嘩！撞喇！撞喇！呀.....boom...真係直撞埋去

主角：九巴58X往旺角方向 (AL79 - FA8827)
車長：6字頭合約制車長一名
地點：屯門公路往九龍方向近深井交匯處出口前的東行橋面上
時間：2007年9月27日晚上約9點37分

九點半o係華都花園站上車，成車大約十幾人，一上車就坐o係上層車頭左邊第一排，成條屯門公路都唔覺車長開得特別快/慢，去到深井橋之前的落斜位，架巴士行緊慢線，已經清楚見到前面百幾米有2架工程車，一前一後慢駛緊（係少於10公里o個種「維修工程式慢駛」），而後面o個架（即係第2架）工程車係有「風琴式防撞車尾」，此時巴士車長想「抽頭」出中線，但係中線都有車，巴士車長一直無收油，「騎」住o係慢線同中線之間，不過都係無機會抽到出去中線，去到就來撞之前（約少於十米）車上已經有乘客大叫「撞喇！」，巴士車長都完全無反應，踩住油咁直撞埋個「風琴」度，boom一聲巨嚮，車長先至好似如夢初醒咁急停，有一道好大o既衝力扯離張椅飛向前，跟住「撻」返落張椅度，差少少就撼落前面條橫住度，停定後，見到前面被撞的第2架工程車係向前移動。

呢個時候巴士車長竟然係重新起步，抽頭駛出中線，過左第2架工程車後，抽返入慢線，停o係第一同第二架工程車之間，之後聽到車長o係下層問「有無人受傷」，不過，無上去上層問，上層的乘客都係自己行落下層，此時巴士車長已經下車，並與該2部工程車的司機查問情況，巴士車頭只是輕微損毀。

此時中線有一部67X線的ATE駛經，該58X線的肇事車長在第一架工程車同佢自己架58X之間的空隙揚手欲截停該67X讓乘客轉車，咁突然的情況下該67X車長當然係停唔切，結果係停左o係最前（即係第一架工程車的再前面）先至埋到慢線停低，點知呢位58X線的車長竟然係帶o的乘客係第一架工程車的右邊（即係貼住中線，完全無阻擋同保護的位置），o的乘客就o係中線旁邊同中線飛弛緊的車擦身而過咁行去前面架67X！都唔明佢有無受過訓練！點解有第一架工程車的左邊同橋邊之間咁安全的位置唔帶（雖然o個邊比較窄少少），要帶o的乘客行出右邊飛弛緊o既中線旁邊度行？定係佢已經驚到手足無措？

好彩架58X乘客唔多，都係十幾人，更好彩係我地都無被中線o既車撞到，因為我地行緊o個o陣，好清楚聽到中線係有車狂嚮號同收慢，由此相信中線的駕駛者都對慢線突然有十幾人係巴士前面突然步出中線給大吃一驚。

似乎o的工程車要o係行最後的一架安裝「風琴式防撞架」係預左o的九巴司機每隔一排就撞一撞。（亦好彩有呢個裝置減輕撞擊力，如果唔係前排乘客已經飛左出路面）。

巴士最後停於2架工程車之間，此時車長已離開車廂與工程車的司機查問情況


左邊車頭損毀輕微


[ 本帖最後由 minwon 於 2007-9-30 00:15 編輯 ]

就咁睇,司機似乎唔識得基本安全...

如 所 你 講 係 屬 實 , ( 當 然 唔 係 質 疑 你 ) .
我 諗 呢 個 司 機 好 快 會 比 人 照 照 肺 .
無 合 理 解 釋 就 係 咁 先 .

嘩~個司機係咪發緊夢呀?收油都唔識直撞埋去,
仲叫人行出中線,o係公路就算行路肩都好危險,
一般人都有呢種危險意識吧。

不過點解乘客知道危險都跟佢一齊行,唔行路肩?
唔好講因為司機有責任保護乘客安全,
所以就跟住司機行,唔通d乘客自己冇判斷力咩?

原帖由 joeli16 於 2007-9-28 01:02 發表
嘩~個司機係咪發緊夢呀?收油都唔識直撞埋去,
仲叫人行出中線,o係公路就算行路肩都好危險,
一般人都有呢種危險意識吧。

不過點解乘客知道危險都跟佢一齊行,唔行路肩?
唔好講因為司機有責任保護乘客安全,
所以就跟住 ...

試想想：如果唔跟車長行，自己行左埋去左邊，等一陣個58x的車長以為所有乘客都上哂架67x，示意架67x開車離去，咁咪剩下你一個人o係條公路旁邊唔知點算？

[ 本帖最後由 minwon 於 2007-9-28 01:15 編輯 ]

佢係咪訓緊覺.........
呢條司機真係停返一排唔好揸先得.....

原帖由 minwon 於 28-9-2007 01:12 發表


試想想：如果唔跟車長行，自己行左埋去左邊，等一陣個58x的車長以為所有乘客都上哂架67x，示意架67x開車離去，咁咪剩下你一個人o係條公路旁邊唔知點算？ ...

咁個 58x 師傅照計都會睇到仲有人未上車既，就算佢睇唔到，冇上車既客都會同佢講啦，
斷估都唔會突然係山邊殺班人出黎白撞掛…

原帖由 minwon 於 2007-9-28 01:12 發表
試想想：如果唔跟車長行，自己行左埋去左邊，等一陣個58x的車長以為所有乘客都上哂架67x，示意架67x開車離去，咁咪剩下你一個人o係條公路旁邊唔知點算？ ...

都唔怕ga...司機會留喺現場ga ma
若果呢個情況真係發生,司機都可以截另一架車
但起碼可以保障自己安全先

原帖由 minwon 於 2007-9-28 01:12 發表


試想想：如果唔跟車長行，自己行左埋去左邊，等一陣個58x的車長以為所有乘客都上哂架67x，示意架67x開車離去，咁咪剩下你一個人o係條公路旁邊唔知點算？ ...

個車門o係左面既,理論上行路肩係快過行出中線,
除非係行得特別慢,否則你點都唔會跟丢大隊,
企定定o係車門等佢黎就得,
當個司機唔識保護乘客安全,
咁就要自己執生架啦。

個司機可以自行決定過唔過車？唔駛打返廠0架？