九巴倒米宣傳？！

skibidiot 發表於 2026-11-6 00:14
咁你句「人地唔覺得」又點嚟？

上面都有講，如果迪士尼BBI玩得通嘅，青嶼幹線就夠多人搭AE車啦

東涌線幾耐一班車去欣澳，欣澳幾耐一班車去廸士尼？
你唔好講到港鐵唔洗等咁
宜家R8 已經要係青衣調頭, 拉埋去青衣站一個來回只係多幾分鐘, 客量同只靠青嶼幹線轉乘點比?
大把人去完廸士尼就近搵個商場食飯, 咪就係青衣城, 巴士點去? 唔係話轉乘麻煩, 係揀都無得揀, 邊條ＡE線去青衣城?


你知唔知廸士尼來往青衣, 成人八達通收緊$15.9?
廸士尼出發，去到九龍未過海都收到廿蚊以上
R8 青衣上車收$9 象徵式比返$2轉乘其他線已經好夠

brian 發表於 2026-11-5 23:05
東涌綫轉B10：九巴收入 $12.1
R8 延長，同 B10 有轉乘優惠免一程：九巴收入$12.1

九巴邊度有講B10有得免費轉R8?
R8拉去青衣加到$9, 甚至$12，再比返一蚊B10優惠就夠晒

宜家B10轉A43再轉R8 三十幾蚊, 港鐵就算計上水出發都二十五蚊

Toz 發表於 2026-11-6 00:40
東涌線幾耐一班車去欣澳，欣澳幾耐一班車去廸士尼？
你唔好講到港鐵唔洗等咁
宜家R8 已經要係青衣調頭, 拉 ...

又顧住踩地鐵啦，巴士唔係萬能...
1. 地鐵要等車R8就唔使？要加到唔使等車咪即係燒車，燒車都揀B10燒啦
(回返標題，呢啲咪典型要巴士唔計成本咁客咩都做晒嘅人，加一成幾價多得你哋啲建議唔少)

2. 去青衣站/長安係多幾分鐘嘅事？
未搭過B10？未喺青衣轉過嗰幾個迴旋處？
又以偏概全揀交通最順嘅時候講

3. 要鬥價錢唔係唔得，前提係車程要有吸引力嘛...
巴士跑北大嶼山公路已經唔快 (隔離地鐵過100，巴士六十幾)，仲要入青衣城或者長安自轉，
轉完仲要食廢氣喺長安或者青衣城等嗰啲越嚟越疏嘅42C 41A 49X
真係你搭埋我嗰份啦大佬...
(咪同樓上36A+B10一樣，佢俾足優惠兩程12.1我都唔搭啦，36A好好等咩...)
同埋去得迪士尼張飛都幾百蚊啦，仲介意嗰十蚊八蚊咩
呢啲你又唔講？
(知你會話家人們啦，咁我問你家人們會想搭地鐵準時返屋企，
定搭巴士連自己搭咩線都唔知頭唔知路咁返去，搞到要通宵截的士？)

skibidiot 發表於 2026-11-6 01:05
又顧住踩地鐵啦，巴士唔係萬能...
1. 地鐵要等車R8就唔使？要加到唔使等車咪即係燒車，燒車都揀B10燒啦
( ...

所以全程由落馬洲／羅湖搭港鐵去廸士尼, 要企幾耐?
位位收五十幾，多幾個人真係貴過call車
問題其實唔係貴，係貴得黎要罰企，仲要企好耐，轉車仲要行餐死, 覺得巴士唔夠港鐵鬥既真係水魚中既水魚

而B10去青衣轉鐵, 真係好過轉R8?
乜野要吸廢氣，宜家係四十年前巴士無冷氣？定二十年前站頭無得睇ETA?
塞一陣迴旋處又點？去廸士尼差果幾分鐘？
你係東涌線上面企，我係部巴士上坐，你燥底我唔心急，明唔明？

Toz 發表於 2026-11-6 01:16
所以全程由落馬洲／羅湖搭港鐵去廸士尼, 要企幾耐?
位位收五十幾，多幾個人真係貴過call車
問題其實唔係貴 ...

又默認搭鐵係罰企啦

去程，東鐵總站出，有位坐到紅磡，
屯馬紅磡至南昌唔多位但唔係最迫
東涌線更加係企得舒服
回程，迪士尼線東涌線想揾位都唔係咁難
晚間屯馬南昌至紅磡都大機會有位坐
係東鐵嗰程要攝位坐 (but 家人們呢啲特種兵唔care啦，最多坐地下)

B10嗰段更加係打橫嚟講

巴士公司梗係唔會倒米serve呢啲客啦大佬
有車都加落B10，反正你要搭B10嘅點都係要搭
賺R8嗰幾蚊燒咁多車咁多油真係算啦