城巴司機飛站 似乎不諳廣東話難與乘客溝通

上個月有一晚，有架20(車隊編號6470)往啟德方向停廣東道站，奇怪停在站前兩三個車位前落客，站頭已企左人等車又得呢條線，
以為之後駛前上客，點知司機落客後切出中線飛站，乘客走出中線拍打車身司機才停在中線開門上客。
我睇住整個過程電郵城記投訴，回覆卻是一堆罐頭廢話，睇來要有片放上網城記才肯正視

巴士車長就係請人容易，就連1牌夠1年甩P又好，大陸駕駛證轉換本地1牌都好，都係照樣聘請。可是車長缺人缺得好緊要。

已上報：https://www.am730.com.hk/本地/1005402/網上熱話-巴士客投訴裕民坊-飛站-十多人未落車-男子衝前指罵-你唔好講叮唔叮-?fbclid=IwdGRjcAPejPFleHRuA2FlbQIxMQBzcnRjBmFwcF9pZAwzNTA2ODU1MzE3MjgAAR7Ue-w4wbwzEi8R0F0giIhPqudw3Z6Y54qMD_ZJHO2djqGLEneRJm44gXRZFg_aem_hHCtSCdJjfguezNyxG2UcQ

睇google街景，619個站位(KT555) 本身就跟14B(KT556)後面，仲要喺成排巴士站最尾一個位，再後就小巴站。
所以問題係，究竟車長砌詞狡辯，定班客唔知已經埋咗站？
就算真係唔係停正619個站位（例如停咗小巴站），啲客冇可能會唔識落車。
如果車長講嘅係屬實，估計係到咗裕民坊，啱啱有客要上（所以要埋站），另一方面冇人㩒鐘要求落車，所以埋咗站冇開落車門，亦間接導致飛站。

不過依類所謂因大站冇㩒鐘飛站而嘈交/投訴耐唔耐就上新聞。
指引上，乘客落車一定要㩒鐘。
但客可能旨意有其他客會㩒，甚至諗住司機應該主動要停。
好啦，冇人㩒鐘飛咗站，客又覺得司機欠缺職場素養（唔醒目、唔主動、唔識應變）。
我唔知係職場文化導致咁嘅客出現定點樣。
除非寫埋邊啲係必停站，仲要分埋時段，否則一定永遠唔會解決到。

睇段片好似唔係講緊普通話喎

講真，遲下25號陸續有來，解扣唔到安全帶導致飛站係咁投訴

ryumew 發表於 2026-1-22 16:10
講真，遲下25號陸續有來，解扣唔到安全帶導致飛站係咁投訴

依個都肯定可以獨立開個新議題講
然後報道多數會搵啲「我唔知、無聽過、我無錯」嘅客嘩眾取寵
最極端賴話個司機唔提係失職都得
帶住目的去寫嘅，實會拉番落依單野

hz6751 發表於 2026-1-22 11:05
上個月有一晚，有架20(車隊編號6470)往啟德方向停廣東道站，奇怪停在站前兩三個車位前落客，站頭已企左人等 ...

提議你直接搵交通投訴組，而唔係就咁向城巴投訴。

司機位有齊錄音錄影，無需要自己去拍片；你寫事發經過俾TCU，運輸署自然要城巴查、兼覆一個見得人嘅回應，無得再當你Lu Lu！