巴唔會搞呢段路? 789唔喺收得特別貴...

789咁行喺因為果時城巴要搶新巴客，再用補8X為理由行灣 ...

1. 但車程里數都夠短，789來回60-75分鐘左右就行完，以一小時計架車幾乎係做咗兩程客
反觀好似18X/88X依啲貴價線因為車程里數長，架車行一小時只係做到剛好做完單向方向，一小時平均收入=單向服務收入，車程更長一小時平均收入會更低
（題外話：行流水線嘅巴士除非一小時內上到181人，否則一小時平均收入過唔到$1000（收$5.5計））
2. 789重組嗰陣係新世界收咗城巴之後，唔係競爭時代搞
3. 先不論有無人咁做，就算788停訓練池相信無人會放棄有位坐嘅8P，行多7-10分鐘走去等隨時上唔到嘅788……
又唔係104依種灣仔內街剛好無旺角車嘅情況
4. 8P加停馬師道依然無意義，杜老誌道嗰站太近
同埋時代班人就算唔搭789都係會去返sogo搭8P，唔想行先8X
5. 縮789服務等於要788加返班+對應時段入金鐘，省唔到車兼增加不穩定性（紅棉路+琳寶徑一塞車就唔止兜多5分鐘咁簡單，至少多10分鐘），唔明點解咁堅持要縮789服務

Dexter981 發表於 2025-10-4 21:19
1. 西行同8H聯合班次同82加班無衝突
8H係亳無效率，取消咗然後82加班大家都知係最好，嗰班區佬唔係
既然8 ...

即係咁，108南行真係咁好做既，點解九巴做咁多宣傳都搶唔到隔離116客？你識講108，咁117點解南行客量永遠差過北行一大截？
82果度講左好多次，直接加班解決問題，唔好同我講咩8H提早少少玩咩聯合班次玩客

Ravenclaw 發表於 2025-10-4 22:43
邊個話城巴唔會搞呢段路? 789唔喺收得特別貴...

789咁行喺因為果時城巴要搶新巴客，再用補8X為理由行灣 ...

我會講一句，8P唔係大家想像中咁好賺

Dexter981 發表於 2025-10-4 23:23
1. 但車程里數都夠短，789來回60-75分鐘左右就行完，以一小時計架車幾乎係做咗兩程客
反觀好似18X/88X依啲 ...

問題你789有好多唔喺自己客呀嗎，西行咪得個金鐘，789喺咪大部分去金鐘先...

如果唔喺既話，即喺落灣仔太多車啦(非繁真喺需要788+789?)...

4. <--- 我喺廢事進一步增加SOGO個站既壓力，時代行去馬師道近過SOGO，唔加馬師道加灣仔消防局都得...

5. 788要入金鐘既話就唔應該行琳寶徑，而喺應該喺跟722(其實720都應該要，特別喺佢想縮2落威菲路道)...

不過你咁鐘意789啦，不如你計吓數睇吓點樣減班可以等佢同30X合併啦，西行翠灣後直達金鐘(因為調解院同馬廈唔可以有人龍積聚)...

起碼有班人唔洗30X轉780/788，慢d都冇所謂...

brianso198 發表於 2025-10-5 08:07
即係咁，108南行真係咁好做既，點解九巴做咁多宣傳都搶唔到隔離116客？你識講108，咁117點解南行客量永遠 ...

1. 117南行旺角唔同102/112同站（登打士街之後先同站），紅隧又唔同108一條隊，仲有得跑馬地係獨市，點做密佢？仲未計見到22/23分鐘一班啲客已經嚇走咗 116九巴都有份做，加密108搶116有一半客都係左手交右手而已，但係有必要為咗搶嗰另一半客令慈雲山/彩虹道少咗車？依段係116主客源喎…… 然後南行108咁唔掂，點解土瓜灣啲人見108都照上？會唔會其實根本只係見車就上？ 都係嗰句，利舞臺觀感係又差又塞嘅話，點解108唔改做跟112/116行怡和街去寶馬山？ 2. 係咁唔鐘意82同8H「西行」聯合班次，咪剩係加82班唔搞聯合班次哦……

Ravenclaw 發表於 2025-10-5 11:41
問題你789有好多唔喺自己客呀嗎，西行咪得個金鐘，789喺咪大部分去金鐘先...

如果唔喺既話，即喺落灣仔 ...

1.下繁係，但上繁就灣仔金鐘1:1（非繁789行先過788都會）
不過掉返轉，點解唔係788西行飛灣仔比789獨自做灣仔？尤其上繁依家本身就789一條做晒
到時789平日非繁12，假日10-12即可（反正出年有新樓入伙）
4. 即使以縮789係前提，將站距加到過密唔係好事
5. 仲衰，德輔道中又唔係𣈱通，特別係下繁
同埋都係嗰句，斬咗789啲車咪都係要比返788/8P加班，仲令788西行變成要塞金鐘，有乜用……