新型號巴士投入服務 有巴士迷過度興奮 有人更做出異常行為

好彩塊牌真係壞左o者,唔係恐怕果部AD會搞到堅尼地城出現往浪翠園o既234A,

上次AVBW1個carlo唔識搞佢比佢搞就出現左愛秩序灣往浪翠園o既234A

所以我而家唔會頭幾日去影新車

原帖由 hr1918 於 2007-8-24 09:21 發表
所以我而家唔會頭幾日去影新車

咪係！部車有排都有得行，等遲D再影都未遲！

單從樓主既相片，好明顯係「新屎坑三日香」既景象，致於坐車高談闊論
有時興奮起黎起哄下，都唔係乜野咁大件事姐。樓主自己一個人靜靜地，
唔通要全車人粒聲唔出？

我唔係鼓勵人做過激行為，但影幾張有人圍住部車、跑黎跑去既相貼出黎
「品評」一翻，但點睇都唔係d乜野過激行為，又好值得鼓勵？

論瘋狂，點都唔夠變色先進果次啦...

註：本人沒有相片中出現，當時亦不在場！

[ 本帖最後由 HY671 於 2007-8-24 09:46 編輯 ]

原帖由 tomyipkm 於 2007~8~24 09:36 AM 發表

咪係！部車有排都有得行，等遲D再影都未遲！

新車呢家野我都無興趣咁快影喇...
部車又唔係咁快退，
等個熱潮過咗慢慢去影都未遲啦~~

原帖由 dennislokawai 於 2007-8-24 09:40 發表
新車呢家野我都無興趣咁快影喇...
部車又唔係咁快退，
等個熱潮過咗慢慢去影都未遲啦~~

我就會等熱潮過後才去試坐，起碼可以減少被攝入鏡頭之風險。
(講開又講，不知道ASU2的近況如何？)

原帖由 3AD170 於 2007-8-24 09:52 發表

我就會等熱潮過後才去試坐，起碼可以減少被攝入鏡頭之風險。
(講開又講，不知道ASU2的近況如何？)

攝入鏡頭又如何？會見光死嗎？點解唔學另一位板友大大方方俾人影？

琴日有好多坐車頭或窗邊的人，為左避鏡頭，見到有相機
(不論係行家或遊客) 就成個人匿入凳底，為其他乘客所側目....
部分人更係架車走左之後就起返身爆粗或者舉手指鬧影相的行家，
亦有人反拍攝車外行家。

其實架車第一日行就預左俾人影啦.... 又唔想俾人影，又要坐車頭，
結果好似俾人捉姦咁匿埋都夠晒可憐。唔想上鏡側側地頭咪得囉....
不過最討厭就係點解要鬧影相的行家呢？你坐果架唔通係皇帝專車？
唔俾人影架？某 d 人仲鬧影相者為「巴敗」，偏偏佢地就唔知道
真正的巴敗係邊度！

仲有，琴日有非乘客話想上車影內籠，但因早更師傅要收工而被拒，
結果師傅立即遭到惡言相向！唉，無言！

現時巴迷好無聊外，成日做d叫司機現電牌又阻住人地影相。我唔明白D人成日追新車多追舊車

我留番時間影下熱狗和AL好過。到時熱狗退曬役後去補飛就後悔。

原帖由 HY671 於 2007-8-24 09:39 發表
單從樓主既相片，好明顯係「新屎坑三日香」既景象，致於坐車高談闊論
有時興奮起黎起哄下，都唔係乜野咁大件事姐。樓主自己一個人靜靜地，
唔通要全車人粒聲唔出？

我唔係鼓勵人做過激行為，但影幾張有人圍住部車、跑黎跑去既相 ...

話就唔係咁講喇,如果普通乘客呢 ?其實係車度大大聲講電話,開大個喇叭玩PSP/NDS,幾個師奶圍埋大聲講大聲笑成車都聽到佢講咩,其實都無犯法架,差人會拉咩?不過事實係令人好煩厭囉.可能人地諗住搭程車,唔知好彩定唔好彩上左部原來係新車,本身可能想靜靜地坐程車,就算唔係想靜靜地,我諗間中響下電話講下電話講幾句都好正常,但我諗無人會預有人響車度大聲起哄嘈住晒卦?你估巴士迷會遊車河咩 影車還影車,鍾意巴士還鍾意,上車坐就係乘客身份,唔係巴士迷就有特權卦
我都唔響現場,不過類似情景確實領教唔少,真係諗起都都怕怕

[ 本帖最後由 hr1918 於 2007-8-24 11:46 編輯 ]