原本要搬入海達邨巴士總站嘅118

PB7275 發表於 2025-11-7 15:15
近十年啲新站係咪有啲唔多夠位，或者位置有問題。

依家好多新發展區嘅總站都細到爆，甚至乎係無
唔知係咪為咗避開審計嘅批評
結果一係個總站爆到九彩，一係就泊到周街都係

PB7275 發表於 2025-11-7 15:15
近十年啲新站係咪有啲唔多夠位，或者位置有問題。

海達總站嘅車坑後方，
如果唔係呢個搞咗咁耐嘅工程，
應該會係一個幾大嘅泊車區？

不過如果細數近年新站，
個人覺得設計最好嘅首選北角碼頭，
成個站幾好咁平衡咗停站泊位、行車通道、步行便利、自然通風、有瓦遮頭及配套設施(站長室/休息室/廁所)等需要，
加上專線小巴站又獨立咁自成一角，
更加避免咗小巴亂泊造成嘅不必要阻礙同風險
(鯉魚門邨就經常有小巴泊花槽搞到62X入站特別困難...)

當然，裕民坊可以涼住冷氣等車係爽，
但試過想問有無執到自己件失物，
轉咗好幾個圈都搵唔到個站長室...

而且，落車就要入商場先再搵路去目的地，
對於我呢啲好少行呢個商場嘅就真係幾不便...