煲爉在中秋節的興起

下星期二就係中秋節,從前的那天,人們傳統會食月餅,而小朋友就會玩燈籠 近年,一家人會在中秋的時份落樓下/附近的公園進行一種指定活動—煲爉 其實有咩意義?又危險又浪費時間,難道要增加中秋節的氣氛?
若是這樣,何不去政府部門舉辦的中秋晚會 另外,大家喜歡食咩月餅,小弟從未食過冰皮月餅,而市面上的雪糕月餅味道又如何,想想下就真係好想試下
歡迎討論

[ 本帖最後由 ATR83 於 2007-9-22 12:04 編輯 ]

首先煲蠟絕對唔係一種「新興活動」，小弟已三十出頭，而我讀小學時已經
有很多人在中秋節玩煲蠟。只係近年康文署積極取締中秋其間在旗下公園內
既煲蠟活動，所以才多左人注意。

點解d人鍾意玩煲蠟？無非都係貪刺激，正如有d小朋友鍾意玩火，中秋
節正好比一班大人有玩火既借口。

[ 本帖最後由 fai 於 2007-9-21 20:46 編輯 ]

以前聽D親戚講笑話中秋夜=奉止放火夜!

當年只靚仔唔識死.玩到個火大一大果陣淋水
搞到搶火或者俾蠟彈親炸嘛...

以我當年黎講.就咁玩純煲蠟又無話搶火又盛喎....
可能個火玩得細卦....

[ 本帖最後由 DW8306 於 2007-9-22 00:18 編輯 ]

原帖由 ATR83 於 2007-9-21 19:59 發表
下星期二就係中秋節,從前的那天,人們傳統會食月餅,猜燈謎 ...

中秋節猜燈謎? 唔係元宵節咩?

原帖由 Bristoll5g 於 2007-9-22 12:26 AM 發表


中秋節猜燈謎? 唔係元宵節咩?

記錯了 多謝提醒,原文已改^^

其實煲蠟既原理係點既呢？

原帖由 Rick 於 2007-9-24 23:45 發表
其實煲蠟既原理係點既呢？

煲蠟乃本港死靚仔傳統玩意之一. 惟近年嚴禁煲蠟, 此玩意日漸息微...

材料 : 月餅鑵一個, 蠟燭數十支, 報紙, 石頭數粒, 水

先圍放石頭, 中間以報紙生火, 蠟燭先放入月餅鑵, 置於火上加熱.
至蠟完全溶解及沸騰,  即通知同伴切勿行近, 在遠距離用水潑向月餅鑵,
即會捲起火焰, 十分壯觀, 最高可超過一層樓高度, 視乎蠟的數量和溫度而定.

完成後, 即見滿目瘡痍, 四周都是蠟跡, 極難清理.
此刻禮成, 一般做法是四散逃走. 留待清潔工人善後.

原帖由 Dolphin 於 2007-9-27 10:10 發表

煲蠟乃本港死靚仔傳統玩意之一. 惟近年嚴禁煲蠟, 此玩意日漸息微...

材料 : 月餅鑵一個, 蠟燭數十支, 報紙, 石頭數粒, 水

先圍放石頭, 中間以報紙生火, 蠟燭先放入月餅鑵, 置於火上加熱.
至蠟完全溶解及沸騰,   ...

......我用ｏ既方法比較乾淨－－

材料 : 月餅鑵一個， 蠟燭幾十支，噴水壺

唔駛放石頭，先ｏ係月餅罐入面點蠟燭，
當Ｄ蠟燭慢慢燒，個火越來越大，溫度上升，
蠟燭會開始熔，Ｄ火會由蠟燭上面慢慢移到熔左Ｏ既蠟度
OK，而家燒緊ｏ既唔係蠟燭，而係Ｄ液態ｏ既蠟，
即係已經「起爐」！！可以再加蠟燭入去做燃料！
跟住開始有「煎雞蛋」ｏ既聲，可以叫其他朋友疏散！

可以用噴水壺，遠距離直線射水！！
由於蠟ｏ既溫度夠高，引起ｏ既火埳會好大，
我最高紀錄係一個人咁高，記住要噴向火ｏ既低部！
唔好太大力，一定要遠距離
係咁噴，到Ｄ蠟燒晒，就會熄火，個月餅罐會黑晒，
西周地下會有Ｄ好細粒ｏ既蠟滴！遠睇唔覺！
（唔駛清理，因為睇唔到，要有技術先可以煲得乾淨！！）

我覺得煲蠟係一項自私o既行為，為o左一時之快感，就有令自己甚至其他人受傷o既危險，又要其他人幫佢o地清理同善後！
不知所謂！