我發覺自己消費以至生活態度出現嚴重問題!

呢幾日,陸續收到信用咭statement,結果令我感到不安,
在近一個月,我不知為何會不斷簽賬,可謂達至瘋狂程度,
所有結欠累計竟然係我今個月薪金的80%

同時我發現銀包內的錢由以往可應付一星期,變成只能應付2-3日
o的錢唔知o係邊度用左(我而家好少會拎收據)

以前買野一定會拎收據,並作消費紀錄,
但而家好少咁做,造成我放縱消費,結果我好痛苦,
晚晚失眠,內心又有罪惡感

另外,我又發現自己好耐無返教會,與神的距離有十萬八千丈遠,
現在感到完全失去方向,除工作外,條路唔知點行?

我見到自己有位朋友的影子,他亦好耐無返教會,
之後過著腐化生活,最後瘋狂簽賬,欠下近二十萬債項,
我不想步他的後塵!

希望各位教友俾意見我,讓我知道點做!

- 如果有幾張 credit card , cut 剩一張吧．再打去銀行減少信用額．
- 開個定期戶口，一出糧就將預定既錢存入去，想駛多都唔得．
- 做人冇晒方向，同返唔返教會冇關係．你有冇諗過裝備自己? 有冇諗過改善自己既生活? 有冇諗過發展自己既興趣? 有冇諗過同另一半組織家庭? 如果乜都唔去諗，返教會只係逃避現實．

銀包乜都唔帶，只帶少量現金應付日常開支，增加洗錢難度...
開始寫自己o既數簿..了解自己o既洗錢習慣同錢o既去向...
要儲錢，為將來，係要虐待今時今日o既自己架喇，先甜後苦先苦後甜你自己揀。

[ 本帖最後由 tomchen 於 2007-9-16 20:10 編輯 ]

聽上面咁多位朋友講, 樓主快o的返番
現實, 最重要係問o下專家點樣為自己
解決債務問題, 之後好似上面咁講, 定
個長遠目標. 人唔可以只掛住呢幾日
o既事, 廿幾三十年後呢? 都要諗喎.

有句好老套o既話, 但係我覺得要記住,
就係 '錢唔係萬能, 但係冇錢就萬萬不
能'.

點洗錢就同宗教冇乜關係既。反而雖到難關就好自然會諗到宗教。
我早年有咩人生關口，都會搵搵黃大仙一樣。

至於洗錢，我倒有一套。又早年，年輕對生活有很多願望。
希望成為車主、業主。這個主觀願望成為事業上的鞭策。
雖未算得上是事業三級跳，但總算是安穩。

安穩生活是有代價的。我的心得是「選擇」。
選擇只做A、B、C中的其一。我是後果論者。凡事都會想想後果如何，
對自已負責。

需要，是有憂次的。不可能一步到位。所以，必須選擇。
當然，消費、借貸都是選擇之一。不過，後果就要自負。

1. 整一個表(最好用Excel), 每天記錄你銀包內, 戶口內, 八達通內的剩餘金額, 加起來, 再計算你由該日至下期出糧, 每天平均可用的金額.

2. 若然有信用卡簽賬, 必保留單據, 並自行記錄下來, 而每次提款及EPS必索取通知書, 回家後可拿著通知書記在收支表.

3. 出糧之後找清全部該月的賬單(包括信用卡, 電話費等等)及先作十一奉獻(如要), 減低利息支出, 亦以免月底駛突左冇錢找數.

4. 開一個戶口(可以是儲蓄或者股票戶口), 每期出糧先將適量金額存入.

5. 將電話/上網/保險供款等賬單改作信用卡自動轉賬, 減少賬單的數量(因為愈多賬單愈難處理).

6. (最後防線)若發覺自己的賬單的金額大大超出自己的能力, 可考慮向銀行借私人貸款, 再分期償還.

涉及向金融機構(銀行, 財務公司)借貸(包括信用卡, 私人貸款, 按揭)的賬單一定要準時找清, 千祈不要寫花自己的信貸紀錄, 一旦花左, 第時想借錢買樓買車的難度又會高左.

[ 本帖最後由 gordon 於 2007-9-17 15:57 編輯 ]

樓主提及到自己以往有做開支紀錄，係駛錢有預算的人。
但係過往果一個月就無做。
最近又減少返教會，令自己同宗教的距離遠佐。

樓主係咪發生佐D事，才會改變呢兩種習慣？
進而令自己更不安？

自已洗錢冇節制.同返唔返教會冇關係
唔通真係學似北碼出面條banner咁寫.
有錢債信耶蘇乜都搞掂晒咩...

自已定力唔夠就請cut晒d credit card
費事洗晒呢期糧仲連帶去下一個月
唔想亂洗就真係擺入定期.冬啞銀號1K都開到戶

原帖由 DW8306 於 2007-9-18 00:15 發表
自已洗錢冇節制.同返唔返教會冇關係
唔通真係學似北碼出面條banner咁寫.
有錢債信耶蘇乜都搞掂晒咩...

樓主自己講佐係兩回事黎ge...