【強烈反對】九巴 3B 線取消非繁忙時間服務

1181174166 發表於 2026-4-20 09:36
咁28南行呢？
以上仲要係有地鐵之前整落

28 明顯係機隧出口問題
行得機利士北路就係最快速度離開下路東行直頭唔行下路

唔行天橋明顯就係同 13X 競爭問題

kay 發表於 2026-4-19 20:02
要重組都要睇邊PART浪費資源

或者咁諗，而家來回都行全條下路九龍內陸流水，唔包括過海同新界線，有 2E 3B 5C 5D 6C 6F 11K 12A 21 九條，當中又大概可以分為 2E 6C 6F、3B 5C 11K 21 兩組，同埋 5D 12A 兩條 outliers

呢度都幾明顯有共識 3B 6F 兩條都應該斬，之後輪到 21

以 2E 6C 6F 一組為例，6F 事實係同 2E 6C 攬炒緊；但 2E 太獨巿，小改避塞車都仲得，為左保 6F 而攬炒完 6C 再攬炒埋 2E 班獨巿客根本就係本末倒置同出賣緊最有需要乘客利益，根本就應該斬 6F 保 2E 絕大部分時間最疏廿分班，甚至部分時段上返 15 分一班

3B 5C 11K 21 一樣道理。我其實好同意隔離帖有版友所言，5C 6C 呢兩條再少客都唔應該再減班。呢類流水線開疏過 10 分一班就唔使旨意執到散客。因此任何改動都應該以保 5C 6C 班次為大前提，呢兩條線走線亦唔應該再有任何改動。想條條街有車以為好威保到服務，實際就自欺欺人，搞到攬炒大部分乘客付出代價係相當大

11K 對比起 3B 5C 21 比較獨巿，未去到 2E 咁獨巿但道理差唔多。問題係差在比起 3B 獨巿少少既 21 如果縮去浙江街調頭，足唔足以保到 5C 個別時段以外全部最疏 10 分班，定係要 21 斬埋先保到。呢個問題我暫時無明確答案

剩返 5D 12A 太 outlier 呢兩條係任何重組空間

所以最後九條變六條，主幹 5C 6C，必需品兼獨巿無可替代 2E 12A，再加太 niche 既半粒鐘一班 5D 11K，成個網絡精簡好多，最多再加半條 21，之後應該都無乜再重組空間了。上面有版友話咩 2E 11 合併、5D 8P 合併呢類，無成本效益可言，亦無需要做

調返轉呢個邏輯應該解釋到點解我先前提議 5 11 合併

今年 RPP 識得用 11 食 3B 去停止 3B 同 5C 攬炒，但之後就輪到 5 11 攬炒，即刻 defeat 左本來個 purpose。我到呢一刻依然認為 3B 係應該拎來換線，成本效益亦唔見得差過同 11 合併

石頭 發表於 2026-4-19 22:01
5D客量可能係高，但唔好忘記佢班次係疏，開緊25、30呢類，

紅磡村如果行出去搭12A，絕對唔算遠距離，只 ...

5D唔係做爛市嗰幾條，另外佢客量好啲係同5A比較，一齊開30有幾大班次分別？
仲有你似乎唔理解5D可以吸引過12A，喺紅磡邨點解會多客過其他線嘅位個位：5D唔使行大半個紅磡先出得返下路，直接紅磡道走快唔少。但你無可能叫12A跟5D改循環去殺5D，咁樣對行車時間影響太大。Keep住佢半個鐘一班問題不大，講緊12A即使長開15都係比5/6C少兩班嘅情況下，攞5D去補啱晒。唔係話5D唔可以攪，但無3B/6F/11K/21咁高順序。

chunwah1908 發表於 2026-4-19 22:35
我諗假如11D 或者7B 拉上去竹園,係會製造幾個平行時空。係我之前嘅回覆，假定咗7B 拉上紅磡站平台補位嘅 ...

由一開始我想用11D去食11K就係跟你第二種行法：樂富有一樣行法嘅7B嘅話，咁11D補返11K消失後嘅竹園東頭就應該嘅。

你自己嘅5C/28論點正正印證咗點解密車重要過平車喎師兄。啲流水客見車就上而無乜理過價錢，因為價錢而唔上5C要等另外三條嘅人有幾多？要返富山/彩雲而唔上5C就話啫，同埋兩蚊客都唔需要理價錢啦。
谷密大線去令到轉車嘅時間成本降低應該係大家所樂見嘅嘢，喺食晒幾條廢線之後嘅5C有權開返8/10。我理解其他區嘅經驗真係唔太好，但本身想攞嚟做主軸嗰三條線個底都頗硬。呢度唔係講緊幾條25/30併成一條15/20再被陰：係本身已經10-15嘅線食其他，有少少分別啦我自己咁睇。