CTB 42085 (Ex NWFB 4525) 新舊色首航線對比 : 111 & 2A

前晚中環匯豐總行出面影車, 之後見到新色蛋做111,
埋站先見到係 42085 (EX 4525), 隨即影完上車.
入紅隧都應該打爆, 車長盡力地策騎;

坐到馬頭圍邨一帶落車影門位. 後來睇特見版同問人,
原來佢一返到坪石要私去啟晴做641 尾單
(加埋當晚有架307 大風筒係太子大廈死火,
之後停皇后像個站令到後面D車全部 Delay)....

42085 一年前黃昏首航 111 > 641,
當晚因為另有舊車追而 Miss 左;
最終等到近一年補飛....

最後再加番佢係9年前新出牌帶舊號首航2A 的留影做對比,
當日係黃昏收工後坐車, 返到耀東再影, 多謝點閱.....