頂更女車長玩殘逾百客

呢篇唔應該叫頂更女車長玩殘逾百客...
應該叫乘客/派更部玩殘女車長

原帖由 hauhim 於 2007-8-24 15:12 發表
呢篇唔應該叫頂更女車長玩殘逾百客...
應該叫乘客/派更部玩殘女車長

如果咁既標題 段新聞就冇晒價值
玩殘逾百客 令人感覺同自己有關

o個度入錯線都仲有兩個出口架喎

原帖由 小希 於 2007-8-23 02:28 發表

派更 有錯.,
師姐 都唔係 啱哂...

知自己未操熟條線就應該要出聲丫...

講到尾..個師姐只可以講句.,唔好彩...
操唔夠.,派更錯.,客仔指錯路.,遇正衰人攪大件事., ...

唔好彩? 你估佢係新人咩? 做左咁多年無理由對公司運作完全唔熟悉, 如果真係自己未操熟又唔出聲, 衰左可以怨邊個? 如果佢出左聲派更部都仲係要佢去馬, 咁就要自己執生. 可以同富亨站長, 前後車夾/問路. 再唔係叫前車碌慢d帶住或者自己碌慢d, 等埋後面車由後面車帶路. 二七一唔係 d 二卅分架o既線, 好快就追到/被追到啦. 沿路又有路牌指示, 跟住九龍路牌點都唔會去左荃灣啦!!

咁係咪仲係叫唔好彩?

九巴熱線中心究竟係咪可以自己直接call稽查幫手? 定係要有咩程序?
個稽查究竟係駐守城隧定係臨時趕去?
如果李生沿途向熱線員報告行車路線, 係咪真係要拖到城隧先搵到稽查?
其實熱線員都可以教個客叫師姐停車先喎, 唔知有無咁做呢?

我個人絕對唔會幫 e 位女車長
先唔好話派更果時佢有冇出聲
11/8 14:30 先掛 8 號波
我絕對唔相信 1 點半先開始操車囉
我當 10 點開始操車 , 1 點半先到個女車長上陣
咁當其他師兄師姐上緊陣果時 , 佢做緊乜野 ? 食飯 ? 吹水 ? 煲電話粥 ? 發夢 ? 定揾周公 ?
佢唔係應該坐喺部車上面一齊留心學 ?
真係有留心學嘅又點會完全唔識 ?