B線巴士編號問題

shakugan2005 發表於 2026-4-28 05:37
咁係因為城巴做b7先有九巴79k行幾步路依支歌仔唱姐，九巴做b1後睇下九既277下場係咩，仲唔用b線提升價錢？ ...

九巴做b1後睇下九既277下場係咩

你掉轉咗次序
277取消後直接替代係76K
277取消咗好多年之後，B1唧咗好耐牙膏先兩個方向全日停曬皇巴站
而且唔少時間皇崗係唔會上到車
雖然同阿媽，但九巴擺明唔願做皇崗接駁而乘客唔使轉皇巴兩上兩落比多十蚊，皇崗仲要成浸尿壓味，唔使逼班客自己都識揀
呢單明顯就唔關提升價錢事

ccchhhuuunnn 發表於 2026-4-28 17:14
1）舊路線呢個已經係最高priority，無深究79K係咪B線嘅空間
2）全世界大部份非步行或汽車通關，例如火車/ ...

79K北邊總站正式名稱叫做「打鼓嶺(松園下)」，無論九巴定係你點樣演繹佢都唔會係一條「邊境接駁」或任何稱呼上嘅類似物體。
同樣，W線去嘅叫做「高鐵西九龍站」，巴士亦無任何方法可以直接送乘客到口岸區域嘅門口。

高鐵西九龍站嘅安檢喺由西九龍站保安負責，正如機場安檢係由機場保安負責一樣，所以進入有關範圍就係屬於高鐵站、機場範圍，而唔係你所謂嘅「口岸」範圍，而通過安檢後先至可以前往你所講嘅「口岸」，事實證明「口岸」就係處於「西九龍站」內，而非獨立個體，更無可能繞過「西九龍站」直接進入「西九龍站口岸」，甚至個名都已經話咗你知「西九龍站口岸」而非「西九龍口岸」，所以外面任何交通工具都只可能送乘客去到「西九龍站」而非「口岸」。

要講法律，根據「全國人民代表大會常務委員會關於批准《內地與香港特別行政區關於在廣深港高鐵西九龍站設立口岸實施「一地兩檢」的合作安排》的決定」，入面嘅「口岸」的而且確係法律上稱為「口岸區」，所以唔使再話我老吹。

ccchhhuuunnn 發表於 2026-4-28 17:06
1）口岸即係管制站冇錯，但唔係旅檢大樓
2）口岸係中方用詞，管制站係港方用詞，有版友經常指「香園圍口 ...

請問「旅檢大樓」除咗可以做「口岸」、「管制站」仲可以做乜嘢？
就算港珠澳嘅「旅檢大樓」有得賣金巴車票，甚至有餐廳，都唔會改變到佢本身係「口岸」或「管制站」嘅性質，正如我前面都講過就算商場有公廁都唔會因而叫做公廁而忽視佢係商場嘅本質，同樣就算港珠澳大橋旅檢大樓有商業成份都唔會因此被稱為商場。

Man@MFHK 發表於 2026-4-28 20:51
請問「旅檢大樓」除咗可以做「口岸」、「管制站」仲可以做乜嘢？
就算港珠澳嘅「旅檢大樓」有得賣金巴車票 ...

咁咪即係建築物還建築物，口岸/管制站還口岸/管制站恭喜你終於明白呢個關係

建築物內組成嘅多樣性同比例唔會影響佢本身set同sub-set嘅關係

口岸佔旅檢大樓樓面面積99%甚至100%都仍然係set同sub-set嘅關係
入境處可以用曬100%入境事務大樓樓面面積，稅務局可以用曬100%稅務大樓樓面面積，但各自前後兩者都唔係互相替換
新皇崗旅檢大樓就正正就係地底多咗交通交匯處，口岸/管制站樓面面積佔比相信會明顯減少

雖然未公佈編號，但新皇崗新線仍舊係B字頭

結論係你又重複返同港珠澳同一個錯誤
港珠澳離邊界15km好遠，但一般人認知以致法定層面都冇人會走去劃界15km叫邊境 16km以上就唔係
性質(quantative)上明明一樣，你就夾硬用自己嘅方法量化(qualatiative) 去分界

ccchhhuuunnn 發表於 2026-4-28 21:17
咁咪即係建築物還建築物，口岸/管制站還口岸/管制站恭喜你終於明白呢個關係

建築物內組成嘅多樣性同比例 ...

旅檢大樓只可以做口岸/管制站，但口岸/管制站除咗可以放喺旅檢大樓，仲可以附屬喺其他跨境交通樞紐內，有幾難明？
難度旅檢大樓係建築物，獨立嘅口岸/管制站就唔係建築物？
根本旅檢大樓只係其中一種口岸/管制站嘅建築物形式，係你自己為咗拗贏我夾硬拆開佢嚟講。但無論你如何歪理都無法解釋到點樣可以繞過「西九龍站」直接進入「西九龍站口岸」嘅事實。

Man@MFHK 發表於 2026-4-28 20:44
79K北邊總站正式名稱叫做「打鼓嶺(松園下)」，無論九巴定係你點樣演繹佢都唔會係一條「邊境接駁」或任何稱 ...

79K北邊總站正式名稱叫做「打鼓嶺(松園下)」，無論九巴定係你點樣演繹佢都唔會係一條「邊境接駁」或任何稱呼上嘅類似物體。 同樣，W線去嘅叫做「高鐵西九龍站」，巴士亦無任何方法可以直接送乘客到口岸區域嘅門口。

「巴士亦無任何方法可以直接送乘客到口岸區域嘅門口。」

呢樣嘢現實係冇得清晰劃界，冇得清晰劃線就自然唔會係一個定義
淨係B1落車你都要經過港鐵東鐵綫落馬洲站大堂先到香港口岸，都已經解釋唔到
我問你要行超過幾遠先算係定唔係，經過乜嘢或唔經過乜嘢先叫係定唔係？你唔好又自己胡亂量化

高鐵西九龍站嘅安檢喺由西九龍站保安負責，正如機場安檢係由機場保安負責一樣，所以進入有關範圍就係屬於高鐵站、機場範圍，而唔係你所謂嘅「口岸」範圍，而通過安檢後先至可以前往你所講嘅「口岸」，事實證明「口岸」就係處於「西九龍站」內，而非獨立個體，更無可能繞過「西九龍站」直接進入「西九龍站口岸」，甚至個名都已經話咗你知「西九龍站口岸」而非「西九龍口岸」，所以外面任何交通工具都只可能送乘客去到「西九龍站」而非「口岸」。

1）非行人或汽車嘅飛機/火車/港口嘅跨境安檢習慣，上面已經詳細解釋咗，唔重複內容但重複結論
2）呢個唔係獨立個體與否嘅關係，係set同sub-set嘅關係。你識講高鐵站內有口岸，同埋旅檢大樓唔係用嚟做口岸/管制站仲用嚟做乜等，已經證明你係根本就知道
3）「西九龍」由香港以致中國都唔係獨特嘅專有名詞，極其量只係香港境內相關嘅好概括/大概範圍，更甚至只係西九龍中心嘅簡稱
「西九龍站」先係實際地址
呢個係純粹口岸命名，冇改變口岸特性，港珠澳其實叫「港珠澳大橋珠海公路口岸」
珠海公路 相對於 西九龍站
公路 相對於 站
而港珠澳，就係有B線

要講法律，根據「全國人民代表大會常務委員會關於批准《內地與香港特別行政區關於在廣深港高鐵西九龍站設立口岸實施「一地兩檢」的合作安排》的決定」，入面嘅「口岸」的而且確係法律上稱為「口岸區」，所以唔使再話我老吹。

咦？乜而家終於西九龍站終係口岸啦？先前唔係咁講嫁喎，樓下去圖（其實多到cap唔曬，只cap部份）
嗱，首先我就冇話佢冇口岸功能 或 唔係口岸區，而一開始就講個建築物裏面有香港口岸區同內地口岸區，呢個位你唔使亂屈
只係你一開始堅持西九龍 係口岸區或口岸功能 唔係 口岸
你揾得返source修正返你講嘅嘢，從而align返我一直講嘅嘢，我冇補充

ccchhhuuunnn 發表於 2026-4-28 21:45
「巴士亦無任何方法可以直接送乘客到口岸區域嘅門口。」

呢樣嘢現實係冇得清晰劃界，冇得清晰劃線就自然 ...

原則上由落馬洲支線公共運輸交匯處進入嘅位置已經係入境處出境大堂，並非車站範圍。
而且，任何人都無需購票已經可以直接進入出入境大堂，請問西九龍站唔購買高鐵車票又點樣去到口岸區？

旅檢大樓只係你自己故意拆開嚟講，事實上佢都係口岸嘅一種，至少喺香港嚟講，港珠澳大橋旅檢大樓就係口岸。
我都恭喜你知道「西九龍站」係實際地址，咁「西九龍站口岸」地址係咪「西九龍站」？
我都知道「落馬洲站支線管制站」地址係「落馬洲站」，但上面已經解釋咗，公眾無需進入車站範圍都可以直接進入管制站範圍，所以佢都符合B線大原則。

法律寫明嗰度叫「口岸區」你都仲要堅持整個西九龍站都係「口岸」？