改裝品分享 - 鐵路利蘭 2.0 正式出牌

三年前聖誕紅白藍鐵蘭落地，到今年 KCRC 紅灰白新車原色鐵蘭

一如三年前作品，LA模改裝，基本車身內籠轉色之外，亦盡跟真車各項細節，
今次較大挑戰係上層兩側窗，選用 翻新後 VA 窗件，兩邊最後隻窗要鋸短重做窗尾圓角膠邊，要縮短係因為車尾最後一隻窗長度與鐵蘭不同；車窗按照真實縮短後，車身亦要以膠板等補返相應位置配合改造，轉用今次做法主因係想車身所有車窗相鄰白色部份都同車殼融為一體，避免再於窗件上白色令成品睇落一節節，亦同樣原因，車身左右兩側共十處原本 LA 係油黑嘅圓窗角位由窗件改成由車殼主體表達。






其他改動有：
‧入油位開窿打磨以膠料建造近似城巴非專蘭款式嘅立體入油位，再填平原有入油位
‧尾牌箱按真車改大成可容納 Vultron電牌尺寸
‧尾閘雨擋延長成標準長度 (中巴LA 因為遷就車身logo 尾閘雨檔較短)
‧封及打磨頭牌箱底水潑位凹槽以及 LA 車尾車牌位



水貼方面，今次車身車廂告示標貼同散熱網大部分嘗試自己畫圖，感激身邊多位朋友意見、指導和協助印製；
還有 3D Print 高手的車軨、金屬水牌和倒後鏡，使今次成品更完美！。

今次改比自己呢架由 2023 年 5 月動工，正職工餘剩返有精神改車時間唔多，到今年 8月終於完成，期望明年第一季完成埋其餘比朋友嘅兩架。



多謝收睇
Thanks for reading.