[路線計劃/RPP]
【強烈反對】九巴 3B 線取消非繁忙時間服務
火...
[複製鏈接]
|
師兄，你嘅論點係一個前提下我係同意嘅，就係假如九龍市區路線(以及新界線市區分段睇齊) 本身無存在價錢嘅差異，甚至乎係可以免費互轉。所以我一開始就已經講，如果係成本問題，咁不如重新審視整個收費制度。
係呢個前設下，土瓜灣下路有5C/6C 做主幹線，加上5D/11K/12A/半條28/半條11X,15X,297，咁你話係唔係一定要加班係唔係主要幹線呢，就唔係。
但係當價錢牌係一個因素嘅時候，強迫平線乘客轉會接受貴一級嘅主幹線，既沒有其他甜頭，又唔係提升主幹線嘅速度同埋密度嘅時候，甚至見到嘅係呢啲所謂嘅主幹線先行減班。咁作為乘客，見到嘅就係，你叫我去坐主幹線，但係咁多年來呢啲所謂嘅主幹線根本唔值得我比貴啲。6F 同6C 就係活生生嘅例子，6F 減到不似人形嘅時候，6C 都調整幾次班次。去到今日，就係講埋俾你聽6F累死6C。嘩，今時今日開得X6C，6C係唔係真係單靠殺6F可以維持頻密班次。大家所講嘅主幹線，其實又係唔係真係咁穩陣呢。你話保住5C 6C ，而放棄堅持平價路線整合加班，係最符合乘客利益。但係我並唔完全認同，因為5C 6C 亦都唔係金身護體。
我陰謀論去講，6C下一步係再減車，去加強X6C 配合新醫院全面開幕，然後X6C再入多少少跑道區，再由相似路線6C抽車。只要令6C 跌落一格，12 > 15，X6C 30>20 ，之後呢個劇本就會變成，X6C 暗盤 20>15，X6C 開早5分鐘拖住6C 行。哎呀，唔小心搶埋6C啲客。咁之後X6C 取代 6C 成為青山道主力，唔意外，到時再減6C 15>20，咁就成功換位了。
上面有啲人講之後製造埋5/11 重疊，再取消11，拉2E/3C/203E/9補位呢啲，兩年後RPP出現我亦都唔覺得意外。然後拉埋5仔上慈雲山，陰乾埋5C 亦都唔出奇。5C 雖然價錢牌高，但係回車都慢一大截，坐5C去到上鄉道，可能28都準備埋淘大了。到時5延長路段加價，東行推遲分段收費區間，原本分段區間加雙分，又解決一個問題。5C 會唔會死呢，未必，但係會唔會成為20分鐘一班，或者5年後會唔會成為30分鐘一班，好似今日11K嘅處境呢，唔出奇。
假如密度係足以殺死平價路線，咁10年前嘅密度，甚至開11米白版嘅年代就應該已經殺得死。如果有心做轉車站嘅，九龍城轉車站應該3年前就可以吸引到大家轉投主幹線互相轉車。要轉車站做得成功，首先唔係Upgrade完第一程，再要補錢坐第二程，呢啲咁嘅招數。
既然平線去到今時今日都有佢嘅市場，其實會唔會諗下，點解呢。如果轉車做得吸引，屯門轉車站都成功製造新嘅客流量。
如果單純商業社會經濟原則去睇，其實真係唔應該開車添，之前有人講到平價流水線每班車無200個客都回唔到本嘅時侯，簡單去計即係每個鐘頭要有$1000收入，其實全香港可能有80%嘅路線都可以變繁忙時間服務。但係當公共交通服務係一個社會運作嘅服務嘅時候，當初收費架構嘅制度，就係為咗保障短途乘客嘅票價。本來呢一段短途服務就係呢個價錢，無論係用車，座位，行車速度都一樣嘅時候，甚至我要企位嘅時候，咁我點解要Upgrade。同樣地幾條平價路線都講到無前景嘅時候，做返好一條相對較難取消嘅平價11K，其實都好似乞求咁，正正係呢個服務態度，趕走咗幾多人，而呢班人本來就唔會講啲乜嘢，直接走咗去。
更加重要嘅係，九巴並唔會保證平價路線所謂削線減班之後，真係會維持頻密嘅「主幹線」，因為佢哋會再製造一條更加貴嘅流水線，去取代呢一條主幹線，直至佢個收費，啱啱好平過過海隧巴少少。
大大話話CD-rom 睇咗呢個版咁多年，見證過幾多人一見到減班加價就舉腳贊成，就好似大家都係載通股東咁。好似所有乘客就應該要行多幾步，成就貴價路線成為線皇，短途流水平線就係窒礙社會發展咁樣嘅論調。又或者亦都有人講得好明白，唔介意呢班唔肯Upgrade嘅乘客離開，唔介意佢哋被趕走。但係趕走咗第一程，其實可能係趕走咗佢哋整個通勤可能兩程車、三程車，甚至係來回車程，而唔單單係第一段車程。
但係咁多年嚟九巴玩嘅招數，大家有目共睹。先開條特別班再成條減走，有。先合併，再減班減到連原本班次都冇埋，有。聯合一齊開車，做低晒兩條嘅載客率，有。放大車型做低載客率嘅，有。所謂主幹線大家覺得要保住嘅5C 當年玩鬼車仍然歷歷在目。講真，大家嘅論點，唔係唔明，係唔相信咁樣換來嘅係可持續。
今日割幾條，明日割多幾條，而大家就話，而家唔割，將來割得仲慘。我就覺得，咁不如而家就爭取一條平價路線，起碼到時候疏但係平，而唔係又貴又疏。有幾多條線係由做得好地地，去到今日變成頹線，唔係本身路段無客，只係唔係九巴想做嘅客啫。
|
|
|
|
|
|
|
|
|
我講緊5C/28 嘅問題係，ETA 5C車程係慢過28 5分鐘，而5C 同28嘅班次密度相差5分鐘，而我估呢個班次密度相差，應該日後都唔會出現5C 比28 相差超過(密度多過5分鐘) 。
密度係一個吸引點，但係車程亦都好重要。同埋，5C 同 28 價錢牌無分別喎。
因為價錢而唔上5C要等另外三條嘅人有幾多？係唔多嘅，都真係唔多嘅。因為真係想快嘅人，更加多去咗坐小巴、地底、Uber、地鐵。願意等巴士，願意被Upgrade，但係願意走人嘅人，又有幾多。
如果我係趕時間嘅處境，係遲出門口嘅處境，我連5C都唔會等。
我好得閒咩，就會睇價錢牌。
對價錢唔敏感，要介乎係有啲攰唔想企唔想行，但係又逼住要出門口，又唔想坐的士，甚至天氣唔好，又或者當佢係的士，咁咪見車就上。
谷得密條大線，咁都還好，但係係唔係5C 會因為咁樣開返8/10，我完全唔樂觀。九巴見唔到企人，係今時今日2026嘅時空，係會繼續減班。
最後，多謝你開始捉得到我個Point，就係其他區嘅經驗並唔好。而九巴真係永遠都唔會令我失望，就係每次試下俾次機會佢，都係會令我後悔嘅。
|
|
|
|
|
|
|
|
|
chunwah1908 發表於 2026-4-20 15:29
我講緊5C/28 嘅問題係，ETA 5C車程係慢過28 5分鐘，而5C 同28嘅班次密度相差5分鐘，而我估呢個班次密度 ...
價錢牌問題真係冇辦法 $5.6/5.8事實上係冇可能做得住 如果班客接受唔到$6.7 即係証明巴士冇辦法喺呢個市場生存 咁3B/5C/11K/21只留一條開30甚至60當社會責任就算 |
|
|
|
|
|
|
|
|
所以而家先殺 3B
5C 已經貴過 3B/11K/21 所以有原因留低，並且做底呢炸線
|
|
|
.
|
|
|
|
|
|
其實問題係社會都變左
唔搭巴士既其實你都唔好諗有機會令佢回心轉意
屯馬都通左咁多年
比晒時間街坊選擇要巴士定鐵路
現在只是遲來的重組
本身應該一早要做
|
|
|
老屈型版友無好下場
|
|
|
|
|
|
天空之神 發表於 2026-4-20 17:49
所以而家先殺 3B
5C 已經貴過 3B/11K/21 所以有原因留低，並且做底呢炸線
嗰$1根本冇乜人在意 真正在意嘅人 九巴亦都冇辦法照顧佢哋 我甚至覺得保5C/6C已經發生得太遲 而家兩條線嘅班次已經好勉強
殺曬堆廢線之後當然主幹線都有機會減班 但九巴都知流水線班次大於一切 一日5C/6C仲有得做 一日都唔會做死佢哋 唔會亂咁減 上面話減到20甚至30實在太極端 5C/6C之所以可以成為主幹線 除咗價錢牌 仲有本身流水成份高 |
|
|
|
|
|
|
|
|
天空之神 發表於 2026-4-20 17:49
所以而家先殺 3B
5C 已經貴過 3B/11K/21 所以有原因留低，並且做底呢炸線
與其係價錢牌，不如話係有多水客做
|
|
|
|
|
|
|
|
|
你長篇大論其實都只不過係圍繞緊一個 point，就係 11K 因為係平線，應該畀乘客有選擇，所以唔應該開咁疏
但實情係 11K 只要留線開 30 分一班，已經畀到最多只想畀 $5.8 既乘客有選擇，唔係一定要加密班次乘客先有平車坐
價錢並唔係應該做低堆平線保貴線最主要實際理由，講到尾客流先係重點。5C 一單都多幾水客、成條線客量都係堆乜鬼 3B 11K 21 幾倍，隨時呢三條加埋都未必有 5C 客數。調返轉如果係平線多客而貴線少客，都係應該保平線做低貴線，因為貴線圍唔到皮，你再加班都改變唔到本身需求低呢個事實。11K 今時今日就算開 $6.7 甚至 $7.8 都只會係做緊而家個班次
實際亦早已有反例，條收緊 $5.6 既 27 一線幾水客，賺錢能力今時今日都好肯定仲高過 $6.7 既 5C 6C，同 27 平行果幾條 $6.7 甚至 $7.8 $9.0 線更加唔使講，貴線有幾條仲開緊 25-30 添。咁今時今日做低左 27 未？客底夠硬根本唔需要單價高都做得住
客根本無咁多，你強行加 11K 班係必然做低 5C 甚至條勉強仲圍到皮既 1 仔，到時又係咪輪到班客嘈話做低 1 仔迫客上貴價 1A？沒完沒了架喎。你以為畀乘客多一個選擇，實際根本係害緊大多數人而不自知
你問咩 5C 6C 係咪真係保到 10 分鐘一班都無意思，呢個論點好薄弱。如果 5C 都係要進一步跌落 12 分一班，11K 加到廿分班既平行時空 5C 應該要跌落 15-20；如果 6C 真係要因為 X6C 進一步減班，留 6F 時空入面 6C 就會隨時跌落 15-20，大多數 5C 6C 客就畀你害死
咁我同意如果改革巿區內陸收費架構長遠利大於弊，亦可以方便路線重組。但真係咁做既話，應該係會類似倫敦做法，一上車劃一價錢然後任轉，到時大機會係講緊短加長減，上車即刻收你 $7 甚至 $8，be careful what you wish for
|
|
|
fb.com/scientisthk2usa/
|
|
|
|
|
|
上路非過海線密車都係得返 17 26 兩條，但上路另一個問題係有幾條過海線分段爭食，下路頂多都係得 106
5 11 今時今日非繁班次都唔係好得過堆下路廢線幾多
3B 其實而家已經同一條平價兼唔入尖咀 5C 特別班無分別。3B 收檔前提下 5 食 11 成本效益未必差得過 5C 拆富山特別班食 5
|
|
|
fb.com/scientisthk2usa/
|
|
|
|
|
|
|
Advertisement
Advertisement
Advertisement
Advertisement
Advertisement
|
