九巴 98C 98E 98S 298X 下繁乘客量統計（大量數據）

S3BL100 發表於 2025-12-18 00:08
但首先唔可以唔記得 98C 單憑自己資源係唔足以任何形式全日拆線

其次你想全日拆都要繁忙時間交到功課先 ...

所以點解有人見到堆數字咁大反應

因為就算數字都唔支持 98S 逆走
如果睇 1810 呢班 98S 都穩定地近七成客都係寶林客，假如 98C 繁時開特別班 98E 係長深荔客量有數，開 98S 係因為寶林坑口（主要寶林）有數，
都係要有數先可以支持開特車，即係我叫嘅「客底」，所以 298C 失敗到要取消

298X 同 298C 取消前載客率一樣，只留一條兩邊都會執會住個四成載客率嘈唔公平
但開線一年，你見到無宣傳 98E 客量繼續上，但 298C 298X 就無咩表現，巴士公司搏未入晒伙仲有增長嘅康城係好合理
呢兩條線其實咪正正證實本身無客量基礎（i.e. 客底）貿然開線根本只係純粹賭博，所以點解 98E 越做越有，298C/298X 做唔到相同效果

其實佢都有話 98S 可以將轉幫手救 98D/297，但其實觀乎 98S 將轉上落客數，都睇唔出 98D/297 要人救
夜晚將轉其實主要得 98 有條長龍，其他九巴路線大部分時間都係小貓幾隻

所以點解有人咁憎見到數字
因為一出實際數字，佢個口號根本叫唔到落去

3ASV174 發表於 2025-12-17 23:22
其實去到第 13 頁
成日個討論都仍然係俾幾位有心人 shift 咗去所謂「預設立場」
而無視實際客觀數據

師兄睇開D啦

應該有一定數目版友知道我喺其他網上平台有其他活動（同巴士無關），呢類言論都見得多。預設立場都算，只要客觀數據同證據支持唔到自己 narrative 就鬧係假數據、假新聞，然後指鹿為馬、扯開話題、轉移視線，今時今日周街都係。唔知係邊個 KOL 帶起呢種風氣，但近幾年呢種風氣真係比以前猖狂唔少，好似自己立場或者個別一兩個人言論就係檢驗真理唯一標準，可以用來證明客觀證據同數據一定係錯。邏輯顛倒程度，令人歎為觀止

呢邊已經算好，我喺其他平台見過唔少客觀證據違反自己 narrative 就玩人身攻擊，叫人過主，內容完全無養份同唔值得討論。我自己有時睇唔過眼為左堅守原則同埋唔想謊言滿天飛都會花時間同人辯論，但真係好攰。如果係我管理平台，踩我紅線我係一定即刻 block，永不見天日

3ASV174 發表於 2025-12-18 00:25
所以點解有人見到堆數字咁大反應

因為就算數字都唔支持 98S 逆走

你始終都係堅持自己諗法, 而唔認為自己數字係有缺憾
我又用297 來做例子, 今時今日繁時都係坐滿, 但去到9成都係坑口人
A29下繁將隧後客量計坑口都係落8, 9成
就正正係因為路線先後次序問題
之前都有人講過其他有鐵既區都係一樣情況

之後仲有人話你呢個post "係平平無奇一個數客post"
好明顯你咁出數法, 就係有bias 帶風向, 就係我講既數字可能係真, 但搵對自己有利既方法演繹

S3BL100 發表於 2025-12-18 00:25
師兄睇開D啦

應該有一定數目版友知道我喺其他網上平台有其他活動（同巴士無關），呢類言論都見得多。預設 ...

你既意思係佢本體無預設立場?
唔好講到佢咁清白, 如果無原因, 我唔會咁講
之前日日297 有人果時唔post, 俾佢搵到一日297 下繁拖卡出post 話297 下繁無人
同佢講原因係當日觀繞TA 之後九龍灣商貿無人上車, 仲可以作到自己係站睇住所有客上哂車咁,
之後又可以平行時空話同一時間山上路線幾多客

今次成編野最後一句仲可以明顯攻擊之前提議坑口直出既人
真係無立場?  直白講, 出數既人誠信係最緊要

3ASV174 發表於 2025-12-17 23:22
其實去到第 13 頁
成日個討論都仍然係俾幾位有心人 shift 咗去所謂「預設立場」
而無視實際客觀數據

我而家就係話你數據唔全面, 你明唔明?
搵同一方向, 相近時間, 幾日數, 仲要單一路線情況去make conclusion,
你仲認為自己夠全面?
預設立場你話人有, 你成個post 由數據至conclusion 無預設?

3ASV174 發表於 2025-12-17 13:16
一班車一定好過齋 up
幾班車又一定比一班車好

邊個話你成組data 無用?

castanopsis 發表於 2025-12-17 13:14
你餵乜嘢俾AI已經係主觀
好似你呢個帖俾幾條線既客量佢參考，可能會同你講298X/98S客量較低
但攞多一堆繁 ...

有人用AI 分析, 同佢講AI 有咩限制, 佢有死唔想聽, 仲要咩告發人,
我真係睇唔到你講既有咩所謂版規問題
有人話呢度討論低層次, 我呢次真係好認同

係度想講幾樣野
1. AI只不過係電腦，佢 processing power 好強可以運算得好快，但複雜情況既分析係現階段尚未能做到（或者做到但未係民間見到），情況就好似掃地機械人，你叫佢清潔間屋佢就先係間屋周圍撞搵齊邊界之後就全部行一轉，但其實我可能只係想佢掃大門口附近一忽塵埃。搵人掃就可以好快咁定位到要掃既位置。當然可以靠 machine learning 令到機械人定位到污穢位置，不過現階段要 AI 認識乘客既習慣／商業競爭／路況／類似路線吸引度等等多重模型之下再 generate 個分析出黎，恐怕 AI 未係時候，至少今日未得先，所以先得出之前有人 input 左果堆數據然後得出小學生都識得既比較數字大小然後直接 foul 數字最細既野。

2. 統計學上既數字唔會說謊，但點演繹就往往最 有個人立場。最新鮮例子就係今年立法會投票率上升，然後港澳辦就講投票率大幅超越上屆充分反映民意。另一邊廂就係投票人數係比上屆小...

3.某君叫人唔好帶預設立場又話開放善意討論，咁佢最應該就好似政府統計處咁只係 show 數字唔好加任何分析。 佢最後一句就話基於n年數客所得 “係有 98C 客底基礎先令 98E 快線有客而非一句我要直接就有客”，正正就係第2點演縯數字，而呢個亦係佢既預設立場，不過點樣由數字反映到出黎？只係好似第1點小學生比較數字大小囉，但數字大小背後可唔可以有其他原因？佢咪好似機械人咁忽略。而事實上亦有大把特快線橫空降世之下客似雲來 (例如 690S )，又或者係本身慢線有客但開快線就冇客 (例如 6C 6X )，從來都係靠實際有條巴士線先知道乘客乘車模式既變化，如果唔係都唔會有 “試辦” 呢回事。前期市場調查／客量統計只能夠作為日後路線規劃參考之用，更加唔好講由呢啲統計數字去斷章取義佢既所謂 conclusion。

P.S. 我相信港澳辦提及“投票率大幅超越上屆充分反映民意”係基於一連串分析之後所得出黎既結論，此與本文第3點不同，只係因為新聞篇幅有限未能詳細說明之

castanopsis 發表於 2025-12-15 18:34
都唔止95，秀茂坪-旺角，太多選擇（13D/213D/1A/秀旺）
基本上唔係喺正98C站頭，都未必會考慮98C
反而 長 ...

仲可以214再落一層樓，唔知長深荔去寳達搭98C定214好？

S3BL100 發表於 2025-12-18 00:08
但首先唔可以唔記得 98C 單憑自己資源係唔足以任何形式全日拆線

其次你想全日拆都要繁忙時間交到功課先 ...

師兄有無為意98C，坑口係頭站基本上放諸全港絕大部份路線
頭站出量必然係會較低
用既有嘅數嚟推論「坑口無客」已經係有bias

用另一個角度睇
將線通車前，98C市佔分佈係點
將線一通車跌咗幾多？
難道呢批人忽然間唔使坐車？
大家都明解，批客係跌哂落鐵
而點解會落鐵？
一. 鐵平啲（利申.無刻意check當年咩價位，但依家鐵明顯平過98C）
二. 行車時間快啲（已經唔計亞皆老街塞車，將軍澳道炒車呢啲成日都發生嘅情況）
三. 穩定性完勝

另外，298C一路拖
拖到九巴自己都講明唔想開
再喺被迫嘅情況下「係咁易」開一班車
跟手喺一年內close file
成件事根本就係「走程序」
Anyways，九巴唔會再開298C
而我依家除咗返放工之外都無咩機會坐巴士
有時間，有心機都放喺其他更有價值嘅地方好過
只係見到亂吠都會忍唔住出聲咁解

退一萬步講，我喺呢度拗贏咗你or其他人又點？
「太陽照常升起」
九巴依然唔會想做坑口，right？

利申. 對你建議嘅98S逆走持開放態度