檢討運輸署現時30分鐘一班的政策

JH_LE4612 發表於 2025-11-21 09:40
香港地咁細人口咁密，都淨係開到65分鐘一班嘅話，就算撞見有車都可能驚兜路而唔上車，咁倒不如斬線算，由治 ...

係，如果唔係為有位坐（搭鐵預設冇位坐），兜路嘅線真係搵鬼搭...（所以我好期待1月強制戴安全帶之後個個都企...巴士有位坐嘅優勢自動消失）

HV7025 發表於 2025-11-22 00:19
我而家喺個巴士服務有限嘅地方生活，市內路線夜後星期日30-60分班，都仲成日收車，應該係巴士公司迷夢寐 ...

公道啲講
而家香港巴士個難題係
鐵路覆蓋增加，但乘客基數冇大變，但同時特別係市區線唔少隔條街就做咗個獨市位難以落刀。
市區一條線計30分鐘一班好似好荒謬，但其實唔少線有唔同程度嘅重疊，可能三五七條各自重疊咗五六七八成
一個合理步行距離範圍內全部幾條線咁計其實又唔太荒謬，更甚嘅甚至係仲有小巴同你一齊疊
話就話人口密度高，但你幾條連埋小巴起勢咁疊，幾高都幫你分薄曬

本身以前鐵路冇咁大覆蓋就唔算大問題，但越多鐵路覆蓋問題就越現形
就算去到新市鎮屋邨都係同樣問題，香港幾萬人屋邨叫做養一條駁鐵線兩三條對外線好正常
去到外國其他地方人口密度低通常都係得駁鐵駁市中心嘅巴士路線，或者住得城啲就可能多一兩三條流水線咁上下

另一方面，香港點對點巴士服務相對多，本身屋邨或社區人口夠撐嘅冇乜問題
但一遇到鐵路通車或慢性人口老化嘅問題，一樣會現形，特別係點對點對外線更容易落到30朋友。
其他地方，原來沒有從來都沒有，從一而終主要做接駁，咪相對少呢啲問題
就算需求改變都係可以單純調整嗰條接駁線嘅班次，谷死一條衰極都有個譜，亦都好單一嘅供求問題，唔需要考慮其他嘢。
冇香港咁多同類但唔同路線或直情唔同類N種出行方式互相𠝹客令到成個供求關係複雜好多（唔計自己揸車）

我個人就不論多人搭，定係少人搭；不論主線又好，定係廢線又好；
都好唔鍾意班次上，一條開得好密，另一條開得好疏。
所以如果我唔趕時間又岩路，會選擇搭較為疏車及少人座既線。(例如流水)。