港鐵想把市區預辦登機服務取消

講起幾反直覺——正因為鐵路網擴張，讓市民出行習慣改變，令機鐵從開線時嘅“天之驕子”隕落。
其中九龍和香港兩站皆位於鬧市邊陲，如今多條機鐵站接駁巴士全部停辦，此後都很少有人專登坐車入兩個站轉機鐵。
更不幸的是，機鐵恰恰跟香港兩大新興口岸：高鐵站和港珠澳，都是“這麼近那麼遠”，做唔起呢兩個位嘅潛在新客。
既然使用機鐵入機場的需求下降，市區預辦登機服務嘅需求自然都唔會高。

而家機鐵出客，似乎主要靠從機場單向入城（無地鐵閘呃到下人），以及AWE擺展出入場。
講起AWE，以前小弟就建議過，拉機鐵入會展站，轉型做香港兩大會展嘅聯絡線——
真係見過有展會用曬灣仔和AWE兩個場，同埋機鐵本身就好啱呢種business class嘅scenery。
當然要睇港鐵係咪打算永久擱置NIL，先至有機會俾機鐵入會展站嗰對預留月台。

至於未來機鐵嘅用車，最近發現以下呢款CJ4 https://www.china-emu.cn/Trains/Model/detail-40031-303-F.html
重點：兼容城市軌道交通A型車界限，換句話說就係跟機鐵/TCL列車個堆spec係compatible

hellomato 發表於 2026-8-6 22:38
講起幾反直覺——正因為鐵路網擴張，讓市民出行習慣改變，令機鐵從開線時嘅“天之驕子”隕落。
其中九龍和 ...

         CJ4都老車喇，咸豐年噉耐出產嘅嘢。係用都用返啲新傢伙㗎，宜家中車四方『包含旗下中車廣東等主機廠』整嘅市域車基本上用Cinova嗰隻殼喇！反正《香港鐵路標準》已經將東鐵、屯馬、東涌、機鐵啲車歸入市域A型大類入邊喇，理論上東涌、機鐵新車車體應該係用成都嗰款Cinova140，只係內籠設計、車頭設計、車門佈置由0066負責，睇到時試車綫幾時有MTR車就知咯

Ming@5119 發表於 2026-7-31 21:54
其實你有冇真係用過ITCI同埋去過T2？

以國泰為例，疫後ITCI長期只係派一兩個人喺度輔助你用自助機

可以話你知, 唔駛登記任何野, 唔駛download其他apps, 去機場前先用本身航空公司既apps online checkin, 係T2已經係可以全自助無人手寄行李同埋入閘

做一個市民就係要求咁簡單, 而後枱做D咩, 市民係唔會理!
市民只係求方便, 搭機場快綫唔方便? 行李要自己枱黎枱去? 又唔比搭電梯, 等𨋢耐過等車? 一傳十, 十傳百, 自然無人搭/搭Urban Taxi仲平仲化算

hellomato 發表於 2026-8-6 22:38
講起幾反直覺——正因為鐵路網擴張，讓市民出行習慣改變，令機鐵從開線時嘅“天之驕子”隕落。
其中九龍和 ...

講真, 機鐵既設計跟本唔係預你由本地綫轉過去, 你睇下青衣九龍香港站, 要由地鐵系統過去機鐵系統, 條路係有幾難行! 仲未計有行李!

反而設計上, 最方便就係由路面車轉過去, 所以當年先有免費巴士直接同層轉, 市區預辦登機又係路面落車一條平路行過去.


一項又一項天生既優點港鐵cut得幾多得幾多, 讓市民出行習慣改變(即係搭機鐵又貴又煩), 結果客量一去不返

不過機鐵就好似東京NEX咁, 個個都話佢NEX又貴又慢, 但始終都有人搭

HU6455 發表於 2026-8-8 19:34
可以話你知, 唔駛登記任何野, 唔駛download其他apps, 去機場前先用本身航空公司既apps online checkin, 係 ...

前文已經回應咗你T2 (同以前T1)嘅check-in counter都唔會係100%全自助化
你嘅成功經歷唔會掩蓋check-in呢件事喺好多情況下都要人手處理嘅事實
在此不贅
要maintain ITCI唔只係要派人落去咁簡單，就算你唔請人喺ITCI counter、全自助、所有奇難雜症唔俾寄行李，背後成套系統都係要大家供養
你唔係真係諗住後面一個人都冇，啲行李就識得上櫃上車呀去機場呀？
---

你由一開始講收到風會cut ITCI，而家又話「搭機場快綫唔方便」乜乜乜
其實成條機場快綫都係冇賺過錢，係拖累港鐵整體嘅業務，根本就應該執咗佢

HU6455 發表於 2026-8-8 19:55
講真, 機鐵既設計跟本唔係預你由本地綫轉過去, 你睇下青衣九龍香港站, 要由地鐵系統過去機鐵系統, 條路係 ...

會唔會係，30多年前機鐵既設計，冇預計到時代會變成咁呢，冇預計到而家搭飛機咁方便，冇預計有smart phone、app online check in、自助寄行李、順豐送行李，廉航等。

當年研究報告有講過機鐵係「機場既延伸」，預計D人嫌「嫌新機場遠」，送機送到機鐵站就當送到機場等。而且以前搭飛機係比較麻煩、亦多為有錢商務客，所以整個機鐵都好似為有錢商務客而設，車站只係CBD(九龍站當年唔知想點仲有搶走九鐵九龍站命名，九鐵同中國鐵路又唔出聲果下奇怪)，的士直接到月台、有in town check in、免費巴士只往高級酒店、設定超離地票價等。但今時今日全世界無論有錢定窮都可以搭飛機，亦唔一定住高級酒店，加上科技進步，機場快線呢一系列設計性價比已經比以前低吧？

不過個人到而家都唔明，「機鐵既設計跟本唔係預你由本地綫轉過去」，「由地鐵轉機鐵好似荼餐廳咁有咁煩得咁煩」GE設計，用意何在？係咪唔想咁多人搭，好讓商務客比100蚊有位坐，(如果係咁應該飛走青衣站呢個非CBD站)，環顧全世界都冇呢種「機場線轉本地線咁難」既設計

應該機場鐵路在欣澳站停站，讓地鐵乘客在欣澳站入閘機場鐵路入機場，收費是港鐵各站到欣澳站的標準車費+欣澳站到機場站的標準車費。例如欣澳入機場收40元，另加十幾元到欣澳站的車費，只是比A車稍貴，但車程上及班次密度及方便程度會非常具競爭力 相比起機場巴士同而家。
另外我第二度建議過搬機場鐵路，如果起洪港鐵路 就將機場鐵路搬入去，因為洪水橋至港島由機場鐵路所佔的等效班次是欣澳站的一半，就是往機場的班次梅花間竹地從洪水橋及港島開出從欣澳站轉往機場，就是當有一班從港島北上轉出欣澳站入機場就有一班從機場出發從欣澳站轉入北上洪水橋，南下如此類推。例如每小時4班分別從洪水橋及港島開出往機場等於欣澳站每小時有8班往機場。青馬大橋會由東涌線獨占，可以大幅增加班次應付東涌發展人口增長。而現在九龍西的機場鐵路獨佔路軌可以ff被其他新鐵路重用。
另外就是如果行洪港鐵路 從香港島出發到欣澳的距離會比現在行九龍西路軌更短更快。（有人話實際差別很小）
我在第二度講過，都有人講過班次會很複雜 影響效率，另外是欣澳站以西有部分路段機場鐵路無獨佔路軌，所以行不通。

HU6455 發表於 2026-8-8 19:55
講真, 機鐵既設計跟本唔係預你由本地綫轉過去, 你睇下青衣九龍香港站, 要由地鐵系統過去機鐵系統, 條路係 ...

所以係draw到個conclusion：港鐵cut機鐵接駁巴=廢咗半條機鐵。
因為機鐵開線之初，最大客源就係：從酒店用接駁巴點到點送入機鐵站嘅旅客；也同時就係呢批客有最大intention去用市區預辦登機。
反觀鐵轉鐵班客：喼從任何車站入閘就已經一直跟身，轉到機鐵都係鐵，不如拖喼直踩入機場，機鐵站預辦登機反而顯得多餘。
不過睇到新聞話，準備開往返西九龍高鐵站和九龍站嘅無人駕駛專車shuttle，方便高鐵客轉去九龍站入機場上飛機。因為有呢條線（就係做返以前機鐵接駁巴個位），九龍站嘅預辦登機似乎有得留低------咦？咁講落去，似乎香港站都可以用同樣方法延伸服務，例如開線去會展接客。

咁不如學桃園捷運，直接取消機場快綫，叫機場綫，一嚟由小蠔灣站至香港站可以變成三分鐘一班，二嚟IFC Mall，Elements同青衣城便可以增大商場面積，三嚟普通卡更可以放多好多客

不過收費要跟東涌站一樣

tomtom2015 發表於 2026-8-9 13:28
會唔會係，30多年前機鐵既設計，冇預計到時代會變成咁呢，冇預計到而家搭飛機咁方便，冇預計有smart phon ...

因為當時地鐵九龍站有免費車到九鐵紅磡站

依家坐完高鐵要自己行

所以不如直接取消，全部行東涌線，高鐵客咪柯士甸->南昌->機場