[一線搜查] 三隧分流

s3n370 發表於 2026-1-2 00:04
你原文係質疑泊車轉乘對揸車嘅吸引力，仲要將西鐵擺埋一齊。
而家龍門就搬到要足夠去解決西隧嘅擠塞。
個 ...

香港有差唔多六十萬部私家車
每日不到二千人次用泊車轉乘優惠，多？

如果你唔想淨係講西隧，咁泊車轉乘吸引力更低

梅窩去中環一條渡輪線，每日客量都有六七千，港鐵咁多個停車場加埋都係千幾二千

Toz 發表於 2026-1-1 16:09
香港有差唔多六十萬部私家車
每日不到二千人次用泊車轉乘優惠，多？

用全港汽車數目去比較單一仲要係局部地區嘅措施，係不當類比，根本係邏輯謬誤。

Ricky403 發表於 2026-1-1 14:06
屯馬綫數字上唔好睇
KSR->TWW 4 ppsm 2024年都連60%都唔到
同以前荃灣綫將軍澳綫4 ppsm近100%嗰種逼法無得 ...

又係呢啲無意義廢數字，只係收埋收埋只係話你知最迫係邊段
人哋深圳11號綫上年就致力改善擠迫率，香港呢就睇下最迫果段數字過唔過ppsm，未過就話仲有空間塞多啲人，根本就唔諗下改善擠迫情況同乘客乘車體驗

s3n370 發表於 2026-1-2 00:20
用全港汽車數目去比較單一仲要係局部地區嘅措施，係根本嘅邏輯謬誤。

你既視力係咪不足以令你睇到份文件列左既停車場位置？上水到海洋公園都有，加埋就係千幾人次用轉乘優惠

s3n370 發表於 2026-1-1 19:19
第一句講巴士下一段講公共交通，你想講邊樣先：
講公共交通，鐵路都係逃生門；
就算講巴士，唔係區區過海 ...

鐵路當然都係過海交通一環
例如東鐵過海，都大大改善咗沿線居民過海既速度同舒適度
但無論係座位、速度、舒適度、價錢
啲人本身搭緊巴士總有理由
搞到巴士差咗要改搭鐵，都已經係公共交通網絡既倒退

另外見師兄立場傾向強調鐵路既功能
唔係話你錯，不過藉機睇咗一下相關數字
有版友曾經統計過西隧線早繁客量，可見0800-0900之間，有247架巴士出港島，平均大致坐滿
換轉返載客量，大概係每小時2.22萬人
呢個數字，拍的住/高過同年東涌線，最繁忙一小時既單向最高載客量（2萬）
宜家三隧分流對巴士既影響，按人數，係等同將東涌線車程直接拉長20分鐘
自己諗下，係咪大鑊

向運輸業界傾斜其實唔係問題，甚至係應有之義。 問題係以壓抑收費呢個方法，俾佐私家車車主一架順風車。

呢點我同意
搵食車，其實同巴士一樣，係essential trip
老實講，我覺得貨櫃車/重型貨車，應該免隧道費

輕型貨車/的士
因為載客性質問題，唔可以免費，否則會有人鑽法律灰色地帶
應該跟隨私家車大幅調高隧道費
然後用隧道費收入，搵其他方法補貼佢地既生計

TA7343@N241 發表於 2026-1-1 20:17
多咗人搬入新界甚至村屋住，居住區域散咗。
而且有仔女嘅，可能都要九龍返學。
私家車對依類人講，係半必 ...

無論係回歸前定回歸後
從以前新市鎮工業區，到起動東九龍、科學園、入境處搬遷
政府其實都有刻意去打散通勤位
不過除非中西區office空置率急升，否則都係咁多人要過港島返工

至於鄉郊，好認同你既研判，好多地方近乎係必需品
但要做，都有幾樣嘢可以做
1. 攞隧道費收益，補貼鄉郊交通
2. 鄉郊線提供彈性收費表，好似 九肚山>港島，開條線收$40，好過乜都無逼人揸車
3. Park and ride處理上述兩點覆蓋唔到既人，鐵路以外，做埋巴士P&R俾有位坐既選擇

大規模implement呢三樣嘢
就唔會再有藉口，話鄉郊唔方便一定要揸車直出市區
大方向都係，最有錢個10%先好揸車

s3n370 發表於 2026-1-1 22:25
思想要追上時代先至得嘅，同埋亦唔係一句規劃，D人會跟住規劃咁簡單。

以前做工廠主力製造加工嘅技能， ...

同埋就算原區就業唔到，因為已發展嘅區細，通勤都唔會好耐。咁唔好彩住荃灣去柴灣返工，其實都係一粒鐘左右（當年新界西屯元天都未發展）。
荃景圍返小西灣嘅粒半鐘已經係extreme case。
唔同依家，通勤下下一粒鐘起跳，塞埋車粒半鐘等閒事。


仲有原生家庭屋企嘅問題都唔係咁易搞到。
如果長輩屋企近公司還好，放工可以順路送返自己屋企。
長輩住大西北／北區但公司喺觀塘／港島區就麻煩。
變相住嘅地方未必咁易搬到近公司，焗住喺長輩屋企嗰區。

通勤方面深圳反而冇香港咁惡搞。
始終好多都由鄉下落嚟打工，縱使行業一樣集中特定區域（例如IT就喺南山），但可以租近公司嘅地方，冇咁易受原生家庭局限。

Toz 發表於 2026-1-1 23:30
park and ride 本身都唔貴得過隧道費幾多，貴係相對搭的士或call uber

問題係渣車就係為左自由周圍去，唔 ...

有架車都可能純粹係傍身，有時可以完全call唔到車截唔到的士，尤其繁忙時間為甚。
試過返工等巴士大甩班，截極都截唔到的士，幾想行返屋企拎返部車出嚟。

當然，認同你講park and ride嗰個立場，有時可能仲麻煩，最少返工地方夠固定。
舉例，住八鄉park and ride泊咗架車喺錦上路，返到九龍間公司後，俾人叫咗去沙田/大埔做嘢。
跟住放工嗰時要兜個大圈先拎到車，係咪好搞笑
仲有機會明明經過屋企門口個巴士站，但因為要拎車而唔落得，咁搞隨時仲慢過唔揸車。

castanopsis 發表於 2026-1-2 01:22
無論係回歸前定回歸後
從以前新市鎮工業區，到起動東九龍、科學園、入境處搬遷
政府其實都有刻意去打散通 ...

基本上以近年就業地區嘅變化趨勢，住將軍澳／馬鞍山一帶係大贏家，全部係靠東面。
反而居住地區就越來越多變成大西北，咪令到通勤距離長晒。

至於住鄉郊嘅通勤問題，其實巴士公司已經做緊。
277A、273C、74E、976、T74，NR917、NR918求其數都有七八條。
當然成效始終有限，亦有延伸空間。
部分鄉郊仲係市區通勤客嘅交通盲點，例如石湖圍／米埔村／河上鄉／上水坑頭／西徑／大網仔路至北潭路，依然得去屬區新市鎮嘅小巴+班次疏落嘅巴士。
郊遊線例如33R/96R/92R/275R，如果開埋平日上下繁（方向同假日相反）話唔定仲可以出到客

另外，巴士P&R得欖隧先有，就喺E36總站嗰度，不過車位唔多而且長期有死車，附近另有間私人開嘅爛地場。
其他例如大老山／屯公轉車站附近直程冇P&R設施。

s3n370 發表於 2026-1-1 22:54
如果抽空、斷章取義去睇你呢句說話，你啱

不過早前好似有人講過要睇context

其實早於2008年政府都認同三隧有流量不均問題
https://www.info.gov.hk/gia/general/200801/23/P200801230178.htm

不過當年最大阻力係政府無藉口回購隧道
要等到期先交回

既然目標係三條隧道流量接近
咁西隧塞車咪證明向目標進發?

又要分流又要唔塞先可能係無理空想