今日下午 中環站

原帖由 Route_99 於 2007-8-11 07:11 發表

做成昨日的人潮, 係因為將平日530pm到8pm主要放工時段搭地鐵的人同一時間實在同一個鐘頭,
仲要未計那些放工後去街遲搭地鐵的人流, 有咩系統會頂得順突增幾倍的負荷呢?

所以, 政府應該多點呼喻一下僱主在有8號風球預警就按步准許員工提早下班,
減低交通系統的索求.

8月10日的情況﹐基於多個客觀原因﹐僱員難以再『提早』離開。

以往天文台在發出8號訊號前﹐都會有兩小時或以上通知﹐
但當日情況卻只有一小時﹐令下班人士更加『集中』爭乘交通工具。

再者﹐正如其他版友所言﹐在1300-1400 午飯期間宣佈﹐
若非短訊系統通知﹐本人也不知道在1530或以前改發8號訊號；
即使知道也好﹐大部份人都要返回辦公室『收拾殘局』﹐
最後使人潮至少延遲至1415 後才湧現。

最後﹐運輸署在1430後在各大傳媒﹐呼籲市民儘量使用鐵路﹐
但隨後並後提及中環等主要車站已嚴重擠塞﹐只是停止再呼籲
市民使用鐵路﹐但大部份乘客到達地鐵站後﹐才獲知情況混亂﹐
同時又難在風雨下改乘其他交通工具。

[ 本帖最後由 chai 於 2007-8-11 14:57 編輯 ]

我都加把嘴：

＜前提＞

我在中大返lab的，昨天做事到1315左右，
在lab看電腦知道三號風球，並預料1530前會掛八號。
1330，我和labmates照原定計劃去食飯，食到1415返上去，
當時Department方面稱要真係掛八號才放人，個個都預料係1530前後。

之後返落去繼續做野，1440左右同事告知已經八號。咁就做埋手頭上工作先停。
1455，和同事一起行路落山，風雨比之前細。
適逢8-11/8係中大迎新營，遇到由外遊趕回來的師弟妹，要取消晚上的節目了。

＜鐵路部分開始＞

去到大學站月台，見到北行pack滿人，但冇搞出甚麼電力事故已經萬幸。
南行列車很快到達，上了車後停了兩三分鐘才關門開車，
除了往火炭較慢外，沿途車速正常，沙田站停靠4號月台，係我第一次經歷。
列車並非特別擠迫，至少比起北行好好多。
去到九龍塘，我等列車開走人潮散去才落電梯，見到北行月台企滿人，一卡卡的位置都看不到了。
我一落電梯對面有車入站，我聽到架車要「呠」兩次，應該係怕人跌落路軌，MLR呠又係第一次聽。

我已經預料地鐵站會好多人，我用南面大堂，順利到達往調景嶺月台，
第一班K-train上不到，差不多每道門都有幾個乘客上不到車，
我瞄到隔籬的門位冇人等就竄過去，下一班M-train約兩分鐘後到，好多人，
但有不少人在九龍塘落車，我都上到車，擠迫情況和平時早上繁時差不多。
1550返到鑽石山站。

和朋友MSN，有人由觀塘搭地鐵去青衣用了兩個鐘。

整體評價，九鐵今次表現尚算滿意，地鐵在中環金鐘一帶出現事故就真係「不幸中之不幸」。
開北港島線都不會好很多，反而東鐵過海或可疏導中環至九龍塘一段的地鐵，
但前提係東鐵運量比目前更高，唔好話八號風球，大時大節都一定多人到傻。

原帖由 DIH 於 2007-8-11 16:50 發表
整體評價，九鐵今次表現尚算滿意，地鐵在中環金鐘一帶出現事故就真係「不幸中之不幸」。
開北港島線都不會好很多，反而東鐵過海或可疏導中環至九龍塘一段的地鐵，
但前提係東鐵運量比目前更高，唔好話八號風球，大時大節都一定多人到傻。

所以沙中線必須同時建中環南站!

原帖由 pakchi70 於 11/8/2007 19:07 發表
如果過海就會縮到得九卡
而家12卡都已經應付不來仲過海？

一定有人話:「 cut 至九卡之後會加班嘛」
講就易......

地鐵於 8 月 10 日下午夠話港島線會加班,
但最後實際班次可能比平時仲疏
我唔想呢 D 情況於東鐵發生

原帖由 TP人 於 2007-8-11 19:53 發表
地鐵於 8 月 10 日下午夠話港島線會加班,
但最後實際班次可能比平時仲疏

一來在幾個車站（主要是銅鑼灣站至上環站一段）要重開車間數次才能開出，其後有兩、三列列車臨時調往荃灣線，不過後來要再額外出多一、兩列去填補，但是第一個情況已經可以令到隨後的列車延誤，造成骨牌效應。

原帖由 ccicoltd 於 2007-8-11 09:50 發表

如果用八達通入閘後，經「分隔收費區的玻璃」離開
(沒有拍卡出閘)，會扣多少錢？

第日再搭地鐵,佢應該入唔到閘,
自然就要去客務中心,
職員check到佢張卡未出閘,
會幫佢logout返,比返張卡乘客,

職員問乘客之前發生乜事都費事.

唔好話昨日有特別事故,
平時d 出閘機hang左、不知何故唔駛拍卡、拍左卡未扣錢...
就到出閘,但張卡未logout,
第日再搭地鐵就入唔到.依d事好平常,

我當日在中環站，但情況之差真係令所有在場既乘客無奈。
我係搭港島線，係中環轉荃灣線，
條樓梯係剛剛迫滿人(情況未算最壞)。

我心想，地鐵兩分幾鐘一班車，
八卡人，要清晒我地咁多人，
應該都唔駛好多時間姐？中環係首站喎。
但我同附近既人，用左大半個鐘先上到荃灣線月台…
估唔到上到去仲恐怖…

根本就係困獸鬥，月台迫滿人，
車上既乘客係無辦法落車，
就算落到車，都上唔到大堂，
因為所有乘客都迫係同一個位置。
落唔到車，要走既人就上唔到車，
上唔到車，就根本無辦法清到人，
所以過左一個鐘，混亂同擠迫既情況係毫無改善。

但我亦發覺，香港市民都尚算高質素，
當大家係危急既時候，
係會自發地控制場面。
當有車到時，有會叫大家讓路俾人出左先。
出左之後，會有人叫讓路俾佢上大堂。
上大堂條路，竟然有人係擠迫之中打尖落月台，
大家即刻叫佢返上去，唔好打尖，
我都好耐無見過對付打尖同不守秩序咁齊心。
但最可笑既係，
我地係呢段時間，完全見唔到有地鐵職員維持秩序，
完全聽唔到有指示、廣播我地應該點行，
聽唔到有指示話落車行去邊、應該讓路…
我好失望。
唯一見過職員既，就係有位職員羅住個大聲公，
行埋去緊急停車制unlock。
但佢一直無作任何指導，無出過聲維持秩序。
唔知大家有無留意，睇新聞時，
職員好似都無乜指導過乘客行走既方向或維持秩序。
全部都係由乘客自己去搵…

我即時用手機睇睇新聞，先知原來上環、中環同金鐘同樣咁混亂，
地鐵亦話已加密到二點五秒一班車。
但我眼見，月台既車，乘客根本落唔到車，
最少要五分鐘先可以開到走…

大家幻想下，乘客落唔到車，
我地上唔到車，所有人迫係同一個位置，
乘客未落晒車司機已經嘗試關門…
個情況係幾咁惡劣…
亦相信咁，有人先按動緊急停車制。

空氣極差，好多人都話好暈，
個個流汗，
間唔中月台頂先會有一陣既冷氣…
但一陣之後又會停左……

好了，終於都上到車，
一開車，大家既怒氣竟然到了極點！
點解呢？乜唔係搭到車喇咩？

哈！當個車開時，大家望清楚個月台既情況，
個個都"嘩!!!!!!!!!!!!!!!"
點解？
因為月台前面一半部分竟然非常鬆動！！！
對面列車上，前四卡都只得好少量乘客，
月台無人，
無人迫…
咁點解月台尾部會咁惡劣？？？
究竟地鐵有無考慮過人流既分佈？？
有無考慮過月台既乘客點離開？？
佢地離開唔到，我地點上車？？
最後幾千人迫係月台尾，
而月台頭就無人！

我之前心想，一架列車有能力載大量乘客既假設真係假得很！
因為人流處理得極沒有效率！

我亦向在中環上班的友人查詢，他比我遲到達中環站，
但他說列車有位坐…
原來他就是在月台頭登車！經過匯豐銀行總行對面的入口進入月台！

我對地鐵的安排是十分十分失望…

原帖由 sp1950 於 2007-8-12 21:29 發表
我亦向在中環上班的友人查詢，他比我遲到達中環站，
但他說列車有位坐…
原來他就是在月台頭登車！經過匯豐銀行總行對面的入口進入月台！

因為人流主要是集中在車尾那邊，無論是從港島線、東涌線、機場快線轉車，還是經環球大廈的大堂入閘，所以即使是在平時，頭幾卡是還有很多坐位，但是尾幾卡已經站滿乘客。

原帖由 hkaiw 於 2007-8-12 22:12 發表

因為人流主要是集中在車尾那邊，無論是從港島線、東涌線、機場快線轉車，還是經環球大廈的大堂入閘，所以即使是在平時，頭幾卡是還有很多坐位，但是尾幾卡已經站滿乘客。 ...

那麼在這個非常時候，為什麼不想想辦法，好好安排人流，分配好離開車站及等車的乘客？
如果月台頭幾卡是有大量吉位，為什麼不安排乘客向前走？或讓等待乘車的人向前？或讓上大堂的人向頭幾卡暫待？