[一線搜查] 三隧分流

kay 發表於 2026-1-1 00:39
其實唔只魚蛋論
而係問責問題

之前嘅“亂”係源於西隧有一路加價，東隧紅隧長期凍結。
三隧分流西減東紅加算係平衡番之前嘅“亂”。

個局更大程度係收費水平問題，西隧舊價算係合理價，以fast pass價黎計直頭抵到爛。
除咗東紅兩隧，其他政府隧道、牌費、錶位、牛肉乾等長期凍結呢個係更大嘅扭曲。

之前曾經講過呢個扭曲，好大程度上係源自運輸物流業界嘅牙力。
而副作用係俾私家車車主搭順風車，加劇交通擠塞問題。

呢個係從搭客/流量/控車嘅角度出發，而政府明顯唔止諗呢幾樣，
靠拉攏運輸業界繼續做忠實盟友已經係。

收費水平究竟係想賣大包、賺盡定係阻嚇都有三個維度，
以上嘅收入應該只係雞碎，
引人買佐架車先，但塞到車主唔敢成日揸出嚟呢條數隨時仲大。

s3n370 發表於 2026-1-1 18:10
之前嘅“亂”係源於西隧有一路加價，東隧紅隧長期凍結。
三隧分流西減東紅加算係平衡番之前嘅“亂”。

唔使咁複雜
政績還政績 實際還實際
香港飽受西隧貴紅隧塞幾十年
三隧分流呢單威水嘢歌頌咗咁多年仲可以講到我個孫出世 都仲未有人敢大聲提出問題
錢銀上同流量上真係WFC

s3n370 發表於 2026-1-1 18:10
之前嘅“亂”係源於西隧有一路加價，東隧紅隧長期凍結。
三隧分流西減東紅加算係平衡番之前嘅“亂”。

每個時段嘅隧道收費個人覺得已經想儘量要控制私家車車流。
留意返星期六隧道收費，係同一至五係一樣。
最需要用車嘅行業，例如物流/工程喺星期六都係如常返工。
換個角度睇，物流/工程業開工時間隧道費貴啲，休息時間平啲，某程度想控制私家車數量，避免太多私家車影響到真正需要用車嘅業界工作。

但現實層面，星期六上繁甚至學校假期同一時間，過海隧道唔係好塞。
其實反映咗唔少車主送完仔女返學，順便揸埋部車方便返工。
如果係習慣同方便問題，就算西隧加返到原價甚至更貴都照用。
除非紅隧甚至東隧減返價，睇返三隧分流收費，加得最勁係紅隧。
唔排除九龍中/九龍東/東鐵沿線班車主，見紅隧/東隧加完價覺得唔抵過，就轉用西隧塞埋一份

castanopsis 發表於 2026-1-1 02:19
我覺得唔純粹係魚蛋論
以前西隧係巴士既逃生門

第一句講巴士下一段講公共交通，你想講邊樣先：
講公共交通，鐵路都係逃生門；
就算講巴士，唔係區區過海都可以用西隧。尤其是東隧通車後新過海基建都偏重中、西邊；
以巴士公司嘅角度，西隧塞多佐，東紅兩隧無咁塞俾佢開到690S、
調番新東巴士去東隧，點都補唔番數。

我咁講唔係話可以丟低巴士唔理，而係想呼應番上段因為運輸業界而壓抑收費。
向運輸業界傾斜其實唔係問題，甚至係應有之義。
問題係以壓抑收費呢個方法，俾佐私家車車主一架順風車。

就算過去咁多年財政盈餘豐厚都應該加，而額外嘅錢就用番落公共交通運輸業界度先至係路。
點都好世事返唔到轉頭，之後追得番都可以撥亂反正。

TA7343@N241 發表於 2026-1-1 11:16
每個時段嘅隧道收費個人覺得已經想儘量要控制私家車車流。
留意返星期六隧道收費，係同一至五係一樣。
最 ...

揸車嘅無論係私家車定搵食車，個個都想路路暢通架啦。

不過有一句說話係對揸私家車講嘅，you are not stuck in traffic, you ARE traffic。

castanopsis 發表於 2025-12-31 21:46
錦田叫做有NR917/918
但個覆蓋都唔係全面
啲鄉村睇落人口少，但實際上如果擁車比率高，一兩條村已經可以搞 ...

唔少鄉村得小巴經過，巴士純粹執死雞。
返放工時間等車等到天荒地老，小巴係冇定向出現，除非早到未天光就出門，否則基本上要揸車。
試過清晨搭64K錦上路去太和，未夠7點鐘去到坑下甫/較寮下都頂閘。
上繁搭17號紅頂落元朗方向，去到米埔村永遠飛站。

除非10-15分鐘步程去到有轉車站/鐵路站嘅鄉村，例如馬鞍崗/大欖涌/新田/錦田大街，先叫方便少少。

TA7343@N241 發表於 2026-1-1 19:29
唔少鄉村得小巴經過，巴士純粹執死雞。
返放工時間等車等到天荒地老，小巴係冇定向出現，除非早到未天光 ...

可以揸車去錦上路泊車轉乘

ccchhhuuunnn 發表於 2026-1-1 18:28
唔使咁複雜
政績還政績 實際還實際
香港飽受西隧貴紅隧塞幾十年

其實如果講政策

除左三隧分流
係應該做埋香港島個別地區電子路道收費
嘗試減少D車入去港島

呢兩樣野都研究左幾十年
都比人鬧係研究階段無限LOOP
最後咪揀三隧分流做左佢

不過電子路道收費都係會驚動個別界別利益
有車階級個D又可能唔介意比多少少
殺錯目標上搞電子道路收費易出事過三隧分流

但讓本身應該行西隧既車行返西隧其實無錯誤地方
一向無錯唔代表岩
唔同意唔代表件事唔合理

validation比其他野更重要

castanopsis 發表於 2026-1-1 10:40
版友可以選擇唔覆我
但我都有權質問同表達意見

多咗人搬入新界甚至村屋住，居住區域散咗。
而且有仔女嘅，可能都要九龍返學。
私家車對依類人講，係半必需品甚至必需品。
冇理由擺低架車喺錦上路站/欖隧轉車站，再迫公共交通出九龍。
唔同幾十年前，啲人多數港九荃葵青沙田，而且人口密度高。
如果新界/村屋區公共交通太好（例如巴士班次太密），又未必符合成本效益，最主要未必夠客出到。
依家啲人住散咗加通勤距離長咗，要控制汽車擁有率嘅問題，其實係難搞。
唯有寄望北都加多啲就業機會，而唔係睡城，問題在啲公司會唔會聽政府支笛。

757 發表於 2026-1-1 19:47
可以揸車去錦上路泊車轉乘

又或者欖隧轉車站出九龍方向，八鄉路再落都有個爛地停車場。
年頭初初有車嗰時都玩過泊車轉乘，不過唔多人用。
得幾十個先咁泊再轉乘。