B2雜談

今日坐B2, 聽到車上兩位嶼巴職工吹水, 內容如下

1) B2曾收到兩個投訴, 話司機飛站, 但司機話該乘客沒有按鐘.....
2) 這兩位嶼巴職工話天慈站係重災區, 因為過左天慈站後一直到鳳池村先有站,
而且天慈唔係大站, 並不是時時都有客落車, 所以如果乘客沒有按鐘而過站後先話想落車就好麻煩
3) 我搭那班B2, 到天慈站時並沒有人按鐘, 但司機也埋站停車, 然後問有冇人落車, 結果有兩位女士施施然落車....
4) 兩位嶼巴職工都話, 如果有報站的話可減少「飛站」的情況, 但係一來唔係架架車都有報站機, 就算有報站都只係出welcome, 而有位老伯就向司機投訴, 話報站只出英文, 佢唔識睇......
5) 佢地又話自由行旅客問路時, 主要問三個地方點去, 就係中銀, 恒生, 萬寧........
6) 跟住又話B2成日都收到人民幣, 其中一位職工仲話NR902都收到人民幣.......

歡迎討論

收人民幣都不錯呀！嶼巴可以賺差價呀！ （反正現在人民幣還高過港幣！）

NR902 收到人民幣都唔出奇 ar,
上水火車站 ar ma
B2 仲慘, 我諗有人在內地消費後仲有人民幣零錢,
於是投入 B2 既錢廂

佢地唔係嶼巴職工, 應該係冠忠職工, 因為 B2 係冠忠派人去渣車

[ 本帖最後由 LRT1027 於 2007-8-19 02:15 編輯 ]

所謂既飛站問題必定會有既!
好多路線都有同一問題!
好多客以為果個站一定會有人落車就唔按鐘......
相信新巴701一定為最佳例子，所以南昌站已經成為必停車站之一。

點解d 人可以咁冇責任感，連基本落車要做既野都唔做......
以為自己搭緊地鐵呀?

得罪講句。大西北既老友，尤其係唔係好識粵語正音既老友。
好多都唔識入鄉隨俗，以為自已仲0係原本果度。
最緊要就係經常大聲夾惡。天北是重災區。

原帖由 Chi_Hang 於 2007-8-19 02:00 發表
收人民幣都不錯呀！嶼巴可以賺差價呀！ （反正現在人民幣還高過港幣！）

最慘假人民幣愈整愈多 , 巴士公司未必一定賺到

原帖由 letchan 於 2007-8-19 11:21 發表
得罪講句。大西北既老友，尤其係唔係好識粵語正音既老友。
好多都唔識入鄉隨俗，以為自已仲0係原本果度。
最緊要就係經常大聲夾惡。天北是重災區。 ...

巴士公司收到投訴之後唔去"教育"呢D人落車要打鐘, 反而Order司機將個
站做必停站, 咁做根本係縱壞晒呢D人.

其實呢類人將自己鄉下個套搬黎香港, 只有用中巴個套去對付佢. 唔打鐘咪
駛旨意落車, 你聲大夾惡時司機仲惡過你.

個陣ｄ人就話巴士佬好惡
而家相反..客就惡過咩...你出聲就聽俾人port
我都覺得中巴個套幾好~其實係1997之前間間巴士公司都係咁上下
就唔怕你port...最怕你唔打鐘..唔打就唔駛旨意落!!
教育一下大西北既外地口音香港人..
有時搭車都火滾..隊都未識排..一團人咁湧去上車門
落車門走上車都見過..真係唔識睇字
搭輕鐵都係一樣..又係個一團人擺係門口...唔俾你出...
日日係天水圍番學真係火都黎

無可否認, 香港係有一群唔遵守香港既有生活規則既劣等公民. 社會有種聲音
猛叫其他人"接納"佢地同埋"包容"佢地, 而佢地又郁不郁就話你地歧視, 但就從
無諗過點解佢地會俾人歧視.

對於劣質缺德行為, 我認為絕對唔可以容忍, 一定要迫佢地按照番香港既有既
社會規則做事. 上車唔排隊一定要"教育"(包括鬧, 如果可以罰錢就更好), 落車
唔打鐘就唔好落.

只係一味"接納"的話, 香港遲早響呢方面就真係要同深圳融合啦.

我地呢 o的親愛既同胞，成日以為人民幣大晒咁，真係夠膽一蚊港幣都唔換就黎香港消費。唔淨止 B2 呢類邊境線，行過東鐵車站見到唔少呢類人，人地話唔收人仔又唔多 like 咁款。

喂喂，而家香港一國兩制呀，換返小小港紙先黎啦唔該 ....