冷清的新落馬洲站巴總

Jamesho81 發表於 2026-9-25 11:58
國家任務大定鐵路利益大
起依堆口岸出嚟就係要分走現有口岸啲客
起完嗰口岸唔開線咁起嚟做乜

你覺得港鐵走去做東鐵宣傳，只係做樣？

有無考慮過只係大陸客多咗即日來回，
叫做填補左香港過境客流失數字，暫時頂得順？

大家知唔知上年車務營運虧損擴大？
如果有大量客轉用皇崗，東鐵再跌過境客，
要多幾多本地需求先補得返

講緊東鐵低價車費受惠於過境客量補貼

東鐵飽和唔該香港政府拿拿聲起中鐵綫
依個項目係北大人講明香港要做，但太貴港鐵又無錢做

點解做唔掂，建議睇吓田二少講港鐵財務安排面對緊挑戰

＝＝＝＝＝＝＝＝＝＝

本身蓮塘口岸真正主力係要取代文錦渡貨運需求

順手為北都而設，做下跨境學童、私家車、橋車、跑狗
方便兩地人員交流
（如果你有睇香園圍口岸份環評，就會發現 2030 同 2050 深港關口打算點樣融合）

蓮塘從來無諗過要處理咁多人，而家蓮塘日日爆鑊，錯係邊個度？
邊個人好大喜功，開一大堆平價巴士服務出黎？

＝＝＝＝＝＝＝＝＝＝

講緊 20 年前，深港兩地其實本身有共識
落馬洲／福田兩個口岸設計係可以擴建，深方留好晒擴建用地
港方亦可以擴建大三倍，再擴建落馬洲站比北環綫接入

而家好明顯係深方同港方政策協調失敗
兼國家想大搞一地兩檢，所以先另外再重建新皇崗

本身深方仲諗住新皇崗重建果日，北環綫即日通埋車
而新皇崗港方 PTI 咁細，係打算同蓮塘一樣
淨做返少量跑狗、新田本地接駁服務，根本無考慮過要預咁大車流量

香港有香港要走程序，北環綫零可能 2027 搞掂
而家咪搞到一鑊粥，又亂咁開長途 B 線補鑊，硬件上根本跟唔上

國家根本唔想香港用巴士解決問題
真命天子係用鐵路處理跨境人流

講緊北大人係大發雷霆，直頭問責港府
如果條條鐵路起得咁慢，不如我幫你起？引入國標正正係咁解

有無諗過開 B 線先係同國家利益背道而馳？
（望下對面澳門，點解要嗱嗱聲起條東線去關閘、青茂？）

dennis28a 發表於 2026-9-26 01:27
你覺得港鐵走去做東鐵宣傳，只係做樣？

有無考慮過只係大陸客多咗即日來回，

從來口岸呢啲流量特別高嘅地方，鐵路係基本配置，都唔駛北大人特別提點，就好似一個機場咁樣，想做大嘅點都要爆啲鐵路入去。唔係保唔保鐵嘅問題，而係任何口岸都唔 suppose預有咁多空間比一大堆巴士入去自轉 (港方港珠澳係例外，不過佢大大個人工島自己玩)，一陣成堆人湧出嚟嘅時候，巴士點車海都冇鐵路咁有效率 (對面海港珠澳條輕軌甚至應該同東線一齊起添，依家已經遲哂)。中鐵線甚至應該直接當係北環 phase 3 咁規劃，依家搞到錦上路爆棚嘅話間接封死左成個北都發展...

蓮塘已經示範左巴士資源錯配導致口岸爆棚嘅結果，海庭冇一個人覺得有問題，仲唔介意直接 replicate concept落皇崗呢啲重點基建度，都已經唔講兩蚊計劃點樣 skew哂啲設計流量，仲要放任班區佬扭計要求區區有B線，調翻轉我冧香港呢邊特登玩野就真。

dennis28a 發表於 2026-9-26 01:27
你覺得港鐵走去做東鐵宣傳，只係做樣？

有無考慮過只係大陸客多咗即日來回，

而且雖然深圳地鐵歷史不長，但發展速度很快，再看接駁香港的口岸例如深圳灣、蓮塘、皇崗也有地鐵站，反而這邊就靠巴士接駁，所以難怪師兄說出這個情況。


師兄説起澳門，只要留意開澳門新聞，青茂是國務院授權澳門管轄那一塊V型土地來興建東線，加上橫琴那邊又會再發展鐵路，就知道鐵路才是口岸主導交通方針。

joechau123 發表於 2026-9-25 12:25
新皇崗開咗之後，B1會跌客跌到咩嘅樣都係未知之數。。。
班區議員一直都好想實現嘅元天分家之後可能就凍過 ...

我自己就新皇崗去福田返,怕左福田的欄杆陣,希望到時B1有似樣的班次

LN9267 發表於 2026-9-26 10:24
而且雖然深圳地鐵歷史不長，但發展速度很快，再看接駁香港的口岸例如深圳灣、蓮塘、皇崗也有地鐵站，反而 ...

深圳關口喺市區

香港唔係
其實依家點起鐵路都只係駁落本身容量有限嘅東西鐵
所以中鐵線唔盡快起，起一堆支線去口岸都係晒氣

咁當然遠不及開長途巴士線去市區另一個邊陲咁反智
但其實更離譜係小巴
當討論要鐵路先可以應付到人流
點會放小巴呢啲咁低效率嘅交通工具入去
新口岸最反智嘅唔係應付地區聲音而開太多線
因為你望真啲，開咩線首要考慮根本唔係地方需求
而係優先照顧堆經營者嘅利益分配

3ASV174 發表於 2026-9-26 11:01
深圳關口喺市區

香港唔係

師兄所言甚是，香港這邊經常說交通生態平衡，所以這裏一些版友也提過TD考量。


小巴做開皇巴站，自然要入去。巴士就明顯兩間母公司直接做現有皇崗（皇巴士和直通巴士），所以新皇崗就旗下的專營巴士公司要做。

直通巴士就更加吧，本身做開直接入口岸，新的口岸也自然要入去。

dennis28a 發表於 2026-9-26 01:27
你覺得港鐵走去做東鐵宣傳，只係做樣？

有無考慮過只係大陸客多咗即日來回，

咁你鐵仔咪快啲起
新界東北線都有香園圍站
連鐵路都未起好憑咩唔俾人開巴士線
東鐵去到香園圍去到新皇崗咩
北環線起好咪俾你大條道理斬晒B11/B15

西九小確幸 發表於 2026-9-25 09:02
估計就係開完B7先知奶鑊，新皇崗得半夜先有NB73去上粉

（B8、B12都奶奶地，係念在河東／馬鞍山冇口岸直車 ...

B8、B9 之前的 B 線都是開至就近市鎮，上水是香園圍口岸最近之市鎮，開 B7 有何問題？（反而當年開 B9 及 B8 開到大圍，以及皇崗沒有北區 B 線就有些意外，當初 FF 過類似 B8 的線也只預開至大埔火車站而已）

hadboy5 發表於 2026-9-26 10:48
我自己就新皇崗去福田返,怕左福田的欄杆陣,希望到時B1有似樣的班次

我又唔覺得到時B1會太差，可能同B10平分秋色

不過B11都應該唔係好好做

joechau123 發表於 2026-9-26 13:38
我又唔覺得到時B1會太差，可能同B10平分秋色

不過B11都應該唔係好好做

B11唔進行元天分家，死路一條