我又人工加得少、工時長，我都去瞓馬路！

早幾日唔知乜事，有班師傅走晒出馬路抗議，初頭以為又有無良顧主唔
出糧，有汗出、無糧出！但連續幾天都見呢班大佬遊行、集會、瞓馬路，
原來係話要加薪+減工時。

大佬，香港地好多人都話加人工加得少，好多人都話工時長。咁點呀，
唔夠就要封馬路，呢個情况越來越嚴重。D人一唔滿意就封馬路(之前的
士司機封花園道、封機場；呢班大佬封土瓜環、窩打老道！)，好似10/8
打緊風，佢哋都要塞住條路，有無攪錯！

係，你哋D工作係好辛苦，但辛苦唔止你哋，如果全港所有唔滿意人工
的人都走去封路，仲成世界嘅！唔該用D唔影响別人的方法去表達自己
的訴求。你唔夠錢洗唔關我事，唔係我得罪你，做乜塞住條路阻住我，
做乜塞住個地點站阻住我！

呢D行為算不算擾亂公安？

所以話呢類行為不單要阻止，仲要用鐵腕同嚴厲手段阻止。

原帖由 Wattyung 於 2007-8-11 23:01 發表
早幾日唔知乜事，有班師傅走晒出馬路抗議，初頭以為又有無良顧主唔
出糧，有汗出、無糧出！但連續幾天都見呢班大佬遊行、集會、瞓馬路，
原來係話要加薪+減工時。

大佬，香港地好多人都話加人工加得少，好多人都話工時長。咁點呀，
...

個日小弟都中晒招, 一出公司門口塞死晒, 我班"阿頭"仲慘, 之後應該係冇車上, 冇車落...
呢次真係不得民心, 就算佢地啱都唔會得到市民支持!

九七年後所一直積壓的社會問題。終於都爆發。
處理得唔好，真係暴動。

同埋明明呢d係僱主同僱員之間既糾紛,又唔知點解關政府事,
唔通其他行業想加人工又走去搵政府??

其實打工呢d就你情我願o架o者,唔滿意可以唔做...

原帖由 fm1234 於 2007-8-12 22:15 發表

同埋明明呢d係僱主同僱員之間既糾紛,又唔知點解關政府事,
唔通其他行業想加人工又走去搵政府??

其實打工呢d就你情我願o架o者,唔滿意可以唔做... ...

呢份工o既流動性唔係好高o番, 就算
佢地唔做, 根本搵唔到其他工種, 始終
佢地o既學歷唔係好高.

但係, 佢地咁出街法, 我覺得解決唔到
呢個問題囉, 最好就坐低慢慢傾掂佢,
傾到大家都滿意為止, 除非建築商反口
覆舌, 死都唔認數咁先諗下一步行動係
點.

由來$800加至$850, 加幅已經達6.25%, 相信香港無幾多勞動行業有咁好加幅. 如果
咁都唔滿意, 仲要利用妨礙公眾既行動去爭取, 相信只會失去市民支持.

其實香港建造業工人最大問題係唔夠工程, 而家私人樓已經起得少, 而好多重建工程
及政府基建工程又因為面對各式各樣既反對而一拖再拖唔能夠上馬, 呢個先至係問題
關鍵.

而家"商會價"雖然係$800一工, 但有位示威者都承認佢地俾人壓價嚴重, 有時壓至$500
一工都有. 如果市場上建造業工人仍然係供過於求的話, 即使商會價升至$2000一工都
好, 工人都最後一樣會俾人壓價, 咁你搞咁多野又點?

其實班工人反而應該要求"搞手"職工盟同埋佢既政治盟友作出明確承諾, 要求佢地下次
參予討論牽涉政府工程既議案時, 要以工人利益為優先, 如果唔好再用其他理由去反對
工程上馬. 如果佢地要反對工程的話, 應該向工人給予明確交代.

[ 本帖最後由 PB602 於 2007-8-12 22:32 編輯 ]

原帖由 letchan 於 2007.8.12 19:30 發表
九七年後所一直積壓的社會問題。終於都爆發。
處理得唔好，真係暴動。

97後在社會上的確有很多社會問題, 家父都講過:
呢d係一個計時炸彈, 隨時一觸即發. 如果政府不
能好好把問題解決的話, 後果可大可小.

原帖由 letchan 於 2007-8-12 19:30 發表
九七年後所一直積壓的社會問題。終於都爆發。
處理得唔好，真係暴動。

你係指僱主處理得唔好?例如唔加人工

其實最大問題係政府, 政府工程由小型維修到大型項目o既顧問費同建造費都係價低者得,
判頭接到Project又判落去, 一般十零萬o既維修工程都可以判三層, 大型項目真係無底深潭 ,
個價錢已經好低, 甚至蝕本, 仲要判落去, 過河又濕下腳,
判到落底, 眼見無錢賺, 唯有偷工減料, 壓低工人人工, 仲要拖你幾個月糧, 我問你會唔會出黎嘈??

紮鐵呢行唔係人人都做得黎, 除o左需要o既技術好講究之外,
仲要日日o係天面度紮鐵模比其他工人落水泥, 日灑雨淋,
你試下走上地盤天面就知環境有幾差, $800一日算平啦!