智經倡 深港 共建國際頂級都會

南方都市報 :
深港共建國際頂級都會　

港府拉攏正面臨被廣東省邊緣化的經濟特區深圳，
以圖於2020年超英趕美成為世界第三大GDP城市，
香港社會各界反應正面而偏向冷淡，有研究指6成港人表示樂觀，3成人不樂觀及1成人反對。
對於此一關乎香港未來20年發展方向的大舉措，媒體討論不多。

港深兩地物流基建重疊，惡性競爭已非一朝半夕，香港海運早已走上死亡之途，
空運業雖如日中天，惟廣州白雲機場將有足夠條件取代香港中轉地位，
因此港深早日組成戰略伙伴，對港深經濟只有好相處:
一能更有力抗衡廣州以保自己飯碗，
二能保國際地位與知名道不被上海取代之餘更有力上升至三甲。

對於會否衝擊一國兩制、黑工、黃賭毒、治安等問題，則最為複雜惡搞，不贅。

深圳想發展金融, 但股票市場份額已經輸俾上海取代, 遲早要同人合併.

退番轉頭搞工業咩? 製造業不斷向廣東以外地區外移, 高科技工業又輸俾華東
(人地有成個中新合作蘇州科技工業園響度), 工業末落先兆已經出現.

物流發展好好? 當工業陸續撤出珠三角時, 又有幾多廣東貨源支持到深圳物流
業高速發展?

第三產業? 深圳既服務業一直靠香港支持, 其中黃色事業更擔當重要角色, 咁
既第三產業結構又點會係長遠之計?

根本深圳被邊緣化係遲早既事, 香港唔應該響呢個時候做深圳既救命草.

原帖由 053h4 於 2007-8-13 22:05 發表


"被廣東省邊緣化的經濟特區深圳"?
深圳為什麼不怕邊緣化? 就係樣樣自力更新同廣州鬥過
人地會等你無策略靠中央的香港合作

例子有人地識得用龍崗發展金融後勤中心, 將市中心外移整體發展

香港, 除了成日話人阻著 ...

規劃處早幾個月將整個觀塘工業區改劃為商貿地帶已經回應左閣下0既問題，
未來五年相等於數座國金二期的新落成商廈都會集中係東九龍，
還有舊機場幅地已經預留商業樓面。
不過用家死都要迫係中環，嫌灣仔 東區 九龍cheap，就唔到政府話事同干預。

香港已經係一個發達地區，食老本、將老本發揚光大唔係罪過，
不過政府對於如何替香港找尋新出路的而且確係無橋。
香港又無工業又無天然資源，物流業又開始北移，短期只能硬谷金融股票同鞏固第三產業的質量，
其他米田共橋 老董 諗過好多，但搞唔搞得起呢?
數碼港、科學園、廸士尼試0既試過、做緊0既做緊，
香港係依然前景尷尬，
莫非我們對自己個家要求過高?

深圳市長許宗衡不畏言:"單靠自己力量難以立足，期望與港組成夢幻組合"，
深圳沒有香港的國際地位、經貿脈絡，香港沒有深圳的人力與土地資源。
一個城市沒落唔出奇，兩個城市一齊香就難d，深港合作值得嘗試。

不支持者大概係怕劣幣驅逐良幣的情況會出現，
不過正所謂真金不怕洪爐火，除非香港根本唔係真金。

如果我去深圳唔使驚畀人搶劫，唔使驚畀乞丐扯衫尾，唔使驚遇到飛車黨，
如果香港北區仍然綠油油，如果東鐵唔會更迫......（如果一打）的話，我支持港深共同發展的長遠策略。

成份文件只係香港一廂情願的想法。

深圳特區不特就當然係事實，
但係我又唔見得點解只可以選擇跟香港合併為一個大區。

香港同深圳的共通點就無乜，
但係深圳就同佢附近的地方有大把共通點，
點解格硬要人地就香港?

香港的前途係做返好香港的本位，
再擴大佢唔係唔得，
不過唔係依家...

原帖由 Aboveday 於 2007-8-12 16:48 發表
南方都市報 :
深港共建國際頂級都會　

港府拉攏正面臨被廣東省邊緣化的經濟特區深圳，
以圖於2020年超英趕美成為世界第三大GDP城市，
香港社會各界反應正面而偏向冷淡，有研究指6成港人表示樂觀，3成人不樂觀及1成人反對。
...

早年 深圳 / 廣州向國務院申請轉為直轄市仲有冇下文??

原帖由 guia 於 2007-8-15 13:14 發表
早年 深圳 / 廣州向國務院申請轉為直轄市仲有冇下文??

件事就當然已經衰左，
話連深圳想擴大自己的範圍都得唔到國務院批准....