一啖飯值幾錢？

話說機某商場為響應「少飯平$1日」行動，由 9 月起，每月的第 1 個星期三惠顧有關的參與食肆，只要在點菜時講一句「少飯，唔該!」，該款食物的白飯份量便會減少 1/3 ，而顧客亦會獲得扣減 HK$1.00 的優惠。

下載新聞稿

向來亂諗o野 ( 愛思考 ) o既我，第一時間諗到o既就係：

1. 嘩！一碟飯，少o左 1/3 ，都只係收平 HK$1.00 ，咁即係 1/3 碟齋白飯 = HK$1.00 啦；

2. 承上題，如果 1/3 碟齋白飯 = HK$1.00 呢個論點成立，即係一碟齋白飯 = HK$3.00 啦；

3. 嘩！當 HK$3.00 都買唔到一個麵包時，原來已經可以買到一碟齋白飯！

4. 在商場 ( 如推行呢個行動o既商場或同等 level 商場 ) 食一碟有菜有肉o既飯o既價錢都要廿幾三十蚊，扣除齋白飯成本 ( HK$3.00 )，原來菜同肉都幾貴o下！

5. 承上題，在上述商場，我可否俾 HK$3.00 就可以得到 1 碟齋白飯？

6. 如果我要「多飯」，依家好多食店都係唔駛加錢，遲o的咪要俾錢先至可以加飯？

7. 承上題，如果真係要「加飯加錢」，是否我只需俾多 HK$1.00 就可以多 1/3 碟齋白飯？

8. 呢個行動可否推行至全港家庭？食少 1/3 碟齋白飯，俾少 HK$1.00 屋企家用？


歡迎大家一齊o黎「通識腦震盪」！

少飯平一蚊，好明顯一蚊同少左既飯既份量係無關。

個活動背後既意念係要大家節省食物為大前題，而唔係為慳錢。

平一蚊目的只係for唔好waste食物
所以save到嘅錢=/=實際少咗嘅份量

原帖由 ChickenTong 於 2007-8-28 21:41 發表
呢個唔係一啖飯值幾錢既問題..
係你明知食唔哂果時可以少飯,
你有一蚊賺既時候,鋪頭又可以慳唔少飯,
積少成多,又唔駛浪費食物,對環境都好d..
而且推動到環保...

咁又何必咁計較? ...

要推動環保, 為何不可叫飯時就已經俾少三份一飯給顧客, 而且直接減價
到食客需要加飯時才免費給多些飯呢?
這樣更能減少浪費啦

我又諗到其他問題:

顧客要求少飯之前, 會唔會知道原本飯的份量係幾多?
假如本來係剛剛夠食, 但到頭來叫左少飯反而食唔飽, 咁又點算?

另外, 係咪暗示參與是次活動的食肆平時會浪費大量食物?

(份新聞稿始終冇提到邊間食肆有參與活動)

原帖由 bustop 於 2007-8-28 22:31 發表
我又諗到其他問題:

顧客要求少飯之前, 會唔會知道原本飯的份量係幾多?
假如本來係剛剛夠食, 但到頭來叫左少飯反而食唔飽, 咁又點算?

另外, 係咪暗示參與是次活動的食肆平時會浪費大量食物?

(份新聞稿始終冇提到邊 ...

其實出開街食飯嘅都知道大概份量ga la...

小弟之前睇新聞好似聽到有某商場旗下食肆都會參加

原帖由 JX9097 於 2007-8-29 08:55 發表

其實出開街食飯嘅都知道大概份量ga la...

小弟之前睇新聞好似聽到有某商場旗下食肆都會參加

呢ｄ貼左出黎等於冇講過既野貼黎有乜用？慳返ｄ力水用黎係其他
板回多幾篇文仲好啦。

樓主實在太誇張啦…
少飯平一蚊同超市唔要膠袋平一毫咪一樣道理…
況且超市響「無膠袋日」要膠袋就每個５毫，
咪又係唔岩比例……

反而有ｄ擔心加飯要加一蚊……