抓緊暑假尾巴，八月尾飛咗轉 ZRH。今次幫襯 BA 唔係貪佢服務特別好（其實歐洲乜公司都咁上下，不過我其實對 BA 冇乜投訴），而係透過 BA Holidays book 機票+酒店 package，除咗貪佢儲多啲分之外，亦一啲都唔貴。連埋來回機票同四晚酒店（間酒店仲係 CX, SQ, EK crew 嘅指定酒店，熟悉嘅版友可能已經知邊間）每人都只係港幣 5000 蚊左右，以暑假去瑞士來講簡直係驚喜價（貴嘅係落到地之後嘅消費，在此略過）
今次同一家大細一齊玩，所以唔係影得好多相，多多包涵
Lucerne 有個 Swiss Transport Museum，入面保存咗一架 DC3，同埋一架比較罕見嘅 Convair Coronado
兩架都可以入去睇，呢個係 Coronado 嘅客倉，可見大部分傢俬都得到保留
呢度係 Mt Titlis 影出去。今年夏天真係太熱，呢堆山理論上係全年積雪嘅，得返咁
2. ZRH - LCY (Club Europe)
話咁快就返歸。ZRH 非 Schengen 嘅閘口分布 D 同 E gates，但兩邊相距都幾遠下。到達機場嘅時候仲未知會用邊邊閘（兩邊都會用）。於是就喺 D 閘嗰邊等住先（E 閘要搭無人車過去），順便去 lounge 坐下。呀，唔記得講，回程我揀咗 Business，因為差好少錢，但係有 lounge 用同有嘢食，對於下晝航班嚟講就諗少一餐晏喺邊度解決
由於坐嘅係 E190（係，又係 LCY），所以連 A320 family 嗰種 business block centre seat 都冇。所謂 business class (club Europe) 只係寄倉行李多一件、可以用 lounge、legroom 多少少，同埋有飛機餐。呢個係 chicken caesar (一如所料，冇熱餐)，surprisingly 好好食。個甜品 mousse 最正
英航特色係酒水充足。我未飲完半支空姐已經問我要唔要多支。小弟飲力一般，所以婉拒了。
呢班 E190 差不多全機滿座，26個 Business class 位坐咗 25 個客。要兩個空中服務員服侍 Business class 先啱啱趕得到一個鐘內 serve 晒 25 個客，睇見佢地都辛苦。
飛越 English channel
Hello London
又返到 LCY。入境又係零等候，叫我如何不愛它
總結：可能睇得太多彈 BA 嘅 post，從來對佢哋都冇乜期望，所以唔會失望之餘，今次仲覺得有啲驚喜。So far 坐咁多次英航，我從來唔覺得服務差。相對 CX 啲良莠不齊嘅新丁仲未知自己做緊乜、LH 嗰啲求其、KL 嗰啲 coolness，BA 唔會令你覺得佢特別殷勤，但亦唔會覺得佢行禮如儀，反而好多仲令你覺得佢好用心做佢自己份工，其實已經相當唔錯。
