盈科保險易名為富通保險(亞洲)有限公司

小弟早幾日收到信, 2007年8月8日生效.

現有客戶不受影響.

但係保險營業員沒有打電話通知我轉了公司,只不過早兩日寄來了兩封沒有列明是前盈科保險的信,我以為是宣傳單張沒有為意,直到第3封信才有列明是前盈科保險我先知,請問保險營業員是否有責任通知每位客戶呢?

另外盈科上市股係咪停牌呢?

[ 本帖最後由 kelvin109 於 2007-8-10 16:25 編輯 ]

原帖由 kelvin109 於 2007-8-10 16:23 發表
另外盈科上市股係咪停牌呢?

盈保(65.hk)在6月12日起停牌,當日富通公布以$8.18全購既
提議已獲得98%既股權支持(因此盈保另1大股東中保國際966.hk
已接納收購),因富通已取得超過90%盈保既股權,
按法例須強制收購無支持收購既股權.
今日盈保發出最后既通告,指由8月15日起將取消上市.

原帖由 kelvin109 於 2007-8-10 16:23 發表
但係保險營業員沒有打電話通知我轉了公司,只不過早兩日寄來了兩封沒有列明是前盈科保險的信,我以為是宣傳單張沒有為意,直到第3封信才有列明是前盈科保險我先知,請問保險營業員是否有責任通知每位客戶呢?

另外盈科上 ...

其實保險營業員冇責任個別通知其客戶改名的, 因為公司已經做左, 當時搬寫字樓由
新世紀搬去永安果陣, 都係公司本身, 而不是營業員寄信通知您架啦.

加上保險營業員有時手上有幾百, 甚至千多二千個客戶, 若逐一致電/寄信通知, 可能費時失事, 而且公司本身都寄左封信通知您, 我都係收第二封信(TMHA1的週年通知書), 信封面才註明前稱, 加上小弟跟開果位Agent是全公司的營業員編號最細的(可能係做得最耐), 手上有千幾個客戶, 若小弟要求他事事都通知, 他會很慘.

不過如果營業員想趁勢宣傳谷生意, 就另作別論.

其實今次係盈保第二度易手
由 鵬利保險 易名為 盈科保險 再易名為 富通保險(亞洲)
而富通之前曾在港經營 華比富通銀行,其後出售予工銀亞洲( ICBC (ASIA) )

回正題:
保險公司易名只需書面通知客戶,如果由保險營業員口頭通知的話,相信半個月都未通知完!

銅鑼灣既盈保大廈，几個月之前已除去‘盈科保險’既招牌，
現時該大廈係乜新名？

原帖由 hkicq 於 2007-8-15 18:28 發表
銅鑼灣既盈保大廈，几個月之前已除去‘盈科保險’既招牌，
現時該大廈係乜新名？

o個度不嬲都係叫鵬利中心, 未曾叫過盈保大廈

原帖由 pac423 於 2007-8-15 22:46 發表


o個度不嬲都係叫鵬利中心, 未曾叫過盈保大廈

銅鑼灣的鵬利中心現時好似係全部租予外邊的租戶作寫字樓, 內裡係沒有同
盈科保險有關的公司的.

以前旺角新世紀廣場二期寫字樓, 當盈科保險仍為最大租戶時, 是以它命名的,
當時該座大廈稱為盈科保險大廈(未改名則稱為鵬利保險大廈).

至去年夏天盈科保險大舉搬至上環永安中心後, 才回復稱為新世紀廣場寫字樓
二座.

不過話雖如此, 該大廈其他租戶從不以盈科保險大廈為公司地址, 全部都只寫
「旺角新世紀廣場第二座」, 例如當年九樓一邊係盈科保險的營業處, 那邊的
名片及信封地址全部都有「盈科保險大廈」六個字, 而營業處對面有間亞珊娜
會所其宣傳單張, 會員卡及購物袋則只寫「旺角新世紀廣場第二座」, 幾年前
小弟就是在該座大廈九樓返工, 成日都有D師奶出出入入, 都幾過癮架.

而大廈的入口處及地下電梯的指示牌, 當年都有「盈科保險大廈」六個字.

原帖由 U-157星之Kelvin 於 2007-8-14 23:38 發表
其實今次係盈保第二度易手
由 鵬利保險 易名為 盈科保險 再易名為 富通保險(亞洲)
而富通之前曾在港經營 華比富通銀行,其後出售予工銀亞洲( ICBC (ASIA) )

回正題:
保險公司易名只需書面通知客戶,如果由保險營業員 ...

係第三度易手才對

鵬利保險的前身是紐西蘭保險, 大約1994年才易手及易名為鵬利保險.

轉了咁多手比人感覺唔多穩陣,唔多專業對員工都沒有歸屬感,如果買開多年咁就無為轉,如果新買保險我一定唔會買佢囉.

[ 本帖最後由 kelvin109 於 2007-8-17 21:26 編輯 ]