今日終於投訴左個碌車王

上次有篇文，有板友提議用短片形式寄去九巴證明司機碌車，我原來覺得作用唔大，所以冇做。但呢排朝朝返工都搭中呢個司機，一日比一日碌，今朝仲令成車人怨聲載道，尋日起同今日我都再唔死忍，坐上層車頭拍低左佢既駕駛情況。

我只係朝早要7:30去到坑口搭298E，我已經7:00就在康盛等緊車，架車要到7:15先至來到，尋日係KJ5273，今日係KD2786，都係同一個司機，幾日前朝朝都要搭佢車，已經發覺係等左超耐，跟住連埋後車一齊到。我上緊車果陣，後車已經離遠落客兼爬左頭，呢個司機仲要上完人後慢慢sir落去冇乜畀油，落到欣景路後仲要慢駛兼等紅燈，有時又因為慢速搞到趕唔切跟住衝黃燈，基本上完全係因為佢故意玩野慢速玩野先會搞到咁多呢d「驚險情況」。最後要成7:28先到坑口，明顯慢過平時都算幾多。今朝唔止我，連埋其他人都一齊話等左好耐車，上到車都聽倒d人話個司機唔識渣車，仲一齊開始留意到係朝朝都同一個司機。

我投訴左，但九記又老例話要十個工作天，十個工作天後呢個司機又唔知碌左去邊，我問佢需唔需要我呢兩段短片，佢話遲d可能要求我提供。到底九記係咪真係會做野？？

仲有樣野投訴時我都講埋，就係佢已經唔係第一次冇較$4.2分段，我今朝上車時已經有特別留意，果然仲係$4.9。渣到咁碌，都冇乜壓力啦，仲要冇較分段，完全覺得佢係冇心機做呢份工...  佢編號係7頭，都唔係6叔啦，同新入職無關，而係佢態度有問題...

[ 本帖最後由 4056 於 2007-8-22 00:22 編輯 ]

原帖由 4056 於 2007-8-22 00:19 發表
原文略

愚問樓主:您port緊乜線?!

小弟睇完再睇,都唔知樓主port緊邊條線

$4.9轉分段$4.2，應該係98A掛？

(不過貼文多數都要人估，咁搞法遲早自己貼文只有俾自己睇。)

原帖由 HY671 於 2007-8-22 00:41 發表
$4.9轉分段$4.2，應該係98A掛？

(不過貼文多數都要人估，咁搞法遲早自己貼文只有俾自己睇。)

一時忘記左講    的而且確係98A
某陳姓，名字只有一字司機~
話時話，九記又老例話需時十個工作天，即係我聽朝都要捱佢車
除非我6點10就出門口啦...但我只需要7點半到達坑口   唉~

[ 本帖最後由 4056 於 2007-8-22 00:44 編輯 ]

唔開新thread講了.

上星期四八點幾在欣盛苑搭277X返觀塘,
個天雖然落緊好大雨,
但駕駛該部3AV的司機絕對可以視為碌車.
架車停完牽晴間冇幾耐,
在稍前的燈口遇到另一架去觀塘的70X,
之後我坐果部3AV就係咁碌,
我望住沿途車速限制路牌都係100,
但架車的速度我諗一半都冇.
後來俾幾部常速的278X放到冇晒影.
咁仲不特止,
我坐果部車去到廣福對開,
竟然俾之前架70X追番上來.
人地兜埋大窩西,
咁都追得番,
可想而知架277X有幾碌.
當然又俾架70X放到冇晒影.
總之一路上都係超慢.
結果成45分鐘先到觀塘油站.
從來華明去觀塘25-30分鐘攪掂,
即使加埋落雨因素,
我都唔信要慢多3個字先到.

原帖由 4056 於 2007-8-22 00:43 發表


一時忘記左講    的而且確係98A
某陳姓，名字只有一字司機~
話時話，九記又老例話需時十個工作天，即係我聽朝都要捱佢車
除非我6點10就出門口啦...但我只需要7點半到達坑口   唉~ ...

98A有陳X的車長咩？98A應是沒有陳X的車長的。

原帖由 KE7782 於 2007-8-22 14:17 發表


98A有陳X的車長咩？98A應是沒有陳X的車長的。

我朝朝都係搭佢碌車  所以先咁記得佢
包括今朝都係   

除非佢根本冇插自己張名牌
今朝依舊碌   但奇蹟地早左5分鐘到   但係始終碌車情況一如概往...   尋日怨聲載道既乘客唔見晒   就我所見，有d平時遲過7:10到既公公婆婆，同埋我一個女同事，都冇預到佢突然「早到」，搭唔倒佢架車，另外有幾個平時搭開98A既地盤工人都改左搭小巴，放棄左$3.5既優惠(假如佢地同平時一樣係轉298E返工既話)...

好明顯呢個陳x車長已經嚇怕左d乘客

[ 本帖最後由 4056 於 2007-8-22 23:49 編輯 ]