荃灣市公共交通一問

自細住大西北，對荃灣嘅巴士印象就係M車經過嘅青山公路荃灣段。
後尾對啲線熟啲，先發現荃灣嘅巴士線類型同大西北差好遠。
所以想集思廣益下呢啲問題：

1.站位
荃灣有三條平衡嘅大路 - 青山公路、沙咀道、楊屋道。

三條路停靠嘅巴士線各有唔同，除咗歷史原因外，三條路有冇咩分工？
(例如大西北線停青公，係因為夠快+近商業區啲？)

三條路之間嘅站位可唔可以互相替代？
(即係有少少似討論長沙灣道、荔枝角道；
或者土瓜環上路下路嘅分工)
或者有冇啲線，係可以改行另一條路？


2.巴士 & 小巴
荃葵區算係仲有好多小巴嘅地方(紅綠都係)，
有做區內線，亦都有做區外線嘅，
好多都同當區巴士有競爭。
大家會唔會覺得其實兩者之間係應該要有啲分工？

有啲 (都幾多)人會話九巴喺荃葵青資源落得唔多，
服務亦都麻麻 (無論係路線、派車、班次)上。
大家會覺得係因為九巴做唔好所以小巴先喺咁多位有得同巴士爭客 (eg 234X & 紅小)，
定因為小巴爭客令九巴冇心做？

荃灣有好成熟地鐵網路出九龍、港島，結果一係俾地鐵打殘，一係就算冇地鐵直接競爭，但位於整個市區正中央，去其他地方冇可能收得貴，所以巴士公司資源落得唔多係正常。