[個人建議] 提升觀光城巴H4線服務

為提升旅客體驗及增強路線吸引力，現建議觀光城巴H4線（海岸之旅）實施以下改動，詳情如下：

• 繞經華富邨：有「平民豪宅」之稱的華富邨歷史悠久，富有建築特色，建議繞經華富邨，讓旅客能深入欣賞香港懷舊的屋村風景。停靠香港仔海濱公園後，按照路線4行走，經華富道並於華富南總站設站及掉頭，然後返回原有路線。預計車程增加約5分鐘。
• 堅尼地城海旁增設優惠分段收費：堅尼地城海旁近年成為遊客打卡熱點，交通需求殷切，亦留意到有部份旅客嘗試向H4線車長詢問，但最終因車費昂貴而未有上車。因應堅尼地城前往中環的車程顯著縮短，建議於堅尼地城增設分段收費，以進一步吸引旅客，便捷地乘坐開篷巴士直達中環碼頭，豐富旅遊體驗，善用巴士剩餘載客量提升營收。建議分段收費為$25.0（十二歲以下兒童及六十五歲或以上長者可獲半價優惠），可先考慮提供期間限定推廣優惠試行，觀察旅客反應並再作調整。
  

其實應該開一條唔入赤柱既H線一個價錢返中環

12米車可唔可以好似中巴年代兜瀑布灣道？

kay 發表於 2025-11-3 15:10
其實應該開一條唔入赤柱既H線一個價錢返中環

問題係好多班次都比較少人，唔覺得因為咁又要開新線。
反而打完風海岸之旅唔入赤柱期間，H3可以轉H4，我覺得可以常規化，但唔係必須，始終會多個誘因令遊客唔買全日票。


如果旅客想中環上車，又體驗山道天橋落日飛車同堅尼地城，我會打客量最差H1S主意。

山陽岡山 發表於 2025-11-3 15:50
12米車可唔可以好似中巴年代兜瀑布灣道？

H4本身經赤柱，只用11.3米巴士。
不過都唔想車程增加太耐，我覺得喺華富南掉頭已經最適合。


有興趣睇瀑布嘅，請落車自己行入去慢慢探索。

Busmtr 發表於 2025-11-4 02:57
問題係好多班次都比較少人，唔覺得因為咁又要開新線。
反而打完風海岸之旅唔入赤柱期間，H3可以轉H4，我 ...

因為赤柱呢段客量唔高
而H3 H4轉車就兩程計

唔似維港可以一半巴士一半搭返天星

以前幾次“期間限定H線”都不約而同去華富邨呢個位
不如考慮落埋數碼港，之後改行域多利道去堅尼地城，復刻《美景線》——呢段路大家都知做一般通勤線（47A→M47→43M）一直頹勢，但係車遊客遊河確實一流。
但咁就會無咗“山道天橋日落飛車”一段，於是可以跟#4，拉H1S補位——或者直接拆過海回程段做H2S，會展後改行夏慤道直上紅棉道，跟23到蒲飛路總站掉頭，咁就去到山道天橋落堅尼地城。（注意：唔好入堅尼地道個站，改行下一個天橋口直接右轉入上亞厘畢道，應該會過到12米車？）

kay 發表於 2025-11-4 07:01
因為赤柱呢段客量唔高
而H3 H4轉車就兩程計

赤柱唔多人搭，都唔代表要賣大包，俾人中環上車俾一次錢就體驗山道天橋。

就算呢個真係一個問題，都唔應該用開新線解決。一係廢物利用H1S拉上去蒲飛路掉頭飛山道天橋，或者俾人H3海洋公園免費或者優惠價轉H4返中環。

不過講開又講，自己早幾日都有搭過H3 + H4 遊車河，左手邊嘅遊客似乎都驚咗沿路嘅樹，未到淺水灣左邊嘅乘客已經完全清空掉晒位，呢啲潛在危機需要搞搞。

Busmtr 發表於 2025-11-4 19:16
赤柱唔多人搭，都唔代表要賣大包，俾人中環上車俾一次錢就體驗山道天橋。

就算呢個真係一個問題，都唔應 ...

所以南區段的確應該係縮做一條一圈做晒
好過依家生意唔好又白行

大陸人明顯對赤柱興趣唔大
除左海洋公園

香港仔都唔多遊客行街

kay 發表於 2025-11-4 19:35
所以南區段的確應該係縮做一條一圈做晒
好過依家生意唔好又白行

斬咗赤柱之後，不如試下拉入大樹灣水上樂園，谷客入去（聽新聞話嗰邊一直虧損）