其實咁樣係咪有ｄ問題呢？

我識得有個女仔ｆｄ，佢上年年尾在網上聊天室認識左一個男仔，兩個月後一齊左，
只維持左兩個月就分左手，之後果三、兩個月個男既都冇去主動搵返個女仔
跟住七月頭，個男既開始主動搵返個女仔，經常約個女仔出街，終於七月尾
佢地一齊返，但係個問題黎ｌａ﹕
佢地一齊返之後，個男既開始向個女仔講及自己係因為買股票輸左數萬元，
於是想游說個女仔用個女仔既名義向各大銀行借錢，並向個女仔承諾話想搵
返個成熟專一既女仔拍拖（本身個男仔已經係花心漢一名），並俾佢自己
果張提款卡個女仔要儲幾年錢之後結婚，但係個女仔起初都唔係咁信個男仔，
不過最終個女仔都不惜一切問其他人借錢，甚至用佢自己既積蓄幫個男仔還錢，呢
件事仲要唔好俾雙方既家長知道．．．
各位板友，你地認為個女仔所做既決定有冇錯？

錯，雙方點愛法最好都係財務獨立。
個女仔好明顯處理呢件事上感情超越理智，你最好叫醒佢。

我前日咁岩在某間匯豐自動櫃員機撞到佢地，見到佢地憂心忡忡，
尤其係果個女仔

原帖由 KL631 於 2007-8-11 23:00 發表
我前日咁岩在某間匯豐自動櫃員機撞到佢地，見到佢地憂心忡忡，
尤其係果個女仔

睇下你同佢朋友到咩程度，係 hea 下o既酒肉朋友定互相關照o既知心朋友，
係知心朋友就真係要鬧醒佢，如果係小弟預o左無朋友做都要鬧醒佢。
感情還感情，數目要分明，仲要係未兌現o既諾言，講就天下無敵。

連自己o既還款能力都唔知就玩股，係股票度輸咁多錢要人地出名借錢，
呢 D 咁超班o既理財處事能力，仲鐘個頭埋去找死嗎，仲講到咁長遠仲乜？

識o個女仔屋企人o既話真係多事都要插手通風報訊，用自己名借錢係除時一世都還唔清的。

[ 本帖最後由 tomchen 於 2007-8-12 03:08 編輯 ]

得罪講句
呢個case越聽越似一d 騙財騙色既例子喎...

樓上各板友都講得o岩呀
感情上牽涉到金錢問題
都真係可以好大鑊喎

我覺得即使男女朋友關係都好
借錢咁大件事唔應該,亦冇理由叫伴侶去借
再加上樓主都講咗男人背景,的確唔太可信

求先我打電話問過佢，原來果日佢地係攞錢睇戲，
仲要係個男仔請，睇落冇咩野...
同埋求先問佢上星期四有冇去到攞錢，佢都初時否認

[ 本帖最後由 KL631 於 2007-8-12 23:53 編輯 ]

今日個女仔收到某間銀行來電，話只可以借到好少錢俾佢，個
女仔仲話應該借多幾萬蚊咁．．．．．．
跟住先講到原來係佢男友之前同人夾份開左間時裝店，但係其
中一個人穿左櫃桶底，搞到蝕左好多錢，所以個男既先欠下巨債
（但係我個ｆｄ從來都冇去過佢間舖頭）

原帖由 KL631 於 2007-8-23 23:29 發表
今日個女仔收到某間銀行來電，話只可以借到好少錢俾佢，個
女仔仲話應該借多幾萬蚊咁．．．．．．
跟住先講到原來係佢男友之前同人夾份開左間時裝店，但係其
中一個人穿左櫃桶底，搞到蝕左好多錢，所以個男既先欠下巨債
（但係我個ｆｄ從來都冇去 ...

做o左羊太？來龍去脈都唔知梗唔好借。一時又話輸股票一時又話俾人穿櫃筒，邊樣先真？
樓主鬧醒o左佢未？

[ 本帖最後由 tomchen 於 2007-8-27 20:09 編輯 ]

原帖由 tomchen 於 2007-8-27 20:08 發表


做o左羊太？來龍去脈都唔知梗唔好借。一時又話輸股票一時又話俾人穿櫃筒，邊樣先真？
樓主鬧醒o左佢未？

佢話佢而家每個月都借兩千蚊俾佢幫佢還錢（男方話每個
月要俾四千蚊家用屋企人，加埋日常洗費，每個月既糧都
渣乾渣淨），不過佢講明會借到九月，十月唔會再借俾佢，
因為女方黎緊都要讀書，所以要做多份兼職，有多餘錢再會
幫佢
佢仲話我唔好咁多管閒事，免得我牽涉呢件事